ଗୋପାଳପୁର,୨/୫ : ଗୋପାଳପୁର ପୁଲିସ ଆଜି ଗତ ମାସ ୬ତାରିଖରେ ପର୍ଯ୍ୟଟକଙ୍କ ବେକରୁ ଲୁଟ ହୋଇଥିବା ୨୫ ଗ୍ରାମର ଏକ ସୁନା ଚେନ ସହ ଲକେଟକୁ ଆଜି ଥାନା ପରିସରରେ ପର୍ଯ୍ୟଟକଙ୍କୁ ହସ୍ତାନ୍ତର କରିଛି l ସୂଚନା ଅନୁସାରେ ଚଳିତ ମାସ ୪ତାରିଖରେ କଟକ ଚୌଦ୍ୱାର ଇଏସଆଇ ମେଡ଼ିକାଲର ଡାକ୍ତର ସଂଘମିତ୍ରା ଜେନା ତାଙ୍କ ପରିବାର ସହ ଗୋପାଳପୁର ଆସି ପାନ୍ଥନିବାସରେ ରହିଥିଲେ l ୬ତାରିଖ ସକାଳ ପ୍ରାୟ ସାଢେ ୬ଟା ସମୟରେ ପାନ୍ଥନିବାସରୁ ବାହାରି ପରିସରରେ ଥିବା ବେଳାଭୂମି ରାସ୍ତା ଦେଇ ପ୍ରାନ୍ତ ଭ୍ରମଣ ନିମନ୍ତେ ଯାଉଥିବା ସମୟରେ ବେଳାଭୂମି ନିକଟରେ ପଛ ପଟୁ ଦୁଇ ଜଣ ଦୁର୍ଵୃତ୍ତ ଆସି ଡାକ୍ତର ସଂଘମିତ୍ରା ପିନ୍ଧିଥିବା ୨୫ଗ୍ରାମର ଏକ ସୁନା ଚେନ ସହ ଲକେଟ ଝାମ୍ପି ନେଇ ଚମ୍ପଟ ମାରିଥିବା ନେଇ ଥାନାରେ ଅଭିଯୋଗ ହୋଇଥିଲା l 

ଅଭିଯୋଗ ଅନୁସାରେ ପୁଲିସ କେସ ନମ୍ବର ୯୭/୨୫ ମାମଲା ରୁଜୁ ଯାଞ୍ଚ କରିଥିଲା l ୯ତାରିଖରେ ପୁଲିସ ଘଟଣାରେ ସମ୍ପୃକ୍ତ ଥିବା ୫ଜଣକୁ କାବୁ କରି ସେମାନଙ୍କଠାରୁ ସୁନା ଜବତ କରି କୋର୍ଟ ଚାଲାଣ କରିଥିଲା l ଆଜି ସଂଘମିତ୍ରା ଜେନା ଓ ସ୍ୱାମୀଙ୍କ ସହ ଗୋପାଳପୁର ଥାନାରେ ପହଂଚି ଥାନା ଅଧିକାରୀ ପ୍ରଶାନ୍ତ ମଲ୍ଲିକ, ଏସଆଇ ମଣି ଦାଢ଼ିଆ ଉପସ୍ଥିତ ରହି ତାଙ୍କୁ ପ୍ରଦାନ କରିଛନ୍ତି l ଏହି ଦମ୍ପତି ଗୋପାଳପୁର ପୁଲିସଙ୍କୁ ସାଧୁବାଦ ଜଣାଇଛି l