ନୂଆଦିଲ୍ଲୀ,୧୯/୧: ଆଜି (ରବିବାର) ବର୍ଷର ପ୍ରଥମ 'ମନ୍ କି ବାତ୍' କାର୍ଯ୍ୟକ୍ରମ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବାହ୍ନ ୧୧ଟାରେ 'ମନ୍ କି ବାତ୍' କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧନ କରିବେ । ଏହା ୧୧୮ତମ ଏପିସୋଡ୍ । ବର୍ଷ ୨୦୨୫ର ଏହା ପ୍ରଥମ ମନ୍ କି ବାତ୍ କାର୍ଯ୍ୟକ୍ରମ ହେବ । ପ୍ରତିମାସ ଶେଷ ରବିବାର ମନ୍ କି ବାତ୍ କାର୍ଯ୍ୟକ୍ରମ ହୋଇଥାଏ ମାତ୍ର ଏଥର ମାସର ତୃତୀୟ ରବିବାର ଅନୁଷ୍ଠିତ ହେବ । ଜାଣନ୍ତୁ ଏହାର କାରଣ ।
କାହିଁକି ତୃତୀୟ ରବିବାର- ପ୍ରତିମାସ ଶେଷ ରବିବାର ମନ୍ କି ବାତ୍ କାର୍ଯ୍ୟକ୍ରମ ହୋଇଥାଏ ମାତ୍ର ଏଥର ମାସର ତୃତୀୟ ରବିବାର ଅନୁଷ୍ଠିତ ହେବାକୁ ଯାଉଛି । ତୃତୀୟ ରବିବାର ଅର୍ଥାତ ଜାନୁଆରୀ ୨୬ ତାରିଖ ସାଧାରଣତନ୍ତ୍ର ଦିବସ ପଡୁଛି । ଦେଶ ଗଣତନ୍ତ୍ର ଦିବସ ପାଳନ କରିବ ତେଣୁ ଚଳିତମାସ ଶେଷ ନୁହେଁ ତୃତୀୟ ରବିବାର ମନ୍ କି ବାତ୍ କାର୍ଯ୍ୟକ୍ରମ ଅନୁଷ୍ଠିତ ହେଉଛି ।
ଏହା ବି ପଢନ୍ତୁ...କିଏ ଏହି ଜର୍ମାନ ଗାୟିକା କାସାଣ୍ଡ୍ରା? ମୋଦିଙ୍କୁ ଗାଈ ଶୁଣାଇଲେ ‘ଅଚ୍ୟୁତମ୍ କେଶବମ୍’
ପ୍ରକାଶ ଥାଉ କି, ପ୍ରତିମାସ ଶେଷ ରବିବାର ମନ୍ କି ବାତ୍ କାର୍ଯ୍ୟକ୍ରମ ପ୍ରସାରିତ ହୋଇଥାଏ । ୨୦୧୪ ଅକ୍ଟୋବର ୩ ତାରିଖରେ ମନ୍ କି ବାତର ପ୍ରଥମ ଏପିସୋଡ ପ୍ରସାରିତ ହୋଇଥିଲା । ପ୍ରଥମ ଏପିସୋଡ ୧୪ ମିନିଟର ରହିଥିଲା । ଏହାପରେ ୨୦୧୫ରୁ ଏପିସୋଡ ସମୟ ୩୦ମିନିଟକୁ ବୃଦ୍ଧି କରାଯାଇଥିଲା । ହିନ୍ଦୀ ଭାଷା ସହ ଆଞ୍ଚଳିତ ଭାଷାରେ ମୋଦିଙ୍କ ମନ କଥାକୁ ପ୍ରସାରିତ କରାଯାଇଥାଏ । ଏହା କାର୍ଯ୍ୟକ୍ରମ ଜରିଆରେ ଦେଶବାସୀ ପ୍ରଧାନମନ୍ତ୍ରୀଙ୍କ ମନ କଥା ଶୁଣିଥାନ୍ତି । ଏହି କାର୍ଯ୍ୟକ୍ରମ ଜରିଆରେ ବିଭିନ୍ନ କ୍ଷେତ୍ରରେ ସଫଳତା ହାସଲ କରିଥିବା ବ୍ୟକ୍ତିତ୍ବଙ୍କ ବିଷୟରେ କରିଥାନ୍ତି ପ୍ରଧାନମନ୍ତ୍ରୀ । ସ୍ବଚ୍ଛତା ସହ ଜଡିତ ଅନେକ ପ୍ରେରଣାଦାୟୀ କଥା କହିଥାନ୍ତି । ଗତ ମନ୍ କି ବାତ୍ ଏପିସୋଡରେ ପ୍ରଧାନମନ୍ତ୍ରୀ କଳାହାଣ୍ଡି ଚାଷୀଙ୍କୁ ପ୍ରଶଂସା କରିଥିଲେ ।
