ନୂଆଦିଲ୍ଲୀ,୧୯/୧୨: ଜଳୁଛି ଭାରତର ପଡ଼ୋଶୀ ଦେଶ । ପୁଣି ଅଶାନ୍ତ ବାଂଲାଦେଶ । ସିଙ୍ଗାପୁରରେ ବାଂଲାଦେଶର ପ୍ରମୁଖ ଆନ୍ଦୋଳନକାରୀ ଶରିଫ୍ ଉସମାନ ହାଦୀର ମୃତ୍ୟୁ ପରେ ଜଳୁଛି ଢାକା । ୪ ସହରରେ ହିଂସା ଦେଖିବାକୁ ମିଳିଛି । ଭଙ୍ଗାରୁଜା ସହ ପୋଡ଼ାଜଳା କରିଛନ୍ତି ବିକ୍ଷୋଭକାରୀ । ପ୍ରମୁଖ ଖବରକାଗଜ ଅଫିସ୍ ସମେତ ଆବାମୀ ଲିଗ୍ କାର୍ଯ୍ୟାଳୟରେ ନିଆଁ ଲଗାଇ ଦେଇଛନ୍ତି । ଭାରତ ବିରେଧୀ ନାରାବାଜି ମଧ୍ୟ ଦେଇଛନ୍ତି ପ୍ରଦର୍ଶନକାରୀ । ଉସମାନ ହାଦୀଙ୍କ ମୃତ୍ୟୁ ପରେ ଅନ୍ତରୀଣ ସରକାର ଶୋକ ଘୋଷଣା କରିବା ସହିତ ଶାନ୍ତି ସ୍ଥାପନା ପାଇଁ ଅପିଲ୍ କରିଛନ୍ତି ।
କିଏ ଉସମାନ୍ ହାଦୀ ? ବାଂଲାଦେଶ ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ କ୍ଷମତା ବିରୋଧରେ ଆନ୍ଦୋଳନରେ ପ୍ରମୁଖ ଭୂମିକା ତୁଲାଇଥିଲେ ଉସମାନ୍ ହାଦୀ । ୨୦୨୪ ଜୁଲାଇ- ଅଗଷ୍ଟ ବିଦ୍ରୋହରେ ପ୍ରମୁଖ ଭୂମିକା ତୁଲାଇଥିଲା ଉସମାନ୍ ହାଦୀ । ଯାହା ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହାସିନାଙ୍କ ଆବାମୀ ଲିଗ୍ ସରକାରଙ୍କ ପତନ କରାଇଥିଲା ।ଏହା ସହିତ ଭାରତ ବିରୋଧୀ ନାରାବାଜି ଦେଇଥିବା ଉସମାନ୍ ହାଦୀଙ୍କର ମୃତ୍ୟୁ ପରେ ଅଶାନ୍ତ ହୋଇଛି ବାଂଲାଦେଶ । ସିଙ୍ଗାପୁରରେ ଇନକିଲାବ୍ ମଞ୍ଚର ସଂଯୋଜକ ଶରିଫଙ୍କ ମୃତ୍ୟୁ ପରେ ଗୁରୁବାର ରାତିରୁ ଢାକାରେ ନିଆଁ ଜଳୁଛି । ବିରୋଧ ପ୍ରଦର୍ଶନ ସହିତ ହିଂସା ଦେଖିବାକୁ ମିଳିଛି । ଦେଶର ବଡ଼ ବାଂଲା ଖବରକାଗଜ 'ପ୍ରଥମ ଆଲୋ' ଏବଂ ଡେଲି ଷ୍ଟାର କାର୍ଯ୍ୟାଳୟରେ ଭାଙ୍ଗାରୁଜା ସହ ନିଆଁ ଲଗାଇ ଦିଆଯାଇଛି । ଏହାବ୍ୟତୀୟ ପ୍ରଦର୍ଶନକାରୀ ରାଜଶାହୀରେ ଅବାମୀ ଲିଗ୍ ଅଫିସରେ ନିଆଁ ଲଗାଇ ଦେଇଛନ୍ତି ପ୍ରଦର୍ଶନକାରୀ । ଦେଶରେ ଅଶାନ୍ତି ପରିସ୍ଥିତିକୁ ନେଇ ଅନ୍ତରୀଣ ସରକାର ପ୍ରମୁକ ମହମ୍ମଦ ୟୁନୁସ ଢାକାରେ ଜରୁରୀ ବୈଠକ ଡାକିଛନ୍ତି ।
#WATCH | Bangladesh: Visuals of the aftermath from Prothom Alo office in Dhaka, which was burned down by protesters last night. Firefighters are present at the spot.
