ବରଗଡ,୦୫/୦୩: ଯୋଗାଣ ବିଭାଗ ଲେବର୍ ଠିକାଦାରଙ୍କ ଘରେ ପଶିଲା ସିବିଆଇ । ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ପରମାନପୁର ଗ୍ରାମରେ ରହୁଥିବା ଜି. ସତ୍ୟନାରାୟଣଙ୍କ ଘରେ ଚାଲିଛି ସିବିଆଇ ଚଢାଉ । ବେଆଇନ ଟଙ୍କା କାରବାର ଅଭିଯୋଗକୁ ନେଇ ତନାଘନା କରୁଛି ସିବିଆଇ ।
ସୂଚନା ମୁତାବକ, ଜି. ସତ୍ୟନାରାୟଣ ରାଜ୍ୟ ଖାଦ୍ୟ ଯୋଗାଣ ବିଭାଗର ଜଣେ ଲେବର କଣ୍ଟ୍ରାକ୍ଟର ଭାବେ କାମ କରନ୍ତି । ସେ ଦୀର୍ଘ ଦିନ ହେଲା ରାଜ୍ୟର ବିଭିନ୍ନ ଅଞ୍ଚଳରେ ଗୋଦାମ ଗୃହ ଗୁଡ଼ିକୁ ଠିକା ନେଇ ଆସୁଛନ୍ତି । ତେବେ ତାଙ୍କର ବିଭିନ୍ନ ସରକାରୀ ଅଧିକାରୀଙ୍କ ସହ ବେଆଇନ କାରବାର କରୁଥିବା ନେଇ ସିବିଆଇ ଜାଣିବାକୁ ପାଇଥିଲା । ଏନେଇ ସୂଚନା ପାଇ ଜି. ସତ୍ୟନାରାୟଣଙ୍କ ଘରେ ସିବିଆଇ ଚଢାଉ କରିଛି । ତାଙ୍କ ଘରେ ରେଡ୍ କରି ତଦନ୍ତ କରୁଥିବାର ଜଣାପଡିଛି । ଜି. ସତ୍ୟନାରାୟଣଙ୍କ ପୁଅ ଜି. ଉମା ମହେଶଙ୍କୁ ସିବିଆଇର ଏକ ଟିମ୍ ଉଠାଇ ନେଇ ସାରିଥିବା ବେଳେ ଅନ୍ୟ ଏକ ଟିମ୍ ଜି. ସତ୍ୟନାରାୟଣଙ୍କ ଘରେ ଚଢ଼ାଉ ଜାରି ରଖିଛି ।
