କୋଲକାତା,୨।୬: ପ୍ରତିକ୍ଷଣରେ ବଦଳିବାରେ ଲାଗିଛି ପଶ୍ଚିମବଙ୍ଗର ରାଜନୈତିକ ସମୀକରଣ। ଟିଏମ୍ସିର ଅନୁଶାସନହୀନ ଓ ପାର୍ଟି ବିରୋଧି ଗତିବିଧି ଅଭିଯୋଗରେ ଦୁଇ ବଡ଼ ବିଧାୟକ ରୀତାବ୍ରତ ବାନାର୍ଜୀ ଓ ସନ୍ଦୀପାନ ସାହାଙ୍କୁ ପାର୍ଟିରୁ ବାହାରର ରାସ୍ତା ଦେଖାଇ ଦିଆଯାଇଛି। ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ଦ୍ବାରା ଏକ ପ୍ରେସ୍ କନଫ୍ରେନ୍ସରେ ଏହି ଦୁଇ ନେତାଙ୍କ ନାଁ ନିଆଯିବାର ତୁରନ୍ତ ପରେ ଟିଏମସି ହାଇକମାଣ୍ଡ ଏହି କଡା ପଦକ୍ଷେପ ଗ୍ରହଣ କରିଛନ୍ତି। କିନ୍ତୁ ପ୍ରକୃତ ଧମାକା ତ ଏହାର ଠିକ୍ ୨୪ ଘଣ୍ଟା ପରେ ହୋଇଛି। ମିଡିଆ ରିପୋର୍ଟ ଅନୁସାରେ, ଦେଶର ସବୁଠାରୁ ଚର୍ଚ୍ଚିତ ନିର୍ବାଚନୀ ରଣନୀତିଜ୍ଞ ପ୍ରଶାନ୍ତ କିଶୋର ସିଧା ରୀତାବ୍ରତ ବାନାର୍ଜୀଙ୍କୁ ଫୋନ୍ କରିଛନ୍ତି। ଏହି ହଠାତ ଫୋନ୍ କଲ୍ ଆସିବା ମାତ୍ରେ କୋଲକାତାରୁ ନେଇ ଦିଲ୍ଳୀ ପର୍ଯ୍ୟନ୍ତ ରାଜନୈତିକ ଦୁନିଆରେ ଚର୍ଚ୍ଚା ବଢି ଯାଇଛି। ପ୍ରତ୍ୟେକ ଲୋକ ଏହା ଶୁଣାଣି ଆଶ୍ଚର୍ଯ୍ୟ ଯେ, ଯେଉଁ ବ୍ୟକ୍ତି ସିଧା ସଳଖ ଟିଏମସିକୁ କ୍ଷତି ପହଁଞ୍ଚାଇଛି, ତାଙ୍କ ପାଖକୁ ପିକେ ଏତେ ଶୀଘ୍ର କାହିଁକି ଫୋନ୍ କଲେ।
ଫୋନ୍ରେ ପିକେଙ୍କର ସିଧା ପ୍ରଶ୍ନ
ଏକ ରିପୋର୍ଟ ଅନୁଯାୟୀ, ପ୍ରଶାନ୍ତ କିଶୋର ରୀତାବ୍ରତ ବାନାର୍ଜୀଙ୍କ ସହ ଫୋନ୍ରେ ଦୀର୍ଘ ସମୟ କଥାବାର୍ତ୍ତା କରିଥିଲେ। ପିକେ ତାଙ୍କୁ ସିଧାସଳଖ ପଚାରିଥିଲେ ଯେ କାହିଁକି ତାଙ୍କୁ ହଠାତ୍ ତୃଣମୂଳ କଂଗ୍ରେସରୁ ରାଜ୍ୟସଭା ସାଂସଦ ପଦରୁ ଇସ୍ତଫା ଦେବାକୁ ପଡିଲା। ପ୍ରଶାନ୍ତ କିଶୋର ବିସ୍ତାରିତ ଭାବରେ ବୁଝିବାକୁ ଚାହୁଁଥିଲେ ଯେ ଦଳ ଭିତରେ ଏପରି କେଉଁ ପରିସ୍ଥିତି ସୃଷ୍ଟି ହୋଇଛି ଯାହା ରୀତାବ୍ରତଙ୍କୁ ଏତେ କଠୋର ଏବଂ କଠିନ ନିଷ୍ପତ୍ତି ନେବାକୁ ପଡିଲା, ଏବଂ ସେ କାହା ସହିତ ଆଲୋଚନା ନକରି ସିଧାସଳଖ ବାଚସ୍ପତିଙ୍କ ନିକଟକୁ ଇସ୍ତଫା ପଠାଇ ଦେଇଥିଲେ। ସୂତ୍ର କହୁଛି ଯେ ପିକେ ପୁରା ପୁରି ବିଦ୍ରୋହର ମୂଳ ପର୍ଯ୍ୟନ୍ତ ଯିବାକୁ ଚାହାନ୍ତି।
ପୁଣି ଉଠିଲା ‘ଆଇ ପ୍ୟାକ୍’ ପ୍ରସଙ୍ଗ
ଏହି ହାଇପ୍ରୋଫାଇଲ ଆଲୋଚନା ସାମନାକୁ ଆସିବା ପରେ ରାଜନୈତିକ ପଣ୍ଡିତଙ୍କ ଭିତରେ ଏହି ପ୍ରଶ୍ନ ଜୋରଦାର ଉଠିବାରେ ଲାଗିଛି, କ’ଣ ଦୁହିଁଙ୍କ ଭିତରେ ଆଇ-ପ୍ୟାକ୍ ସମ୍ପର୍କିତ ଆଭ୍ୟନ୍ତରୀଣ ପ୍ରସଙ୍ଗ ଉପରେ କୌଣସି ଚର୍ଚ୍ଚା ହୋଇଛି କି ନାହିଁ। ପ୍ରଶାନ୍ତ କିଶୋର ଯିଏକି କେବେ ତୃଣମୂଳ କଂଗ୍ରେସର ସବୁଠାରୁ ବଡ଼ ସଙ୍କଟ ମୋଚକ ଓ ମୁଖ୍ୟ ରଣନୀତିଜ୍ଞ ଥିଲେ ତାଙ୍କର ଏଭଳି ହଠାତ ସକ୍ରିୟ ହେବା ବହୁ ବଡ ଓ ନୂଆ ରାଜନୈତିକ ସଙ୍କେତ ଦେଉଛି। ଦଳର ବାହାରିବାର ତୁରନ୍ତ ପରେ ଆସିଥିବା ଏହି ଫୋନ୍ ଟିଏମସିର ଲିଡରସିପଙ୍କ ମଧ୍ୟ ହୃଦସ୍ପନ୍ଦନ ବଢାଇ ଦେଇଛି।
ଆହୁରି ପଢନ୍ତୁ :ଟିଏମ୍ସି ନେତାଙ୍କୁ ଆକ୍ରମଣ ନେଇ କୋଲକାତାରେ ମମତା ବାନାର୍ଜୀଙ୍କ ଧାରଣା, ପରାଜୟ ପରେ ରାସ୍ତାକୁ ଓହ୍ଲାଇ ବିଜେପିକୁ ଦେଲେ ଚ୍ୟାଲେଞ୍ଜ
