ମୁମ୍ବାଇ ,୧୨/୧୨: ସାଉଥ ଫିଲ୍ମ ଇଣ୍ଡଷ୍ଟ୍ରୀର ସୁପରଷ୍ଟାର ରଜନୀକାନ୍ତ । ଯାହାଙ୍କୁ ଭଗବାନ ପରି ପୂଜନ୍ତି ଫ୍ୟାନ୍ସ । ଦିନେ ବନ୍ଧୁଙ୍କ ପରାମର୍ଶରେ ଫିଲ୍ମ ଦୁନିଆରେ ପାଦ ଥାପିଥିଲେ । ଆଜି ସାଉଥ ଫିଲ୍ମଠୁ ନେଇ ବଲିଉଡ ଯାଏ ସବୁଥିଲେ ତାଙ୍କର ଦମଦାର ଅଭିନୟ ଦେଖିବାକୁ ମିଳେ । ୧୯୫୦ ଡିସେମ୍ବର ୧୨ ତାରିଖରେ ଏହି ମହାନ ଅଭିନେତାଙ୍କ ଜନ୍ମ । ୭୪ ବର୍ଷରେ ପାଦ ଥାପିଛନ୍ତି ଥଲାଇବା । ଆସନ୍ତୁ ଜାଣିବା ରଜନୀକାନ୍ତଙ୍କ ସଂଘର୍ଷଠୁ ନେଇ ସଫଳତାର କାହାଣୀ ବିଷୟରେ ।
ରଜନୀକାନ୍ତଙ୍କ ଜନ୍ମ- ୪୪ ବର୍ଷ ଫିଲ୍ମ ଇଣ୍ଡଷ୍ଟ୍ରୀକୁ ଦେଇଥିବା ସୁପରଷ୍ଟାରଙ୍କର ଆଜି ଜନ୍ମଦିନ । ୧୯୫୦ ମସିହା ଆଜିର ଦିନରେ ବେଙ୍ଗାଲୁରୁର ମହୀଷୁର ମରାଠୀ ପରିବାରରେ ଜନ୍ମଗ୍ରହଣ କରିଥିଲେ ରଜନୀକାନ୍ତ । ଆଜି ଏହି ଷ୍ଟାର ୭୪ ବର୍ଷରେ ପାଦ ଥାପିଛନ୍ତି । ରଜୀନକାନ୍ତଙ୍କ ପ୍ରକୃତ ନାମ ଶିବାଜୀ ରାଓ ଗାଏକୱାଡ ।
ରଜନୀକାନ୍ତଙ୍କ ସଂଘର୍ଷରୁ ସଫଳତାର ଯାତ୍ରା- କମ ବୟସରୁ ମାଆଙ୍କୁ ହରାଇଥିଲେ ରଜନୀକାନ୍ତ । ଘରର ଆର୍ଥିକ ସ୍ଥିତି ଭଲ ନଥିଲା । ଘର ଚଳାଇବାକୁ ଛୋଟ ବଡ କାମ କରୁଥିଲେ ସେ । କୁଲିଠୁ ନେଇ ବସ୍ କଣ୍ଡକ୍ଟର କାମ କରିଥିଲେ । କଣ୍ଟକ୍ଟର ଥିବା ସମୟରେ ତାଙ୍କ ଟିକେଟ କାଟିବାର ଷ୍ଟାଇଲ ହିଁ ଷ୍ଟାର କରିବାରୁ ବାଟରେ ଆଗେଇ ନେଇଥିଲା । ନେଗେଟିଭ ରୋଲରୁ କ୍ୟାରିଅର ଆରମ୍ଭ କରିଥିଲେ ରଜନୀକାନ୍ତ । ଫିଲ୍ମ ନିର୍ମାତା ବାଲାଚନ୍ଦ୍ରଙ୍କ ସହ ତାଙ୍କର ପ୍ରଥମେ ଦେଖା ହୋଇଥିଲା । ସେ ତାଙ୍କୁ ପ୍ରଥମେ ନେଗେଟିଭ କ୍ୟାରେକ୍ଟର ଦେଇଥିଲେ । କିଛି ବର୍ଷ ଏପରି ଛୋଟ ଛୋଟ ଭୂମିକା ତୁଲାଇଥିଲେ ସେ । ଏହା ପରେ ସେ ' ଭୂବନ ଔର କେଲିକୁରୀ' ରେ ହିରୋ ଚରିତ୍ରରେ ନଜର ଆସିଥିଲେ । ମହାନ ଅଭିନେତା ରଜନୀକାନ୍ତଙ୍କୁ ଅନେକ ସମ୍ମାନରେ ସମ୍ମାନିତ କରାଯାଇଛି । ପଦ୍ମ ବିଭୂଷଣ, ପଦ୍ମ ଭୂଷଣ, ଦାଦା ସାହେବ ଫାଲକେ ଆୱାର୍ଡ, ଶ୍ରେଷ୍ଠ ଖଳନାୟକ ପାଇଁ ବିଜୟ ଆୱାର୍ଡ, ଶ୍ରେଷ୍ଠ ଅଭିନେତା ପାଇଁ ଫିଲ୍ମ ଫେୟାର ଆୱାର୍ଡରେ ସମ୍ମାନିତ ହୋଇଛନ୍ତି ସୁପରଷ୍ଟାର ରଜନୀକାନ୍ତ ।