— ANI (@ANI) December 19, 2025
After the death of Osman Hadi, a key leader in the protests against Sheikh Hasina, Bangladesh has erupted in… pic.twitter.com/94TBiKabtd
ଭାରତ ବିରୋଧୀ ନାରାବାଜି- ଗୁରୁବାର ବିଳମ୍ବିତ ରାତିରେ ପ୍ରଦର୍ଶନକାରୀମାନେ ଭାରତୀୟ ହାଇ କମିଶନରଙ୍କ କାର୍ଯ୍ୟାଳୟ ଆଗରେ ନାରାବାଜି କରିଥିଲେ । ଏପରିକି ଫଥର ମଧ୍ୟ ଫିଙ୍ଗିଛନ୍ତି । ଏହାସହ ସେମାନେ ଭାରତ ବିରୋଧୀ ନାରା ଦେଇଛନ୍ତି । ଚାଟୋଗ୍ରାମରେ ଭାରତୀୟ ମିଶନ ଉପରକୁ ଆକ୍ରମଣ କରିଛନ୍ତି ବିକ୍ଷୋଭକାରୀ । ଢାକାରେ ୨୫ ଜଣ ସାମ୍ବାଦିକଙ୍କୁ ଉଦ୍ଧାର କରାଯାଇଛି । ବାଂଲାଦେଶରେ ନ୍ୟାସନାଲ ସିଟିଜେନ ପାର୍ଟି (ଏନସିପି) ହେଉଛି ଛାତ୍ର ବିପକ୍ଷବାଦ ସହିତ ଜଡିତ ପ୍ରମୁଖ ସଂଗଠନ । ଏହି କର୍ମୀମାନେ ବିକ୍ଷୋଭରେ ସାମିଲ ହୋଇଛନ୍ତି । ସେମାନେ ଭାରତ ବିରୋଧୀ ସ୍ଲୋଗାନ ଦେଇଛନ୍ତି । ଅଭିଯୋଗ କରିଚନ୍ତି କି, ''ହାଦୀଙ୍କ ଉପରେ ଆକ୍ରମଣ କରି ଅପରାଧୀ ଭାରତ ପଳାଇ ଯାଇଛନ୍ତି । ଏନସିପି ନେତା ସରଜିସ ଆଲମ କହିଛନ୍ତି, ଭାରତ ହାଦୀ ଭାଇଙ୍କ ହତ୍ୟାକାରୀଙ୍କୁ ଫେରାଇ ନଦେବା ପର୍ଯ୍ୟନ୍ତ ବାଂଲାଦେଶରେ ଭାରତୀୟ ହାଇକମିଶନ ବନ୍ଦ ରହିବା ଉଚିତ୍ । ଆମେ ଯୁଦ୍ଧରେ ଅଛୁ ।''
କହି ରଖୁଛୁ କି, ଡିସେମ୍ବର ୧୨ ତାରିଖରେ ଢାକାର ବିଜୟ ନଗର ଅଞ୍ଚଳରେ ଶରିଫଙ୍କୁ କିଛି ଅଜ୍ଞାତ ଆକ୍ରମଣକାରୀ ଗୁଳି ମାରିଥିଲେ । ସେ ଗୁରୁତର ହୋଇଥିଲେ । ତାଙ୍କୁ ଚିକିତ୍ସା ପାଇଁ ଢାକାର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଏୟାର ଆମ୍ବୁଲାନ୍ସ ଯୋଗେ ସିଙ୍ଗାପୁର ପଠାଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କର ଗୁରୁବାର ମୃତ୍ୟୁ ହୋଇଥିଲା ।
