ନୂଆଦିଲ୍ଲୀ ୧୮/୦୧: ବିଜେପି ସାଂସଦ ରବି କିଶନ ଗତ ଶୁକ୍ରବାର ମହାକୁମ୍ଭରେ ପହଞ୍ଚି ପୂଜାର୍ଚ୍ଚନା କରି ସଙ୍ଗମରେ ବୁଡ଼ ପକାଇଛନ୍ତି । ନୌକା ବିହାର ମଧ୍ୟ କରିଛନ୍ତି । ଅଖିଳେଶ ଯାଦବ ଏଠାକୁ ଆସି ସ୍ନାନ କରିବା ଉଚିତ୍, ଯାହା ଦ୍ୱାରା ସନାତନ ସଂସ୍କୃତି ବିଷୟରେ ତାଙ୍କର ଜ୍ଞାନ ବଢ଼ିବ ବୋଲି ସେ କହିଛନ୍ତି ।
ସୂଚନାଯୋଗ୍ୟ, ଗତ ଗୁରୁବାର ସପା ପ୍ରମୁଖ ଅଖିଳେଶ ଯାଦବ ମହାକୁମ୍ଭକୁ ନେଇ ସରକାରଙ୍କୁ ଟାର୍ଗେଟ୍ କରିଥିଲେ । ଶ୍ରଦ୍ଧାଳୁଙ୍କ ସଂଖ୍ୟାକୁ ନେଇ ସରକାରଙ୍କ ସମସ୍ତ ତଥ୍ୟ ମିଛ ବୋଲି ସେ କହିଥିଲେ । ମହାକୁମ୍ଭର ପଞ୍ଚମ ଦିନ ୧୯ ଲକ୍ଷ ଶ୍ରଦ୍ଧାଳୁ ସ୍ନାନ କରିଛନ୍ତି ।
ଏହି ଖବରଟିକୁ ପଢନ୍ତୁ..ମହାକୁମ୍ଭରେ ଆସ୍ଥାର ବୁଡ଼ ପକାଇବେ ରାହୁଲ, ପ୍ରିୟଙ୍କା; ପ୍ରୟାଗରାଜରେ କରିବେ ବିଶେଷ ପୂଜାର୍ଚ୍ଚନା
ମହାକୁମ୍ଭରେ ଆସନ୍ତା ୨୦ ତାରିଖ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ କ୍ୟାବିନେଟ୍ ବୈଠକ ହୋଇପାରେ । କ୍ୟାବିନେଟ୍ ବୈଠକ ପରେ ଯୋଗୀ ମହାସଭାର ଶିବିରରେ ଖେଚୁଡ଼ି ଭୋଗ ହେବ । ଏଥିରେ ସମସ୍ତ ମନ୍ତ୍ରୀ ମଧ୍ୟ ସାମିଲ ହେବେ । ଯୋଗୀ ଆଦିତ୍ୟନାଥ ସଙ୍ଗମକୁ ଆସିବେ । ଆସନ୍ତା ୨୯ ତାରିଖରେ ପଡୁଥିବା ମୌନୀ ଅମାବାସ୍ୟା ସ୍ନାନର ପ୍ରସ୍ତୁତି ଦେଖିବେ । ଏହି ଦିନ ପ୍ରାୟ ୮-୧୦ କୋଟି ଶ୍ରଦ୍ଧାଳୁ ସ୍ନାନ କରିବେ ବୋଲି ୟୁପି ସରକାର ଅନୁମାନ କରୁଛନ୍ତି । ଏ ନେଇ ଯୋଗୀ ସମସ୍ତ ବିଭାଗର ଅଧିକାରୀଙ୍କ ସହ ସମୀକ୍ଷା ବୈଠକ କରିବେ । ମେଳା କ୍ଷେତ୍ରର ନିରୀକ୍ଷଣ ମଧ୍ୟ କରିପାରନ୍ତି ।
