ଭୁବନେଶ୍ୱର,୧୭/୦୫: ଓଡ଼ିଶା ଆସିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାଜ୍ୟ ସରକାରଙ୍କ ବର୍ଷ ପୂର୍ତ୍ତି ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେଇପାରନ୍ତି । ଜୁନ ୧୧ କିମ୍ବା ୧୨ ତାରିଖରେ ଓଡ଼ିଶା ଆସିବା ସମ୍ଭାବନା ରହିଛି ।
ଜୁନ୍ ୧୨ରେ ରାଜ୍ୟ ବିଜେପି ସରକାରକୁ ବର୍ଷେ ପୂରୁଥିଲା ବେଳେ ରାଜ୍ୟ ସରକାର ବର୍ଷ ପୂର୍ତ୍ତି ଉତ୍ସବ ପାଳନ କରିବେ । ଏଥିପାଇଁ ସରକାର ସହର ଓ ଗାଁକୁ ଯିବେ । ଲୋକଙ୍କ ପାଖରେ ପହଞ୍ଚିବେ । ବର୍ଷକ ମଧ୍ୟରେ ଦେଇଥିବା ପ୍ରତିଶ୍ରୁତି କେତେ ପାଳନ କରିଛନ୍ତି ତାର ରିପୋର୍ଟ କାର୍ଡ ରଖିବେ । ଜୁନ୍ ୧୯ ଯାଏଁ ଚାଲିବ କାର୍ଯ୍ୟକ୍ରମ । ଏଥି ସହିତ ସରକାର ରାଜ୍ୟସ୍ତରୀୟ ଭବ୍ୟ ସମାରୋହର ଆୟୋଜନ କରିବେ । ଶପଥ ଗ୍ରହଣ ଉତ୍ସବ ଭଳି ବିଜେପି ସରକାରର ବର୍ଷ ପୂର୍ତ୍ତି ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେଇପାରନ୍ତି।
