ନୂଆଦିଲ୍ଲୀ,୧୬/୧୨: କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ନେହେରୁଙ୍କ ଚିଠି ଫେରାଇବାକୁ ଚିଠି ଲେଖିଛି ପ୍ରଧାନମନ୍ତ୍ରୀ ସଂଗ୍ରାହଳୟ  । ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହେରୁଙ୍କ ବହୁ ଚିଠି ଏବେ କଂଗ୍ରେସ ପାଖରେ ରହିଛି । ଯାହା ଐତିହାସିକ ଗୁରୁତ୍ବ ବହନ କରୁଛି । ୧୬ ବର୍ଷ ହେବ କଂଗ୍ରେସ ଏହାକୁ ପେରାଇ ନାହିଁ । ଉକ୍ତ ଚିଠିକୁ ଫେରାଇବାକୁ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଚିଠି ଲେଖିଛି ପ୍ରଧାନମନ୍ତ୍ରୀ ସଂଗ୍ରହାଳୟ ଓ ପୁସ୍ତକାଳୟ (ପିଏମଏମଏଲ) ।

ଗଣମାଧ୍ୟମକୁ ସୂଚନା ଦେଇ ପ୍ରଧାନମନ୍ତ୍ରୀ ସଂଗ୍ରହାଳୟର ଜଣେ ସଦସ୍ୟ ରିଜୱାନ କାଦରୀ କହିଛନ୍ତି, ଗତ ସେପ୍ଟେମ୍ବରରେ ନେହେରୁଙ୍କ ଦସ୍ତାବିଜ ଫେରାଇବାକୁ ସୋନିଆ ଗାନ୍ଧୀଙ୍କୁ ଚିଠି ହୋଇଥିଲା । ଦେଶବାସୀଙ୍କ ପାଇଁ ଏହି ସବୁ ଚିଠି ଖୁବ ଗୁରୁତ୍ବ ବହନ କରୁଛି । ତେଣୁ ଏହାକୁ ସଂଗ୍ରହାଳୟକୁ ଫେରାଇ ଦେବାକୁ ପିଏମଏମଏଲ ପକ୍ଷରୁ ରାହୁଲ ଗାନ୍ଧୀଙ୍କୁ ଚିଠି ହୋଇଥିଲା । 

ବରିଷ୍ଠ ନେତ୍ରୀ ସୋନିଆ ଗାନ୍ଧୀଙ୍କ ନିର୍ଦ୍ଦେଶରେ ସଂଗ୍ରାହଳୟରୁ ୫୧ ଡବାରେ ଭର୍ତ୍ତି ହୋଇଥିବା ନେହେରୁଙ୍କ ଚିଠି ନେଇଥିଲା କଂଗ୍ରେସ । ଜବାହାରଲାଲ ନେହେରୁ ମେମୋରିଆଲ ୧୯୭୧ ମସିହାରେ ନେହେରୁ ମେମୋରିଆର ମ୍ୟୁଜିୟମ ଓ ଲାଇବ୍ରେରୀ ଅର୍ଥାତ ଏବେକାର ପ୍ରଧାନମନ୍ତ୍ରୀ ସଂଗ୍ରହାଳୟକୁ ଏହି ସବୁ ଚିଠି ପ୍ରଦାନ କରିଥିଲେ । ୨୦୦୮ ମସିହାରେ ୫୧ ଡବାରେ ଭର୍ତ୍ତି ହୋଇଥିବା ନେହେରୁଙ୍କ ଚିଠି ସୋନିଆ ଗାନ୍ଧୀଙ୍କୁ ଦିଆଯାଇଥିଲା । ଉକ୍ତ ଚିଠିଗୁଡିକ ନେହରୁ ଆଲବର୍ଟ ଆଇନଷ୍ଟାଇନ, ଜୟପ୍ରକାଶ ନାରାୟଣ, ପଦ୍ମଜା ନାୟୁଡୁ, ମାଉଣ୍ଟବେଣ୍ଟନ ଓ ବିଜୟ ଲକ୍ଷ୍ମୀ ପଣ୍ଡିତଙ୍କୁ ଲେଖିଥିଲେ । ଏହି ସବୁ ଚିଠି ଫେରାଇବାକୁ ରାହୁଲ ଗାନ୍ଧୀଙ୍କୁ ଚିଠି ଲେଖିଛନ୍ତି ପିଏମ ସଂଗ୍ରହାଳୟ । ଗତ ସେପ୍ଟେମ୍ବରରେ ଏ ବାବଦରେ ସୋନିଆ ଗାନ୍ଧୀଙ୍କୁ ମଧ୍ୟ ଚିଠି ଲେଖିଥିଲେ (ପିଏମଏମଏଲ) ।

ଘଟଣାକୁ ନେଇ ବିଜେପି ସାଂସଦ ସମ୍ବିତ ପାତ୍ର କହିଛନ୍ତି, ପ୍ରଧାନମନ୍ତ୍ରୀ ସଂଗ୍ରହାଳୟ ଓ ପୁସ୍ତକାଳୟ ତଥା ପୂର୍ବରୁ ଥିବା ନେହେରୁ ସଂଗ୍ରାହଳୟରୁ ତତ୍କାଳୀନ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ ନେହେରୁଙ୍କ ଦ୍ବାରା ଆଲବର୍ଟ ଆଇନଷ୍ଟାଇନ,ମାଉଣ୍ଟବେଣ୍ଟନଙ୍କ ସହ ବରିଷ୍ଠ ବ୍ୟକ୍ତିଙ୍କୁ ଲେଖାଥିବା ୫୧ କାର୍ଟୁନ ଚିଠିକୁ ନେଇଛନ୍ତି । ପତ୍ରରେ କଣ ଥିବା ଆମେ ତାହାକୁ ଜାଣିବାକୁ ଚାହୁଁଛୁ । ମାଉଣ୍ଟବେଣ୍ଟନଙ୍କୁ ଏମିତି କଣ ଲେଖିଥିଲେ ଆମେ ଜାଣିବାକୁ ଚାହୁଁଛୁ ।