ମୁମ୍ବାଇ, ୧/୫ : ଅଜୟ ଦେବଗନଙ୍କ ଫିଲ୍ମ ‘ରେଡ ୨ ’ ରିଲିଜ ହୋଇଛି । ୨୦୧୮ରେ ପରଦାକୁ ଆସିଥିବା ରେଡର ଏହା ଦ୍ବିତୀୟ ଭାଗ । ରେଡ ୨ରେ ଅମୀୟ ପଟ୍ଟନାୟକ ହୋଇଥିବା ବଲିଉଡ଼ର ସିଂଘମ ପୁଣି ଥରେ ଟିମ୍ ସହ ଚଢଉ କରିବାକୁ ଆସିସାରିଛନ୍ତି । ଏଥର ଅଜୟ ଦେବଗନଙ୍କ ଫିଲ୍ମ ବକ୍ସ ଅଫିସରେ ଗୋଟିଏ ନୁହେଁ ବରଂ କେତେକ ଫିଲ୍ମକୁ ଟକ୍କର ଦେବାକୁ ପଡ଼ୁଛି ।
ଆଜି ହିଁ ସାଉଥର ଦୁଇଟି ଫିଲ୍ମ ହିଟ ଦ ଥାର୍ଡ଼ କେସ ଏବଂ ରେଟ୍ରି ବି ରିଲିଜ ହୋଇଛି । ଏହାସହ ସଞ୍ଜୟ ଦତ୍ତଙ୍କ ଦ ଭୁତନୀ ଏବଂ ହଲିଉଡ଼ର ଥଣ୍ଡରଓ୍ବେଲ୍ଟସ ବି ଆଜି ହିଁ ରିଲିଜ ହୋଇଛି । ଜାଟ୍ ଏବଂ କେସରୀ ୨ ପ୍ରଥମରୁ ହଲ୍ରେ ରହିଛି । ଫଳରେ ରେଡ୍ ୨ ସାମ୍ନାରେ ଗୋଟିଏ ନୁହେଁ ବରଂ ଭିନ୍ନ ଭିନ୍ନ ଇଣ୍ଡଷ୍ଟ୍ରିର ପ୍ରାୟ ୬ଫିଲ୍ମ ଅଛି । ଏହା ବାଦ୍ ଫିଲ୍ମ ଓପନିଂ ଡେରେ ଭଲ ଆରମ୍ଭ କରିଛି । ଆସନ୍ତୁ ଜାଣିବା ଫିଲ୍ମର କଲେକ୍ସନ କେତେ ରହିଛି ।
ବକ୍ସ ଅଫିସ ସହ ଯୋଡ଼ି ହୋଇଥିବା ଓ୍ବେବସାଇଟ୍ ସ୍ୟାକ୍ନିଳ୍କ ଅନୁସାରେ ରେଡ ୨ ପ୍ରଥମ ଦିନ ୩ଟା ୫ ମିନିଟ ପର୍ଯ୍ୟନ୍ତ ୭.୮୫କୋଟି ଟଙ୍କା କଲେକ୍ସନ କରିଛି । ଏହି ସଂଖ୍ୟା ଫାଇନାଲ୍ ନୁହେଁ, ଏହା ଆହୁରି ବଢିପାରେ । ରେଡ ୨ ପୂର୍ବରୁ ଚଳିତ ବର୍ଷ ରିଲିଜ ହୋଇଥିବା ବଲିଉଡ଼ ଫିଲ୍ମରେ ଯଦି କଲେକ୍ସନ ନଜର ପକାଇବା ତେବେ ବହୁତ ବେକାର ରହିଛି । କିଛି ଫିଲ୍ମ ଠିକଠାକ୍ କଲେକ୍ସନ କରିଥିଲା ସେଥିରେ ନମ୍ବର ଓ୍ବାନରେ ବିକ୍କି କୌଶଲଙ୍କ ଛାବା ଅଛି ଯାହା ଓପନିଂ ଡେରେ ୩୧କୋଟି କଲେକ୍ସନ କରିଥିଲା ।
ଦ୍ବିତୀୟ ନମ୍ବରରେ ସିକନ୍ଦର ୨୬କୋଟିର ଓପନିଂ କରିଥିଲା । ସେହିଭଳି ସ୍କାଇ ଫୋର୍ସ ତୃତୀୟ ନମ୍ବରରେ ଥିଲା ଯାହା ୧୨.୨୫କୋଟି କଲେକ୍ସନ କରିଥିଲା । ଜାଟ୍ ଚତୁର୍ଥ ନମ୍ବରରେ ୯.୫କୋଟି ସହ ଏବଂ କେସରୀ ୨ ୫ ନମ୍ବରରେ ୭.୭୫କୋଟି ସହ କରିଥିଲା । ଏବେ ରେଡ୍ ୨ ସନି ଦେଓ୍ବଲଙ୍କ ଜାଟ୍ ଏବଂ ଅକ୍ଷୟ କୁମାରଙ୍କ କେସରୀ ୨କୁ ନୁହେଁ ବରଂ ସ୍କାଇ ଫୋର୍ସର ଓପନିଂ ଡେ କଲେକ୍ସନକୁ ବି ପଛରେ ପକାଇବାକୁ ପ୍ରସ୍ତୁତି କରୁଥିବା ଦେଖାଯାଉଛି । ମାତ୍ର ଫାଇନାଲ୍ ସଂଖ୍ୟା ଆସିବା ପରେ ହିଁ ଜଣାପଡ଼ିବ କି ଫିଲ୍ମ ଏଥିରେ ସଫଳ ହୋଇପାରୁଛି କି ନାହିଁ ।
