ପୁନେ,୦୭/୦୨: ଘରୋଇ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଇଥିବା ପ୍ରଥମ ଦିନିକିଆରେ ଭାରତ ଦମଦାର ପ୍ରଦର୍ଶନ କରି ବିଜୟରୁ ଅଭିଯାନ ଆରମ୍ଭ କରିଛି । ଏଥିରେ ଇଂଲଣ୍ଡ ବୋଲରଙ୍କୁ ଘାଇଲା କରିଥିଲେ ଭାରତୀୟ ବୋଲର । ଅଲରାଉଣ୍ଡର ରବୀନ୍ଦ୍ର ଜାଡେଜା ୩ଟି ୱିକେଟ ହାସଲ କରିଥିଲେ । ଏହି  ସଫଳତା ସହ ଏକ ବିରଳ କ୍ଲବରେ ସାମିଲ ହୋଇଛନ୍ତି । ୬୦୦ ଅନ୍ତର୍ଜାତୀୟ ୱିକେଟ ହାସଲ କରିବାର ମାଇଲଖୁଣ୍ଟ ସ୍ଥାପନ କରିଛନ୍ତି । ଆଦିଲ ରସିଦଙ୍କୁ ନିଜ ତୃତୀୟ ୱିକେଟ ଭାବେ ଆଉଟ୍ କରିବାବେଳେ ଏହି ସଫଳତା ହାସଲ କରିବାର ଗୌରବ ଅର୍ଜନ କରିଛନ୍ତି ।  

6⃣0⃣0⃣ international wickets and counting!

Congratulations, Ravindra Jadeja 🫡🫡

Follow The Match ▶️ https://t.co/lWBc7oPRcd#TeamIndia | #INDvENG | @IDFCFIRSTBank | @imjadeja pic.twitter.com/Qej9oaRWbb

— BCCI (@BCCI) February 6, 2025

ରବୀନ୍ଦ୍ର ଜାଡେଜା ସବୁ ଫର୍ମାଟରେ ୬୦୦ ୱିକେଟ୍ ହାସଲ କରିଥିବା ଖେଳାଳି ହୋଇଛନ୍ତି । ଟେଷ୍ଟରେ ୩୨୩, ଦିନିକିଆରେ ୨୨୪ଟି ୱିକେଟ ନେଇଥିବା ବେଳେ ଟି-ଟ୍ବେଣ୍ଟିରେ ୫୩ଟି ୱିକେଟ ହାସଲ କରିଛନ୍ତି । ଏହି ସଫଳତା ସହ ସାର୍ ଜାଡେଜା ସବୁ ଫର୍ମାଟରେ ୬୦୦ୱିକେଟ୍ କ୍ଲବରେ ସାମିଲ ହୋଇଥିବା ପ୍ରଥମ ଭାରତୀୟ ବାମହାତୀ ସ୍ପିନର ହୋଇଛନ୍ତି । ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ଜାଡେଜା ୨୬ ରନ ଦେଇ ୩ଟି ୱିକେଟ ଅକ୍ତିଆର କରିଥିଲେ । ୧୯୮ଟି ଦିନିକିଆ ମ୍ୟାଚ ଖେଳି ୨୨୪ଟି ୱିକେଟ ହାସଲ କରିଥିବା ବେଳେ ୮୦ଟି ଟେଷ୍ଟ ମ୍ୟାଚ ଖେଳି ୩୨୩ ଓ ୭୪ଟି ଟି-ଟ୍ବେଣ୍ଟି ଖେଳି ୫୪ଟି ୱିକେଟ୍ ହାସଲ କରିବାରେ ସଫଳ ହୋଇଛନ୍ତି ଭେଟେରାନ ଅଲରାଉଣ୍ଡର ରବୀନ୍ଦ୍ର ଜାଡେଜା ।

ଏହା ବି ପଢନ୍ତୁ...ଶୁଭମନଙ୍କ ନାଁରେ ନୂଆ ରେକର୍ଡ; ବିରାଟ କୋହଲିଙ୍କୁ ପକାଇଲେ ପଛରେ

ଅନ୍ତର୍ଜାତୀୟ କ୍ରିକେଟରେ ୬୦୦ ୱିକେଟ୍ ପୂର୍ଣ୍ଣ କରିବାରେ ପ୍ରଥମ ଭାରତୀୟ ଖେଳାଳି ହୋଇଛନ୍ତି ଜାଡେଜା। ଆଗକୁ ମଧ୍ୟ ଜାରି ରହିବ । ତାଙ୍କ ପୂର୍ବରୁ ଏହି କ୍ଲବରେ ଅନିଲ କୁମ୍ବଲେ (୯୫୩), ରବିଚନ୍ଦ୍ରନ ଅଶ୍ବିନୀ (୭୬୫), ହରଭଜନ ସିଂହ (୭୦୭) ଓ କପଳ ଦେବ (୬୮୭), ଜାହିର ଖାନ୍ (୬୧୦)  ସାମିଲ ଥିଲେ । ଦିନିକିଆରେ ୨୦୦ରୁ ଅଧିକ ୱିକେଟ ହାସଲ କରିବାରେ ସେ ସପ୍ତମ ଭାରତୀୟ ହୋଇଛନ୍ତି ।