ପୁରୀ,୦୫/୦୫: ବିଶ୍ୱ ପ୍ରସିଦ୍ଧ ଘୋଷଯାତ୍ରା ପାଇଁ ପବିତ୍ର ଅକ୍ଷୟ ତୃତୀୟାରୁ ରଥ ନିର୍ମାଣ କାର୍ଯ୍ୟ ଜାରି ରହିଛି । ଚଳଚଞ୍ଚଳ ହୋଇଛି ରଥଖଳା । ମହାପ୍ରଭୁଙ୍କ ରଥଯାତ୍ରା ପାଇଁ ରଥ ନିର୍ମାଣ କାର୍ଯ୍ୟ ଆଗେଇ ଚାଲିଛି । ଚତୁର୍ଥ ଦିନରେ ରଥ ଚକ ପାଇଁ ୨୮ଟି ତୁମ୍ବ ଗୋଲେଇ କାର୍ଯ୍ୟଶେଷ ହୋଇଛି । ଶାଳ ପୂଜା ପରେ ଅରକଣ୍ଟା ପଡ଼ିଲା । ତୃତୀୟ ଦିନର ନିର୍ମାଣ କାର୍ଯ୍ୟ ଶେଷ ସୁଦ୍ଧା ମୋଟ ୪୦ ଗୋଟି ତୁମ୍ବ ଗଡରୁ ତିନି ରଥର ମହାରଣା ସେବକ ମାନେ ୬ଟି ଲେଖାଏଁ ହିସାବରେ ୧୮ ଗୋଟି ତୁମ୍ବର ଗୋଲେଲ କାର୍ଯ୍ୟ ଶେଷ କରିଥିଲେ ।
ରବିବାର ୬୮ ଜଣ ନିର୍ମାଣକାରୀ ରଥ ତିଆରିରେ ଯୋଗ ଦେଇଛନ୍ତି । ଶ୍ରୀନହର ସମ୍ମୁଖ ରଥଖଳାରେ ତୁମ୍ବ ତିଆର ଚାଲିଛି । କରତୀ ସେବକମାନେ ମୋଟ ୪୨ ତୁମ୍ବ ମଧ୍ୟରୁ ମାପ ଅନୁସାରେ ୪୧ଟି ତୁମ୍ବ କାଟି ବିଶ୍ୱକର୍ମାଙ୍କୁ ଯୋଗାଇଛନ୍ତି । ବିଶ୍ୱକର୍ମାଙ୍କ ଦ୍ୱାରା ୨୮ଟି ତୁମ୍ବ ଗୋଲେଇ ଶେଷ ହୋଇଛି । ମୁଖ୍ୟ ବିଶ୍ୱକର୍ମାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଚାଲିଛି ରଥ ନିର୍ମାଣ । ରଥ ଖଳାକୁ ବିନ୍ଧ ମେସିନ୍ ଆସିଗଲାଣି । ଏହାପରେ ଚକର ମଝି ଅଂଶ ତୁମ୍ବରେ ସୂତା ବାଡିଆ ହେବ । ଅର୍ଥାତ୍ ଦାଗ ଦିଆଯିବ । ପରେ ମାପ ଚୁପ ହୋଇ ବିନ୍ଧ ଅନୁକୂଳ ହେବ । ସେପଟେ ଦୋଳବେଦି ସ୍ଥିତ ୩ଟି ଅସ୍ଥାୟୀ ଶାଳରେ ଓଝା ସେବକମାନେ ଅରକଣ୍ଟା ତିଆରି ଆରମ୍ଭ କରିଛନ୍ତି । ତିନି ରଥର ୪୨ ଗୋଟି ଚକ ପାଇଁ ୪୨ ଟି ତୁମ୍ବର ଆବଶ୍ୟକତା ଥିବାବେଳେ କରତୀ ସେବକମାନେ ଚତୁର୍ଥ ଦିନ ସୁଦ୍ଧା ୪୧ ଗୋଟି ତୁମ୍ବ ଗଡ କରି ଯୋଗାଉଛନ୍ତି ।
ପ୍ରଥମେ ଶାଳ ପୂଜା କରାଗଲା । ଲୁହା ରଡ଼ କାଟି ଶାଳରେ ପକାଇ କଣ୍ଟା ତିଆରି ଜାରି ରହିଛି । ଚକ ତିଆରିରେ ଅରକଣ୍ଟା ଲାଗିବ । ଆଜି ୩୮ ଜଣ ବିଶ୍ୱକର୍ମା, ୬ ଓଝା, ୪ କରତି ଓ ୧୯ ଭୋଇ ସେବକଙ୍କ ସମେତ ରଥ ଖଳା ସହାୟକଙ୍କୁ ମିଶାଇ ଆଜି ମୋଟ ୬୮ ଜଣ ରଥ ନିର୍ମାଣ କାର୍ଯ୍ୟରେ ନିୟୋଜିତ ହୋଇଥିବା ଶ୍ରୀମନ୍ଦିର ପ୍ରଶାସନ ଲୋକ ସମ୍ପର୍କ ଅଧିକାରୀ ଜିତେନ୍ଦ୍ର ମହାନ୍ତି ସୂଚନା ଦେଇଛନ୍ତି ।
ଅଧିକ ପଢନ୍ତୁ...ଦୀଘା ଜଗନ୍ନାଥ ମନ୍ଦିର ବିବାଦ : ସାମାଜିକ ଗଣମାଧ୍ୟମରେ ଶ୍ରୀକ୍ଷେତ୍ରକୁ ବିରୋଧ
ରଥଖଳା:ରଥ ନିର୍ମାଣ କାର୍ଯ୍ୟ (୦୪.୦୫.୨୦୨୫ ଚତୁର୍ଥ ଦିବସ)
ରଥ ନିର୍ମାଣକାରୀଙ୍କ ଉପସ୍ଥାନ
*ତିନିରଥ ମହାରଣା ସେବକ -୩୮
*ତିନିରଥ କରତୀ ସେବକ - ୪
*ତିନିରଥ କମାର ସେବକ - ୬
*ତିନିରଥ ଭୋଇ ସେବକ - ୧୯
*ରଥଖଳା ସହାୟକ(ପାଣି ବାଲା)୧
ମୋଟ - ୬୮ ଜଣ
