ଖୋର୍ଦ୍ଧା,୧୦/୧୧: ଆକ୍ସନ ମୋଡ଼ରେ ଅବକାରୀ ବିଭାଗ । ଅରାଙ୍ଗ ଜଙ୍ଗଲରେ ଚଢାଉ କରି ୫୩୫ ଲିଟର ଦେଶୀ ରନ୍ଧା ମଦ ଜବତ କରିଛି । ଏହି ଘଟଣାରେ ସମ୍ପୃକ୍ତ ଥିବା ଗୋଟିଏ ପରିବାରର ବାପା, ମା ଏବଂ ପୁଅକୁ ଗିରଫ କରାଯାଇଛି । ଖୋର୍ଦ୍ଧା ଜିଲ୍ଲା ଅରାଙ୍ଗ ଜଙ୍ଗଲରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଅରାଙ୍ଗ ଜଙ୍ଗଲରେ ଦେଶୀ ରନ୍ଧା ମଦ ତିଆରି କରାଯାଉଥିବା ନେଇ ଏକ ବିଶେଷ ସୂତ୍ରରୁ ଖବର ପାଇଥିଲା ଅବକାରୀ ବିଭାଗ । ଖବର ପାଇ ଉକ୍ତ ଜଙ୍ଗଲରେ ଚଢାଉ କରିଥିଲା । ଚଢାଉ କରି ଜଙ୍ଗଲରୁ ୫୩୫ ଲିଟର ଦେଶୀ ରନ୍ଧା ମଦ ଜବତ କରିଛି ଅବକାରୀ ବିଭାଗ । ଏହି ଘଟଣାର ସମ୍ପୃକ୍ତ ଥିବା ଗୋଟିଏ ପରିବାରର ବାପା, ମା ଏବଂ ପୁଅକୁ ଗିରଫ କରାଯାଇଛି ।
