ଅନେକ ଲୋକ ମୂଳା ଖାଇବାକୁ ପସନ୍ଦ କରନ୍ତି । କିଛି ଲୋକେ ସାଲାଡ ରୂପେ ଖାଇଥାନ୍ତି ତ ଆଉ କେହି ତରକାରୀ ଭାବେ ଖାଇବାକୁ ଭଲ ପାଆନ୍ତି । ଶୀତଦିନେ ବଜାରରେ ବହୁଳ ଭାବେ ଉପଲବ୍ଧ ଥାଏ ମୂଳା। ଏଥିରେ ଭିଟାମିନ ଏ, ବି, ସି ସହିତ କ୍ୟାଲେସିୟମ, ଆଇରନ, ମ୍ୟାଗ୍ନିସିୟମ, ଜିଙ୍କ, ପୋଟାସିୟମ, ଫସଫରସ ଭଳି ମିନେରାଲ ରହିଛି । ତେବେ ଆପଣ ଜାଣନ୍ତି ମୂଳା ଆମ ଶରୀର ପାଇଁ କେତେ ଲାଭଦାୟକ । ଆସନ୍ତୁ ଜାଣିବା ।
କ୍ୟାନ୍ସର ବିରୋଧୀ ଗୁଣ: ମୂଳାରେ କ୍ୟାନ୍ସର ବିରୋଧୀ ଗୁଣ ରହିଛି । ଏହା ଭିଟାମିନ ସିର ଏକ ଭଲ ଉତ୍ସ । ଏହି ଆଣ୍ଟିଅକ୍ସିଡାଣ୍ଟ ସେଲ୍ୟୁଲାର କ୍ଷତିକୁ ରୋକିପାରେ । ଫଳରେ କ୍ୟାନ୍ସର ସମେତ ଅନ୍ୟ କେତେକ ଗୁରୁତର ରୋଗ ଆଶଙ୍କା କମ୍ ହୋଇଥାଏ ।
ମଧୁମେହ ନିୟନ୍ତ୍ରଣ: ବ୍ଲଡସୁଗାର ନିୟନ୍ତ୍ରଣରେ ମୂଳା ବେଶ୍ ଉପଯୋଗୀ । ମୂଳାରେ ଭରପୂର ଫାଇବର ମିଳେ । ଏହା ଇନସୁଲିନ ସ୍ତରକୁ ସନ୍ତୁଳିତ କରି ମଧୁମେହ ନିୟନ୍ତ୍ରଣରେ ସାହାଯ୍ୟ କରିଥାଏ । ତେଣୁ ମଧୁମେହ ରୋଗୀ ନିୟମିତ ମୂଳା ଖାଇବାକୁ ପରାମର୍ଶ ଦିଆଯାଏ ।
ଓଜନ ହ୍ରାସ: ଓଜନ ନିୟନ୍ତ୍ରଣ କରିବାକୁ ଚାହୁଁଥିବା ବ୍ୟକ୍ତି ନିୟମିତ ମୂଳା ଖାଇବ ଭଲ । କାରଣ ଏଥିରେ କମ୍ କ୍ୟାଲୋରୀ ଓ ଅଧିକ ଫାଇବର ଥାଏ । ହାଇ ଫାଇବରଯୁକ୍ତ ଖାଦ୍ୟ ଅଧିକ ସମୟ ପର୍ଯ୍ୟନ୍ତ ପେଟକୁ ପୂର୍ଣ୍ଣ ରଖିଥାଏ ଓ ହଜମ ପ୍ରକ୍ରିୟାରେ ଉନ୍ନତି ଆଣିଥାଏ । ଯାହାକି ଓଜନ ନିୟନ୍ତ୍ରଣରେ ସହାୟକ ହୋଇଥାଏ ।
ହାଡ ମଜଭୁତ କରେ: ମୂଳାରେ କ୍ୟାଲେସିୟମ ଓ ଅନ୍ୟ ମିନେରାଲ (ଖଣିଜ ସାର) ରହିଛି । ଏହା ଆପଣଙ୍କ ହାଡକୁ ସୁସ୍ଥ ଓ ମଜଭୁତ ରଖିବାରେ ସହାୟକ ହୋଇଥାଏ ।
ରୋଗ ପ୍ରତିରୋଧକ ଶକ୍ତି ବୃଦ୍ଧି: ମୂଳାରେ ଥିବା ଜରୁରୀ ପୋଷଣ ତତ୍ତ୍ବ ଇମ୍ୟୁନିଟି ସିଷ୍ଟିମ ମଜଭୁତ କରେ । ଫଳରେ ଶୀତ ଦିନେ ହେଉଥିବା ଥଣ୍ଡା, କାଶ ସମେତ ବିଭିନ୍ନ ସଂକ୍ରମଣରୁ ରକ୍ଷା ମିଳିପାରେ । ଏହା ଆମର ମସ୍ତିଷ୍କ ଓ ହୃଦୟ ସ୍ବାସ୍ଥ୍ୟ ପକ୍ଷେ ମଧ୍ୟ ଲାଭଦାୟକ । ଧଳା ମୂଳାରେ ନାଇଟ୍ରେଟ ଥାଏ ଯାହାକି ମସ୍ତିଷ୍କର କାର୍ଯ୍ୟପ୍ରଣାଳୀରେ ସୁଧାର ଆଣିପାରେ ।
ତ୍ବଚା ସୁସ୍ଥ ରଖେ: ମୂଳାରେ ଭିଟାମିନ ସି, ଫରଫରସ, ଜିଙ୍କ ରହିଛି । ଏହା ଆପଣଙ୍କ ତ୍ବଚା ସୁସ୍ଥ ରଖିବାରେ ଲାଭାଦୟକ । ଶୀତ ଦିନେ ମୂଳା ଖାଇଲେ ଦାଗ, ବ୍ରଣ ଭଳି ସମସ୍ୟା କମ୍ ହୋଇଥାଏ ।
