ଚଣ୍ଡିଗଡ଼,୦୮/୦୪: ପଞ୍ଜାବ କିଙ୍ଗସ୍ ୧୮ ରନରେ ଚେନ୍ନାଇ ସୁପର କିଙ୍ଗସ୍କୁ ପରାସ୍ତ କରିଛି। ଏହି ମ୍ୟାଚ୍ରେ ମଧ୍ୟ, ଏମ୍ଏସ୍ ଧୋନି ଚେନ୍ନାଇକୁ ବିଜୟୀ କରିବାରେ ବିଫଳ ହୋଇଛନ୍ତି। ପ୍ରଥମେ ଖେଳି ପଞ୍ଜାବ ୨୧୯ ରନର ଏକ ବିଶାଳ ସ୍କୋର କରିଥିଲା, ଯେଉଁଥିରେ ପ୍ରିୟାଂଶ ଆର୍ଯ୍ୟଙ୍କ ୧୦୩ ରନର ଶତକ ସବୁଠାରୁ ବଡ଼ ଅବଦାନ ଥିଲା। ବଡ଼ ଟାର୍ଗେଟର ଜବାବରେ, ଚେନ୍ନାଇ ସୁପର କିଙ୍ଗ୍ସ ଦଳ କେବଳ ୨୦୧ ରନ କରିପାରିଥିଲା ଏବଂ ୧୮ ରନରେ ମ୍ୟାଚ୍ ହରାଇଥିଲା।
ଚେନ୍ନାଇ ସୁପର କିଙ୍ଗସକୁ ୨୨୦ ରନର ଟାର୍ଗେଟ ମିଳିଥିଲା। ଏହାର ଜବାବରେ ରଚିନ ରବିନ୍ଦ୍ର ଏବଂ ଡେଭନ କନୱେ ସିଏସ୍କେକୁ ଏକ ସ୍ଥିର ଆରମ୍ଭ ଦେଇଥିଲେ। ରବିନ୍ଦ୍ର ୩୬ ରନ କରିଥିଲେ ଏବଂ କନୱେଙ୍କ ସହ ୬୧ ରନର ଓପନିଂ ପାର୍ଟନରସିପ୍ କରିଥିଲେ। ଅଧିନାୟକ ଋତୁରାଜ ଗାୟକୱାଡ ମାତ୍ର ୧ ରନ କରି ଆଉଟ ହୋଇଥିଲେ, ଯାହା ଫଳରେ ଚେନ୍ନାଇ ସମସ୍ୟାରେ ପଡ଼ିଥିବା ପରି ମନେ ହେଉଥିଲା।
ଏହା ପରେ ଡେଭନ୍ କନୱେ ଏବଂ ଶିବମ୍ ଦୁବେଙ୍କ ମଧ୍ୟରେ ୮୯ ରନର ଭାଗୀଦାରି ହୋଇଥିଲା। କିନ୍ତୁ ଯେତେବେଳେ ଚେନ୍ନାଇକୁ ରନ ହାର ବୃଦ୍ଧି କରିବାକୁ ପଡ଼ିଲା, ଶିବମ ଦୁବେ ୧୬ତମ ଓଭରରେ ୪୨ ରନ କରି ଆଉଟ ହୋଇଗଲେ। ସେତେବେଳେ ଚେନ୍ନାଇକୁ ବିଜୟ ପାଇଁ ୨୫ ବଲ୍ରେ ୬୯ ରନ୍ ଆବଶ୍ୟକ ଥିଲା, ସେତେବେଳେ ଦୁବେ ଆଉଟ୍ ହୋଇଥିଲେ। କନୱେ ୬୯ ରନ ସ୍କୋରରେ ରିଟାୟାରଡ୍ ଆଉଟ୍ ହୋଇଥିଲେ, ତାଙ୍କ ସ୍ଥାନରେ ରବିନ୍ଦ୍ର ଜାଡେଜା ବ୍ୟାଟିଂ କରିବାକୁ ଆସିଥିଲେ। ସିଏସ୍କେର ଏହି ନିଷ୍ପତ୍ତି ହୁଏତ ବିଳମ୍ବରେ ଆସିଥିଲା, ଯାହା ଶେଷରେ ଏହାର ପରାଜୟର କାରଣ ପାଲଟିଥିଲା। ପରିସ୍ଥିତି ଏପରି ହୋଇଥିଲା ଯେ ଚେନ୍ନାଇକୁ ଶେଷ ୩ ଓଭରରେ ୫୯ ରନର ଆବଶ୍ୟକ ଥିଲା ।
