ପାଟନା : ୨ଜାନୁଆରୀରୁ ଜନ ସୁରାଜ ପାର୍ଟିର ସଂସ୍ଥାପକ ପ୍ରଶାନ୍ତ କିଶୋରଙ୍କର ଜାରି ଅନଶନର ୬ଷ୍ଠ ଦିନରେ ତାଙ୍କର ସ୍ୱାସ୍ଥ୍ୟ ବିଗିଡ଼ି ଯାଇଛି। ୬ଦିନରୁ କେବଳ ପାଣି ପିଇ ରହୁଥିବା କାରଣରୁ ଡାକ୍ତରମାନେ ତାଙ୍କର ସ୍ଥିତି ଗୁରୁତର ଥିବା କହିଛନ୍ତି। ପ୍ରଶାନ୍ତ କିଶୋରଙ୍କୁ ପାଟନାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି , ଯେଉଁଠି ତାଙ୍କୁ ଆଇସିୟୁରେ ରଖା ଯାଇଛି। ଅନଶନ ଜାରି ରଖିବା ପାଇଁ ଦୃଢ ମନା ପ୍ରଶାନ୍ତ କିଶୋର ଓରାଲ ମେଡିସିନ ମଧ୍ୟ ନେଉ ନାହାନ୍ତି। ଏହି ମଧ୍ୟରେ ତାଙ୍କର ପତ୍ନୀ ଡାକ୍ତର ଜାହ୍ନବୀ ଦାସଙ୍କୁ ଦିଲ୍ଲୀକୁ ଡକାଯାଇଛି , ଯିଏକି ଜଣେ ଚିକିତ୍ସକ। ସୂତ୍ରାନୁସାରେ, ସମୁଚିତ ଚିକିତ୍ସା ପାଇଁ ପିକେଙ୍କୁ ମନାଇବା ପାଇଁ ପତ୍ନୀଙ୍କୁ ଡକାଯାଇଛି, ଯିଏ ସନ୍ଧ୍ୟା ସୁଦ୍ଧା ପାଟଣାରେ ପହଞ୍ଚି ଯିବେ। 

ପ୍ରଶାନ୍ତ କିଶୋର ସୋମବାର ସକାଳେ ଗିରଫ ପରେ ସନ୍ଧ୍ୟାରେ କୋର୍ଟଙ୍କ ଆଦେଶରେ ମୁକ୍ତ ହେବା ପରେ , ସନ୍ଧ୍ୟାରେ ମିଡ଼ିଆକୁ ସମ୍ୱୋଧିତ କରି ଥିଲେ ଏବଂ କହିଥିଲେ କି, ତାଙ୍କର ଅନଶନ ଜାରି ଅଛି ଏବଂ ଜାରି ରହିବ। ସେ ମଙ୍ଗଳବାର ଅନଶନର ସ୍ଥାନ ଓ ସ୍ୱରୂପ ବିଷୟରେ କହି ଥାନ୍ତେ। କୁହାଯାଉ ଥିଲା କି, ସେ ଜନ ସୁରାଜର ବ୍ୟାନର ତଳେ ନିଜର ଅନଶନକୁ ଜିଲ୍ଲା ଜିଲ୍ଲାରେ ପହଞ୍ଚାଇ ପାରନ୍ତି। କିନ୍ତୁ ସୋମବାର ବିଳମ୍ୱିତ ରାତିରେ ପ୍ରଶାନ୍ତଙ୍କ ପେଟରେ ଯନ୍ତ୍ରଣା ଆରମ୍ଭ ହୋଇଗଲା। ସକାଳେ ତାଙ୍କ ନିବାସକୁ ଡାକ୍ତର ଆସି ଥିଲେ ଏବଂ ତାଙ୍କୁ ହସ୍ପିଟାଲରେ ଭର୍ତ୍ତି ହେବାକୁ ପରାମର୍ଶ ଦିଆ ଯାଇଥିଲା।  

