ନୂଆଦିଲ୍ଲୀ,୦୨/୦୫; ସଦ୍ୟ ସମାପ୍ତ ଆଇପିଏଲ୍ ଫାଇନାଲ୍ରେ ବିଶୃଙ୍ଖଳିତ ଆଚରଣକୁ ନେଇ ବେଙ୍ଗାଲୁରୁର ଟିମ ଡେଭିଡ୍ ଦଣ୍ଡିତ ହୋଇଛନ୍ତି । ଗୁଜରାଟ ବ୍ୟାଟିଂ କରୁଥିବା ସମୟରେ ଦଶମ ଓଭରରେ ଏକ ୱିକେଟ ପତନ ପରେ ସେ ଉତ୍ସାହିତ ହୋଇ ଅମ୍ପାୟାରଙ୍କ ନିକଟକୁ ଏକ ଆଇସ ବ୍ୟାଗ୍ ଫିଙ୍ଗିଥିଲେ । ଏଭଳି ଆଚରଣ କରି ସେ ଆଇପିଏଲ୍ ଆଚାର ସଂହିତାର ୨.୦ ନିୟମ ଉଲ୍ଲଙ୍ଘନ କରିଛନ୍ତି । ଫଳ ସ୍ୱରୂପ ତାଙ୍କ ମ୍ୟାଚ ପାଉଣାର ୫୦% ଅର୍ଥ କାଟ୍ କରାଯିବା ସହ ୨ ଶୃଙ୍ଖଳା ପଏଣ୍ଟ ଲାଗୁ କରାଯାଇଛି । ପୂର୍ବରୁ ଡେଭିଡ୍ଙ୍କ ବିପକ୍ଷରେ ୩ ଶୃଙ୍ଖଳା ପଏଣ୍ଟ ଲାଗୁ କରାଯାଇ ସାରିଛି । ଫଳରେ ମୋଟ୍ ୫ ଶୃଙ୍ଖଳା ପଏଣ୍ଟ ଯୋଗୁଁ ଡେଭିଡ୍ ଆଗାମୀ ସିଜନରେ ଗୋଟିଏ ମ୍ୟାଚରୁ ନିଲମ୍ବିତ ହୋଇଛନ୍ତି । ଅର୍ଥାତ ଆଇପିଏଲ୍ ୨୦୨୭ରେ ପ୍ରଥମ ମ୍ୟାଚରୁ ବ୍ୟାନ୍ ହେବେ ଟିମ୍ ଡେଭିଡ୍ ।
ଆରସିବି ବ୍ୟାଟର ଟିମ୍ ଡେଭିଡଙ୍କୁ ଆଇପିଏଲ ୨୦୨୭ର ପ୍ରଥମ ମ୍ୟାଚ୍ ରୁ ନିଲମ୍ବିତ କରାଯାଇଛି । ସେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଗୁଜରାଟ ଟାଇଟାନ୍ସ ବିପକ୍ଷରେ ଆଇପିଏଲ୍ ଫାଇନାଲରେ ଆଚରଣ ସଂହିତା ଉଲ୍ଲଘଂନ କରିଛନ୍ତି । ଆଇପିଏଲ ପକ୍ଷରୁ ଜାରି ଏକ ବିବୃତ୍ତିରେ କୁହାଯାଇଛି ଯେ, ଟିମ୍ ଡେଭିଡଙ୍କୁ ତାଙ୍କ ମ୍ୟାଚ୍ ଫିର ୫୦ ପ୍ରତିଶତ ଜରିମାନା କରାଯାଇଛି ଏବଂ ଦୁଇଟି ଡିମେରିଟ୍ ପଏଣ୍ଟ ଦିଆଯାଇଛି । ଅଷ୍ଟ୍ରେଲୀୟ ଖେଳାଳି ଆଇପିଏଲ ଆଚରଣ ସଂହିତାର ଧାରା ୨.୯ ଉଲ୍ଲଂଘନ କରିଥିବାରୁ ଦୋଷୀ ସାବ୍ୟସ୍ତ ହୋଇଛନ୍ତି । ଏହି ନିୟମ ଅନୁଯାୟୀ ମ୍ୟାଚ୍ ସମୟରେ ଖେଳାଳି, ଅମ୍ପାୟାର, ଦଳର ଅଧିକାରୀ କିମ୍ବା ଅନ୍ୟ କୌଣସି ବକ୍ତିଙ୍କ ଆଡ଼କୁ ଅନୁପଯୁକ୍ତ ଭାବରେ କ୍ରିକେଟ ଉପକରଣ କିମ୍ବା ଅନ୍ୟ କୌଣସି ବସ୍ତୁ ଫିଙ୍ଗିବା ଏକ ଅପରାଧ ।
ଏହା ବି ପଢନ୍ତୁ...FIFA World Cup 2026: ZEE ଟିଭି ହାତେଇଲା ଫିଫା ବିଶ୍ବକପ୍ ପ୍ରସାରଣ ଅଧିକାର, ୩୯ଟି ଟୁର୍ଣ୍ଣାମେଣ୍ଟ ପାଇଁ ଚୁକ୍ତି
