ଭୁବନେଶ୍ବର,୧/୧୦ :  ପୂର୍ବତଟ ରେଳପଥ ଅନ୍ତର୍ଗତ ଖୋର୍ଦ୍ଧା ମଣ୍ଡଳର ଜଟଣୀ ଲୋକ କଲୋନୀରେ ରେଳ ଚାଳକଙ୍କ ପକ୍ଷରୁ ସ୍ବଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। 

ଡିଭିଜିନାଲ ରନିଂ ଷ୍ଟାଫ ଟ୍ରେନିଂ ସେଣ୍ଟର ତରଫରୁ ଡିଭିଜିନାଲ ଇଲେକ୍ଟ୍ରିକାଲ ଇଂଜିନିୟର ସୁମନ୍ତ ବେହୁରାଙ୍କ ନେତୃତ୍ୱରେ ଏହା ଆୟୋଜିତ ହୋଇଥିଲା ରାସ୍ତା, ଟ୍ରେନିଂ ସେଣ୍ଟର ଓ ତାହାର ଚାରିପାଖରେ ଥିବା ଆବର୍ଜନା ସବୁକୁ   ସଫା କରାଯାଇ ପୋତା ଯାଇଥିଲା। ଶୁଖିଲା ଆବର୍ଜନା ଗୁଡିକୁ ନିଆଁ ଲଗା ଯାଇ ନଷ୍ଟ କରା ଯାଇଥିଲା। ଏହି କାର୍ଯ୍ୟକ୍ରମରେ ସିଏଲଆଇ ତଥା ଇନଷ୍ଟ୍ରକ୍ଟର ଅବନୀ ମହାପାତ୍ର ଓ ଏସ. ଏମ ରୁକ୍ମଣୀଙ୍କ ସମେତ ରେଳ ମଣ୍ଡଳର କେନ୍ଦୁଝରରୁ ନବୀନ ପଲେଇ, ଆଶିଷ ମହାନ୍ତ, ଭାଗବତ ବେହେରା, ଶୁଭ୍ରାଂଶୁ ବିଶ୍ୱାଳ, ନରେନ୍ଦ୍ର ମହାନ୍ତ ଯଖପୁରାରୁ ଆନନ୍ଦ ସାହୁ, ପାରାଦୀପରୁ ସୂର୍ଯ୍ୟକାନ୍ତ ଓଝା,  ପୁରୀରୁ ସରୋଜ କୁମାର ନାଏକ ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସୁଚାରୁ ରୁପେ ସମ୍ପାଦିତ କରିଥିଲେ।