ଦିନେ ପରିବାର ଚଳାଇବାକୁ କୁଲି କଣ୍ଡକ୍ଟର କାମ କରୁଥିଲେ ଆଜି ସେ କୋଟିପତି । ସାଉଥ ସୁପରଷ୍ଟାର ରଜନୀକାନ୍ତ ୪୩୦କୋଟି ଟଙ୍କାର ମାଲିକ । ସେ ଗୋଟିଏ ଫିଲ୍ମ କରିବାକୁ ପ୍ରାୟ ୫୦ କୋଟି ଟଙ୍କା ନିଅନ୍ତି । ଜେଲର ପିଲ୍ମ ପାଇଁ ସେ ୧୫୦କୋଟି ଟଙ୍କା ନେଇଥିବା ଏକ ରିପୋର୍ଟରୁ ଜଣାପଡିଥିଲା ।
ରଜନୀକାନ୍ତଙ୍କ ଫିଲ୍ମ କ୍ୟାରିୟର- ଦିନେ ବନ୍ଧୁଙ୍କ ପରାମର୍ଶରେ ଫିଲ୍ମ ଦୁନିଆରେ ପାଦ ଥାପିଥିଲେ ରଜନୀକାନ୍ତି । ତାଙ୍କ କଳାକୁ ଚିହ୍ନି ପାରିଥିଲେ ବନ୍ଧୁ ରାଜ ବହାହୂର । ସେ ରଜନୀକାନ୍ତଙ୍କୁ ଫିଲ୍ମ ଇଷ୍ଟିଚ୍ୟୁଟରେ ଭର୍ତ୍ତି ହେବାକୁ ମୋଟିଭେଟ କରିଥିଲେ । ୧୯୭୫ରେ ପ୍ରଥମେ ସାଉଥ ପିଲ୍ମ ' ଅପୂର୍ବା ରଙ୍ଗାନାଲ' ରେ ଡେବ୍ୟୁ କରିଥିଲେ । ଏହା ପରେ ଆଉ ପଛକୁ ଫେରି ନଥିଲେ । ବ୍ୟାକଟୁ ବ୍ୟାଟ ହିଟ୍ ଫିଲ୍ମ ଭେଟି ଦେଇଥିଲେ । ଅନ୍ନାମାଲାଇ, ମିଷ୍ଟର ଭାରତ, ମୋନ୍ଦରୁ ମୁଗାମ, ମୁଥୁ, ଶିବାଜୀ, ଥଲାପତି, ବାସା ପରି ହିଟ୍ ଫିଲ୍ମରେ ଦମଦାର ଅଭିନୟ କରିଥିଲେ । ଏହା ପରେ ୧୯୮୩ରେ ବଲିଉଡ ଫିଲ୍ମ ' ଅନ୍ଧା କାନୁନ' ଫିଲ୍ମରେ ପଦାର୍ପଣ କରିଥିଲେ ରଜନୀକାନ୍ତ । ଏହାପରେ ତାଙ୍କ ଅଭିନୟ ଯାଦୁରେ ଫ୍ୟାନ୍ସଙ୍କୁ ପାଗଳ କରିଥିଲେ । ଧୀରେ ଧୀରେ ତାଙ୍କ କ୍ରେଜ ବଢିଥିଲା । ତାଙ୍କୁ ଭଗବାନ ପରି ପୂଜନ୍ତି ଫ୍ୟାନ୍ସ । ବଲିଉଡକୁ ଅନେକ ହିଟ୍ ଫିଲ୍ମ ଭେଟି ଦେଇଛନ୍ତି ଥଲାଇବା । ଜେଲର, ଦରବାର, କାଲା, ଅନ୍ନାଥା, ଫୁଲ ବନେ ଅଙ୍ଗାର, ୱାଫାଦାର, ଲିଙ୍ଗା, ଚାଲବାଜ, ତ୍ୟାଗୀ, ହମ୍, ବୁଲନ୍ଦୀ, ଭଷ୍ଟ୍ରାଚାର, ମେରୀ ଅଦାଲତ, ପରି ସୁପରହିଟ୍ ଫିଲ୍ମରେ ଅଭିନୟ ଯାଦୁ ଦେଖାଇଛନ୍ତି । ରଜନୀକାନ୍ତ ହିନ୍ଦୀ, ତେଲୁଗୁ, କନ୍ନଡା ଭାଷାରେ ଅଭିନୟ କରିଛନ୍ତି । ମୋଟ ୧୭୦ ତାମିଲ ଫିଲ୍ମ କରିଛନ୍ତି ରଜନୀକାନ୍ତ ।
ରଜନୀକାନ୍ତଙ୍କ ରଜନୀତି କ୍ୟାରିୟର- ୨୦୧୭ରେ ରାଜନୀତି ମୈଦାନକୁ ପ୍ରବେଶ କରିଥିଲେ ସୁପରଷ୍ଟାର ରଜନୀକାନ୍ତ । ରଜନୀ ମକ୍କାଲ ମାଣ୍ଡରାମ ନାମକ ଦଳ ଘୋଷଣା କରିଥିଲା । ୨୦୨୧ ତାମିଲନାଡୁ ବିଧାନସଭା ନିର୍ବାଚନରେ ଦଳ ଭାଙ୍ଗି ଦେଇଥିଲେ । ସ୍ବାସ୍ଥଗତ ସମସ୍ୟା ପାଇଁ ରଜାନୀତିଠୁ ଦୂରେଇ ଥିଲେ ।
