ନୂଆଦିଲ୍ଲୀ,୧୨/୦୭: ଶନିବାର ଦେଶର ୪୭ ସ୍ଥାନରେ ୧୬ ତମ ରୋଜଗାର ମେଳା ଆୟୋଜନ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବାହ୍ନ ୧୧ଟାରେ ଆଭାସୀ ମାଧ୍ୟମରେ ବିଭିନ୍ନ ସରକାରୀ ବିଭାଗ ଏବଂ ପ୍ରତିଷ୍ଠାନଗୁଡ଼ିକର ୫୧ ହଜାର ନବନିଯୁକ୍ତଙ୍କୁ ନିଯୁକ୍ତି ପତ୍ର ବଣ୍ଟନ କରିବେ । ଏ ଅବସରରେ ସେ ନବନିଯୁକ୍ତଙ୍କୁ ସମ୍ବୋଧିତ କରିବେ ।
ରୋଜଗାର ସୃଜନକୁ ପ୍ରାଥମିକତା ଦେବା ଦିଗରେ କେନ୍ଦ୍ର ସରକାରଙ୍କ ପ୍ରତିବଦ୍ଧତାକୁ ସମ୍ପୂର୍ଣ୍ଣ କରିବାରେ ନିଯୁକ୍ତି ମେଳା ଏକ ପଦକ୍ଷେପ । ଏହା ଯୁବବର୍ଗଙ୍କୁ ସଶକ୍ତ ଏବଂ ରାଷ୍ଟ୍ର ଗଠନରେ ସେମାନଙ୍କ ଭାଗିଦାରୀକୁ ସାର୍ଥକ ଅବସର ପ୍ରଦାନ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ଅଦ୍ୟାବଧି ରୋଜଗାର ମେଳା ମାଧ୍ୟମରେ ସାରା ଦେଶରେ ୧୦ ଲକ୍ଷରୁ ଊଦ୍ଧ୍ୱର୍ ନିଯୁକ୍ତିପତ୍ର ବଣ୍ଟନ କରାଯାଇଛି ।
ଦେଶବ୍ୟାପୀ ଚୟନ ହୋଇଥିବା ଏହି ନୂତନ କର୍ମଚାରୀମାନେ ରେଳ ମନ୍ତ୍ରଣାଳୟ, ସ୍ୱରାଷ୍ଟ୍ର ମନ୍ତ୍ରଣାଳୟ, ଡାକ ବିଭାଗ, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ, ଆର୍ଥିକ ସେବା ବିଭାଗ, ରୋଜଗାର ମନ୍ତ୍ରଣାଳୟ ସହ ବିଭିନ୍ନ ମନ୍ତ୍ରଣାଳୟରେ ଯୋଗ ଦେବେ । ଭୁବନେଶ୍ୱର ନିଯୁକ୍ତି ମେଳାରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେବାର କାର୍ଯ୍ୟକ୍ରମ ରହିଛି ।
