ସାହାଜପାଲ/ ବୌଦ୍ଧ, ୧୫/୫ : ସଦର ବ୍ଲକ ତାଳଶରଡ଼ା ପଞ୍ଚାୟତ ଅନ୍ତର୍ଗତ ମାନେଶ୍ଵର ଶୈବ ପୀଠ ମନ୍ଦିରରେ ଗୁରୁବାର ପ୍ରଥମ ଥର ଶୀତଳଷଷ୍ଠି ଯାତ୍ରା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ମନ୍ଦିର ପରିଚାଳନା ପରିଷଦର ସଭାପତି ରବିନ୍ଦ୍ର କୁମାର ଦେଓଙ୍କ ସଭାପତିତ୍ୱରେ ଏହି ବୈଠକ ହୋଇଥିଲା । ଏହି ଯାତ୍ରା ଚଳିତ ମାସ ୩୦ରୁ ଜୁନ୍ ୧ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବା ପାଇଁ ବୈଠକରେ ସର୍ବସମ୍ମତି କ୍ରମେ ଗୃହିତ ହୋଇଛି ।
ଏହି ଶିବ ପାର୍ବତୀ ବିବାହରେ ଶିବଙ୍କର ପିତା ମାତା ଭାବେ ରବୀନ୍ଦ୍ର କୁମାର ଦେଓ(କୁଳୁତାଖାଲି) ମାତା ପାର୍ବତୀଙ୍କର ପିତା ମାତା ଭାବେ ଉତ୍ତମ କୁମାର ବେହେରା( ସଂଗ୍ରାମପୁର )ବିବାହ କାର୍ଯ୍ୟ ସମ୍ପର୍ଣ୍ଣ କରିବା ପାଇଁ ସହମତି ପ୍ରକାଶ କରିଥିବାରୁ ବୈଠକରେ ତାଙ୍କୁ ସ୍ୱାଗତ କରାଯାଇଥିଲା । ବୈଠକରେ ଆଖ ପାଖ ୩୦ ଖଣ୍ଡ ଗାଁର ଗ୍ରାମ୍ୟ କମିଟି ଉପସ୍ଥିତ ରହି ସଭାକୁ ସଫଳ କରିଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରି ସମ୍ପାଦକ ଉତ୍ତମ କୁମାର ବେହେରା ସଭା ସାଙ୍ଗ କରିଥିଲେ ।