ଏହି ଘଟଣାଟି ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା IPL 2026 ଫାଇନାଲ ସହିତ ଜଡିତ । ପ୍ରଥମ ଇନିଂସର ୧୦ତମ ଓଭରରେ ୱିକେଟ ପତନ ପରେ, ଟିମ୍ ଡେଭିଡ୍ ଅମ୍ପାୟାର ନୀତନ ମେନନଙ୍କ ଉପରକୁ ଆଇସ୍ ପ୍ୟାକ୍ ଫିଙ୍ଗିଥିଲେ । IPL ଏହାକୁ ଅନୁଶାସନହୀନ ଆଚରଣ ବୋଲି ବିବେଚନା କରିଥିଲା ଏବଂ ପରବର୍ତ୍ତୀ ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ଡେଭିଡ୍ ତାଙ୍କ ଭୁଲ ସ୍ୱୀକାର କରିଥିଲେ ଏବଂ ମ୍ୟାଚ୍ ରେଫରୀ ଜାଭଗଲ୍ ଶ୍ରୀନାଥଙ୍କ ଦ୍ୱାରା ଲାଗୁ ହୋଇଥିବା ଦଣ୍ଡକୁ ଗ୍ରହଣ କରିଥିଲେ। ଫଳସ୍ୱରୂପ, ଆଉ କୌଣସି ଶୁଣାଣି ଆବଶ୍ୟକ ହୋଇନଥିଲା ।
ବ୍ୟାନ୍ ହେବାର ଗଣିତ ବୁଝନ୍ତୁ- ସାଧାରଣ କ୍ରିକେଟ୍ ପ୍ରେମୀମାନେ ହୁଏତ ଭାବିପାରନ୍ତି ଯେ, ଏତେ ବଡ଼ ଭୁଲ ପାଇଁ କାହିଁକି ଗୋଟିଏ ମ୍ୟାଚ୍ ପାଇଁ ବାସନ୍ଦ କରାଯାଇଥିଲା ? କାରଣ ହେଉଛି ଡିମେରିଟ୍ ପଏଣ୍ଟର ନିୟମ । ଏହି ସମଗ୍ର ସିଜନରେ ଟିମ୍ ଡେଭିଡଙ୍କର ଏହା ତୃତୀୟ ଏପରି ଅପରାଧ ଥିଲା । ପୂର୍ବରୁ ସେ ଟୁର୍ଣ୍ଣାମେଣ୍ଟର ମ୍ୟାଚ୍ ନମ୍ବର ୨୦ରେ ଗୋଟିଏ ଡିମେରିଟ୍ ପଏଣ୍ଟ ପାଇଥିଲେ । ତା’ପରେ ତାଙ୍କୁ ମ୍ୟାଚ୍ ନମ୍ବର ୫୪ରେ ଆଉ ଦୁଇଟି ଡିମେରିଟ୍ ପଏଣ୍ଟ ଦିଆଯାଇଥିଲା । ବର୍ତ୍ତମାନ, ଫାଇନାଲରେ ଏହି ଭୁଲରୁ ଦୁଇଟି ପଏଣ୍ଟ ସହିତ, ତାଙ୍କର ମୋଟ ଡିମେରିଟ୍ ପଏଣ୍ଟ ପାଞ୍ଚରେ ପହଞ୍ଚିଛି । ନିୟମ ଅନୁଯାୟୀ, ଜଣେ ଖେଳାଳି ପାଞ୍ଚ ଡିମେରିଟ୍ ପଏଣ୍ଟ ପାଇବା ପରେ, ତାଙ୍କୁ ସ୍ୱାଭାବିକ୍ ଭାବେ ଗୋଟିଏ ମ୍ୟାଚରୁ ବ୍ୟାନ୍ କରାଯାଏ । ଏ
ଟିମ୍ ଡେଭିଡଙ୍କୁ ଏହି ଦଣ୍ଡ ସିଧାସଳଖ ଆଇପିଏଲ ୨୦୨୭ ପ୍ରଥମ ମ୍ୟାଚ ଉପରେ ପଡିବ । ନିୟମ ଅନୁଯାୟୀ, ଯଦି ଟିମ୍ ଡେଭିଡ୍ ଆସନ୍ତା ବର୍ଷ ବାଙ୍ଗାଲୋର ଦଳର ଅଂଶ ରୁହନ୍ତି, ତେବେ ସେ ପ୍ରଥମ ମ୍ୟାଚ୍ ରେ ଚୟନ ପାଇଁ ଉପଲବ୍ଧ ହେବେ ନାହିଁ। ଏହା ବ୍ୟତୀତ, ଯଦିଓ ସେ ଅନ୍ୟ ଫ୍ରାଞ୍ଚାଇଜ୍ ପାଇଁ ଖେଳନ୍ତି ତେବେ ସିଜନର ପ୍ରଥମ ମ୍ୟାଚ୍ ବେଞ୍ଚରେ ବସିବାକୁ ପଡିବ । RCB ସେମାନଙ୍କର ଚାମ୍ପିଅନ୍ ବିଜୟର ଉତ୍ସବ ପାଳନ କରୁଥିବା ବେଳେ, ଦଳର ପ୍ରମୁଖ ବ୍ୟାଟରଙ୍କ ଉପରେ ପ୍ରତିବନ୍ଧକ ନିଶ୍ଚିତ ଭାବରେ ବିଜୟ ଉତ୍ସାହକୁ ପାଣିଚିଆ କରି ଦେଇଛି ।
