ମୁମ୍ବାଇ,୧୫/୧୨: ବଲିଉଡର ଶୋ ମ୍ୟାନ ରାଜ କପୁର । ଦମଦାର ଅଭିନୟ ପାଇଁ ତ ଚର୍ଚ୍ଚାରେ ଥିଲେ । ହେଲେ ଲଭ ଲାଇଫକୁ ନେଇ ଅଧିକ ଲାଇମ ଲାଇଟରେ ଥିଲେ ସେ । ଅଭିନୟ ଛଡା ବ୍ୟକ୍ତିଗତ ଲାଇଫକୁ ନେଇ ସେ ଚର୍ଚ୍ଚାରେ ରହିଥିଲେ । ଅଭିନେତ୍ରୀ ନରଗିସଙ୍କ ପ୍ରେମରେ ପାଗଳ ଥିଲେ ରାଜ କପୁର । ବିଚ୍ଛେଦ ପରେ ନିଜକୁ ବର୍ବାଦ କରି ଦେଇଥିଲେ ସେ ।
ଅନେକ ଅଭିନେତ୍ରୀଙ୍କ ସହ ରାଜ କପୁରଙ୍କ ନାମ ଯୋଡା ଯାଇଥିଲା । ସବୁଠୁ ଅଧିକ ନରଗିସଙ୍କ ସହ ସମ୍ପର୍କକୁ ନେଇ ଚର୍ଚ୍ଚାରେ ଥିଲେ ରାଜ କପୁର । 'ଶ୍ରୀ ୪୨୦' ଫିଲ୍ମ ସୁଟିଂ ସେଟରୁ ନରଗିସଙ୍କ ସହ ରାଜ କପୁରଙ୍କର ପ୍ରଥମ ସାକ୍ଷାତ ହୋଇଥିଲା । ଏହିଠୁ ଉଭୟଙ୍କ ଲଭଷ୍ଟୋରୀ ଆରମ୍ଭ ହୋଇଥିଲା । ଦୁଇଜଣଙ୍କ ବିବାହ ହୋଇନଥିଲା ସତ ହେଲେ ଉଭୟ ଲଭ ଲାଇଫକୁ ନେଇ ଚର୍ଚ୍ଚାରେ ରହିଥିଲେ । କୃଷ୍ଣାଙ୍କୁ ବିବାହ କରିବା ପରେ ବି ନରଗିସଙ୍କ ସହ ରାଜ କପୁର ରିଲେସନରେ ଥିବା ଚର୍ଚ୍ଚା ହେଉଥିଲା । ୭ ବର୍ଷ ଦୁହେଁ ଏକାଠୀ ଥିଲେ ।
ରାଜ କପୁରଙ୍କଠୁ ଅଲଗା ହେବା ପରେ ନରଗିସ୍ ୧୯୫୮ର ସୁନୀଲ ଦତ୍ତଙ୍କୁ ବିବାହ କରିଥିଲେ । ମଧୁ ଜୈନଙ୍କ ଲିଖିତ ପୁସ୍ତକ 'ଦ କପୁର: ଦ ଫଷ୍ଟ ଫିଲ୍ମ ଫ୍ୟାମିଲି ଅଫ୍ ଇଣ୍ଡିଆନ ସିନେମା' ମୁତାବିକ ନରଗିସ୍ ସୁନୀଲ ଦତ୍ତଙ୍କୁ ବିବାହ କରିବା ପରେ ରାଜ କପୁର ନିଜକୁ ଅସହାୟ ଅନୁଭବ କରୁଥିଲେ । ତାଙ୍କୁ ଲାଗୁଥିବା ତାଙ୍କ ସହ ଧୋକା ହୋଇଛି । ଏହାପରେ ନିଜକୁ ନିଜ ହାତରେ ବର୍ବାଦ କରିଥିଲେ ସେ । ସିଗାରେଟ, ମଦକୁ ନିଜର ବନ୍ଧୁ କରିଥିଲେ । ନିଜକୁ ସିଗାରେଟ ନିଆଁରେ ଜାଳୁଥିଲେ । ଏପରିକି ପତ୍ନୀ କିଷ୍ଣାଙ୍କୁ ନିଜର ଆଫେୟାର ବିଷୟରେ କହିଥିଲେ ।
ଉକ୍ତ ପୁସ୍ତକରୁ ଏହା ଜଣାପଡିଛି କି, ନରଗିସଙ୍କ ସହ ବିଚ୍ଛେଦ ପରେ ସମ୍ପୂର୍ଣ୍ଣ ଭାଙ୍ଗି ପଡିଥିଲେ ରାଜ କପୁର । ନିଶାସକ୍ତ ଅବସ୍ଥାରେ ଘରକୁ ଆସୁଥିଲେ । ନରଗିସଙ୍କଠୁ ବିଚ୍ଛେଦ ଦୁଃଖରେ ରାତି ରାତି କାନ୍ଦୁଥିଲେ ରାଜ କପୁର । ଦୁହେଁ ପରସ୍ପରକୁ ଭଲ ପାଉଥିଲେ ସତ ହେଲେ ଜୀବନସାଥୀ ହୋଇପାରି ନଥିଲେ । ପରବର୍ତ୍ତୀ ସମୟରେ କୃଷ୍ଣାଙ୍କୁ ବିବାହ କରିଥିଲେ ରାଜ କପୁର ।