ଡାକ୍ତର ପ୍ରଶାନ୍ତ କିଶୋରଙ୍କୁ ନିଜ ସହ ପାଟଣାର ଏକ ଘରୋଇ ହସ୍ପିଟାଲକୁ ନେଇଗଲେ। ସେଠାରେ ଯାଞ୍ଚ ପରେ ଜଣାପଡ଼ିଲା କି, ତାଙ୍କ ପେଟରେ ସଂକ୍ରମଣ ବ୍ୟାପି ଯାଇଛି। ଚିକିତ୍ସା କରୁଥିବା ଡାକ୍ତରଙ୍କ କହିବାନୁସାରେ, କମ୍‌ ପାଣି ପିଇବା ଓ ଭୋଜନ ନକରିବା ଦ୍ୱାରା ଏହି ସମସ୍ୟା ସୃଷ୍ଟି ହୋଇଛି। ଡାକ୍ତରଙ୍କ ସାମ୍ନାରେ ସମସ୍ୟା ଏହା କି ପ୍ରଶାନ୍ତ କିଶୋର ହସ୍ପିଟାଲରେ ମଧ୍ୟ ଅନଶନ କରିଛନ୍ତି। ଡାକ୍ତରଙ୍କ କହିବା ସତ୍ତ୍ୱେ ସେ ଓରାଲ ମେଡିସିନ ନେଉ ନାହାନ୍ତି। ଏଥିପାଇଁ ଏବେ ପ୍ରଶାନ୍ତ କିଶୋରଙ୍କ ପତ୍ନୀ ଓ ଭଉଣୀଙ୍କୁ ଡକାଯାଇଛି, ଯିଏ ପାଟଣାର ବାହାରେ ରୁହନ୍ତି। ହସ୍ପିଟାଲରେ ଏମର୍ଜେନ୍ସି ୱାର୍ଡରେ ବାହାର ଲୋକଙ୍କ ପ୍ରବେଶ ଉପରେ ରୋକ୍‌ ଲଗାଯାଇଛି। 

କହି ରଖୁଛୁ କି , ବିହାର ଲୋକ ସେବା ଆୟୋଗ (ବିପିଏସସି)ର ୭୦ତମ ସଂଯୁକ୍ତ ପ୍ରାରମ୍ଭିକ ପରୀକ୍ଷାକୁ ରଦ୍ଦ କରି, ଆଉ ଥରେ ସମସ୍ତଙ୍କ ପାଇଁ ପରୀକ୍ଷା କରିବାକୁ ଦାବି କରୁଥିବା ପରୀକ୍ଷାର୍ଥୀଙ୍କ ସମର୍ଥନରେ , ପ୍ରଶାନ୍ତ କିଶୋର ଗାନ୍ଧୀ ମୈଦାନରେ ୨ ଜାନୁୟାରୀରେ ଅନଶନ ଆରମ୍ଭ କରିଥିଲେ। ଏହା ପୂର୍ବରୁ ୨୬ ଡିସେମ୍ୱରରେ ପ୍ରଶାନ୍ତ କିଶୋର ଛାତ୍ରଛାତ୍ରଙ୍କୁ ଗାନ୍ଧୀ ମୈଦାନରେ ଏକାଠି କରିଥିଲେ। ଏହାପରେ ମୁଖ୍ୟମନ୍ତ୍ରୀ ନିବାସର ରାସ୍ତାରେ ପୁଲିସ ସେତେବେଳେ ଲାଠି ଚାର୍ଜ କରିଥିଲା, ଯେତେବେଳେ ପ୍ରଶାନ୍ତ ସେଠାରୁ ଚାଲି ଯାଇଥିଲେ।

ପ୍ରଶାନ୍ତଙ୍କ ଉପରେ ୨୬ ଡିସେମ୍ୱରର ଆନ୍ଦୋଳନ ଓ ୨ ଜାନୁଆରୀରୁ ଅନଶନକୁ ନଇ ପ୍ରଶାସନ ଦୁଇଟି ମୋକଦମା ରୁଜୁ କରିଥିଲା। ଏହି ମାମଲାରେ ସୋମବାର ସକାଳ ପାଖାପାଖି ୪ଟାରେ ତାଙ୍କୁ ଗାନ୍ଧୀ ମୈଦାନରୁ ଗିରଫ କରାଯାଇ ଥିଲା। କୋର୍ଟ ପ୍ରଥମେ ତାଙ୍କୁ ସର୍ତ୍ତମୂଳକ ବେଲ୍‌ ଦେବା ବେଳେ ସେ ଜେଲ୍‌ ଯିବାକୁ କହି ଥିଲେ କିନ୍ତୁ ପରେ କୋର୍ଟ ଆଦେଶ ଜାରି ଏଥିରୁ ଜାମିନ ସର୍ତ୍ତ ହଟେଇ ନେଇଥିଲେ।