କଟକ,୩୦/୩ : ମଙ୍ଗୁଳି ଚୌଦ୍ବାର ଷ୍ଟେସନ ନିକଟରେ କାମାକ୍ଷା ଏକ୍ସପ୍ରେସ ଲାଇନଚ୍ୟୁତ ହେବା ମନୁଷ୍ୟ କୃତ ଥିଲା କି ? କିଛି ଯାତ୍ରୀଙ୍କର ପ୍ରତିକ୍ରିୟା ଏହି ଆଡ଼କୁ ଇଙ୍ଗିତ କରୁଛି । ତେବେ ରେଳବାଇ କର୍ତ୍ତୃପକ୍ଷ ଏ ନେଇ କୌଣସି ସ୍ପଷ୍ଟ ସୂଚନା ଦେଇନଥିବାବେଳେ, ତଦନ୍ତ ପରେ କାରଣ ସ୍ପଷ୍ଟ ହେବ ବୋଲି କହିଛନ୍ତି ଡିଆରଏମ୍।
କାମାକ୍ଷା ଏକ୍ସପ୍ରେସରେ ଯାତ୍ରା କରୁଥିବା କିଛି ଯାତ୍ରୀଙ୍କ କହିବା ଅନୁସାରେ ମଙ୍ଗୁଳି ଚୌଦ୍ବାର ପାସେଞ୍ଜର ହଲ୍ଟ ନିକଟରେ ଯେଉଁ ଯାଗାରେ ଏକ୍ସପ୍ରେସ ଲାଇନଚ୍ୟୁତ ହେଲା ସେଠାରେ ଟ୍ରାକ ସଜାଡିବା କାମ ଚାଲିଥିଲା। ହଠାତ୍ କାମାକ୍ଷା ଏକ୍ସପ୍ରେସ ସେହି ଟ୍ରାକରେ ଚାଲି ଆସିଵାରୁ କାର୍ଯ୍ୟରତ କର୍ମଚାରୀମାନେ ଟ୍ରାକ ଛାଡି ଦଉଡି ପଳେଇଥିଲେ । ଟ୍ରାକ ନିକଟରେ ଶ୍ରମିକମାନଙ୍କର କୋଡି,ବେଲଚା ଓ ଶାବଳ ପଡ଼ି ରହିଥିଵା ପ୍ରତ୍ୟେକ୍ଷ ଦର୍ଶୀ ବୟାନ ଦେଇଛନ୍ତି।
ସେପଟେ ଦୁର୍ଘଟଣାସ୍ଥଳରେ ରେଳବାଇର ଉଚ୍ଚ କର୍ତ୍ତୃପକ୍ଷ ପହଞ୍ଚି ଘଟଣାର ଅନୁଧ୍ୟାନ କରିଛନ୍ତି । ଦୁର୍ଘଟଣାର କାରଣ ସମ୍ପର୍କରେ ଖୋର୍ଦ୍ଧା ରୋଡ ଡିଆରଏମ୍ କହିଛନ୍ତି ସଠିକ୍ କାରଣ ଜାଣିବା ପାଇଁ କିଛି ଅନୁସନ୍ଧାନ ଆରମ୍ଭ ହୋଇଛି। କାମାକ୍ଷା ଏକ୍ସପ୍ରେସ ଲାଇନଚ୍ୟୁତ ହେବାର କାରଣ ଜାଣିବା ପାଇଁ ଏକ ସ୍ବତନ୍ତ୍ର ଟିମ୍ ଗଠନ କରାଯାଇଛି । ସମ୍ପୃକ୍ତ ଟିମ୍ ଦୁର୍ଘଟଣାସ୍ଥଳକୁ ଯାଇ ଅନୁସନ୍ଧାନ ଆରମ୍ଭ କରିଛନ୍ତି ।
