ପୁରୀ, ୦୫/୦୩ : ଦୁଇ ଦିନ ବନ୍ଦ ରହିବ ରତ୍ନଭଣ୍ଡାର ମରାମତି କାମ। ଶ୍ରୀମନ୍ଦିରରେ ଶ୍ରୀଜିଉଙ୍କ ବନକଲାଗି ନୀତି ସକାଶେ ବୁଧବାର ଏବଂ ଗୁରୁବାର ଦୁଇ ଦିନ ପାଇଁ ରତ୍ନଭଣ୍ଡାର ସଂରକ୍ଷଣ ଓ ମରାମତି କାର୍ଯ୍ୟ ବନ୍ଦ ରହିବ। ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ମିଳିଛି।
ଏଏସ୍ଆଇ ସୂଚନା ମୁତାବକ, ଶ୍ରୀମନ୍ଦିର ଭିତର ରତ୍ନଭଣ୍ଡାର ଭିତର ପାର୍ଶ୍ୱରେ ଫାଟିଥିବା ପଥର ବଦଳିବା ପରେ କେମିକାଲ ଟ୍ରିଟମେଣ୍ଟ କରାଯାଉଛି। ପୁରୁଣା ପିଟା ଲୁହା ବିମ୍କୁ ବଦଳାଇ ଷ୍ଟେନଲେସ୍ ଷ୍ଟିଲ୍ ବିମ୍ ଦେବାକୁ ଫ୍ରେମ୍ ପ୍ରସ୍ତୁତ ସରିଛି। ଖୁବ୍ଶୀଘ୍ର ଏହି କାମ ହେବ । ବାହାର ରତ୍ନଭଣ୍ଡାର ଭିତର ପାର୍ଶ୍ୱ ଫାଟିଥିବା ପଥର ବଦଳ କରାଯିବା ସହ ଆବଶ୍ୟକ ମରାମତି ଓ ସଂରକ୍ଷଣ କରାଯାଉଛି । ରତ୍ନଭଣ୍ଡାର ବାହାର ପାର୍ଶ୍ୱରୁ ସମ୍ପୂର୍ଣ୍ଣ ଚୂନ ଛଡ଼ା ସରିଛି। ଏଥିସହ ଫାଟିଥିବା ପଥର ବଦଳାଇ ମରାମତି ଓ ସଂରକ୍ଷଣ କାମ କରିବାକୁ ପଦକ୍ଷେପ ଆରମ୍ଭ ହୋଇଛି।
ଏହି ଖବରଟିକୁ ପଢନ୍ତୁ-ବୁଧବାର ମହାପ୍ରଭୁଙ୍କର ହେବ ବନକଲାଗି ନୀତି, ଅପରାହ୍ନ ୫ଟାରୁ ରାତି ୧୦ଟା ସାଧାରଣ ଦର୍ଶନ ବନ୍ଦ
ଏଏସ୍ଆଇ ପକ୍ଷରୁ ନିର୍ଦ୍ଧାରିତ ସମୟରେ କାମ ସାରିବାକୁ ଯଥା ସମ୍ଭବ ଚେଷ୍ଟା କରାଯାଉଛି । ତେବେ ମହାପ୍ରଭୁଙ୍କ ବିଭିନ୍ନ ବିଶେଷ ନୀତିକାନ୍ତି ପାଳନ ନିମନ୍ତେ ଅନେକ ଦିବସ କାର୍ଯ୍ୟ ବନ୍ଦ ହେଉଥିବାରୁ ନିର୍ଦ୍ଧାରିତ ସମୟ ଠାରୁ ଆଉ କିଛି ଅଧିକ ସମୟ ଲାଗିବା ଅନୁମାନ କରାଯାଉଛି ।
ଏହି ଖବରଟିକୁ ପଢନ୍ତୁ- ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟା, ଦୁର୍ଦ୍ଦାନ୍ତ ଅପରାଧୀ ରବି ଦାସକୁ ଖଣ୍ଡାରେ ହାଣିଲେ ୨ ପୁତୁରା
