ବ୍ରହ୍ମପୁର ୦୨/୦୮ : ବ୍ରହ୍ମପୁରେ ଦୁର୍ଦ୍ଦାନ୍ତ ଅପରାଧୀକୁ ଏନ୍କାଉଣ୍ଟର। କବିସୂର୍ଯ୍ୟନଗରର ଦୁର୍ଦ୍ଦାନ୍ତ ଅପରାଧୀ ସୁନୀଲକୁ ପୁଲିସ ଏନ୍କାଉଣ୍ଟ କରିଛି। ଯେଉଁଥିରେ ସୁନୀଲ ଗୋଡ଼ ଗୁଳି ବାଜି ଥିବା ଜଣାପଡିଛି। ଆହତ ଅବସ୍ଥାରେ ବ୍ରହ୍ମପୁର ଏମ୍କେସିଜିରେ ଭର୍ତ୍ତି କରାଯାଇଛି। ସୁନୀଲ ନାଁରେ ବିଭିନ୍ନ ଥାନାରେ ରହିଛି ୨୦ଟି ମାମଲା।
ସୂଚନା ଅନୁଯାୟୀ, ଦୁର୍ଦ୍ଦାନ୍ତ ଅପରାଧୀ ସୁନୀଲ ନାମରେ ବିଭିନ୍ନ ଥାନାରେ ୨୦ରୁ ଅଧିକ ମାମଲା ରହିଛି। ଯାହାକୁ ଆଧାର କରି ଗଞ୍ଜାମ ପୁଲିସ ପକ୍ଷରୁ ସ୍ୱତନ୍ତ୍ର ଅପରେସନ । ବ୍ରହ୍ମପୁର ଏସ୍ପିଙ୍କ ନିର୍ଦ୍ଦେଶ କ୍ରମେ ଗୋଳନ୍ଥରା ଥାନା ଅଧିକାରୀ ଓ ତାଙ୍କ ଟିମ୍ ଅପରାଧୀକୁ ଘେରିବାକୁ ଉଦ୍ୟମ କରିଥିଲେ । ତେବେ ପୁଲିସ ଘେରିବା ଦେଖି ସୁନୀଲ ପ୍ରଥମେ ଗୁଳିଚାଳନା କରିଥିଲା । ଯାହାଫଳରେ କିଛି ସମୟ ଧରି ଉଭୟଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଶେଷରେ ପୁଲିସ ଗୁଳିରେ ଅପରାଧୀ ସୁନୀଲ ଆହତ ହୋଇଥିଲା । ସୁନୀଲ ବାମ ଗୋଡ଼ରେ ଗୁଳି ବାଜିଛି । ଯେଉଁଥିରେ ସୁନୀଲ ଗୁରୁତର ହୋଇଥିଲା। ଏହାପରେ ତାଙ୍କୁ ଉଦ୍ଧାର ପରେ ବ୍ରହ୍ମପୁର ଏମ୍କେସିଜିରେ ଭର୍ତ୍ତି କରାଯାଇଛି। ସେଠାରେ ତାର ଚିକିତ୍ସା ଜାରି ରହିଛି।
