ଭୁବନେଶ୍ୱର ୨୪/୦୮: ହିନ୍ଦୁ ଧର୍ମରେ ଔଷଧୀୟ ଗୁଣରେ ଭରା ତୁଳସୀ ଗଛ ପବିତ୍ର ବୋଲି ମାନ୍ୟତା ରହିଛି । ସକାଳେ ଖାଲି ପେଟରେ ତୁଳସୀ ପତ୍ର ଚୋବାଇବା ଦ୍ୱାରା ଅନେକ ଫାଇଦା ମିଳିଥାଏ । କେବଳ ସ୍ୱାସ୍ଥ୍ୟ ପାଇଁ ଫାଇଦା ହୋଇ ନଥାଏ, ବରଂ ତ୍ୱଚା ଓ କେଶ ପାଇଁ ମଧ୍ୟ ଲାଭଦାୟକ ହୋଇଥାଏ । ଔଷଧୀୟ ଗୁଣରେ ଭରା ତୁଳସୀ ଅନେକ ଫାଇଦା ଦେଇଥାଏ । ତୁଳସୀର ଧର୍ମୀୟ ମହତ୍ତ୍ୱ ସହ ବୈଜ୍ଞାନିକ ଗୁଣ ମଧ୍ୟ ରହିଥାଏ । ଆସନ୍ତୁ ଜାଣିବା ତୁଳସୀ ପତ୍ରର କିଛି ଫାଇଦା ବିଷୟରେ…
ମଧୁମେହ ପାଇଁ ଫାଇଦା :
ମଧୁମେହ ରୋଗୀ ସକାଳେ ଖାଲି ପେଟରେ ୪/୫ଟି ତୁଳସୀ ପତ୍ର ଚୋବାଇବା ଦ୍ୱାରା ରକ୍ତରେ ଶର୍କରା ସ୍ତର ନିୟନ୍ତ୍ରିତ ରହିଥାଏ ।
ପେଟ ସମସ୍ୟାରୁ ରକ୍ଷା ମିଳେ :
ଯଦି କୌଣସି ପେଟ ସମସ୍ୟା ରହିଥାଏ, ତେବେ ସକାଳେ ପାଟି ସଫା କରିବା ପୂର୍ବରୁ ୪/୫ଟି ତୁଳସୀ ପତ୍ର ଚୋବାଇ ଖାଇବା ଦ୍ୱାରା ଅନେକ ଫାଇଦା ମିଳିଥାଏ । ଏହା ଗ୍ୟାସ୍, ବଦ୍ହଜମୀ ଓ ଅନେକ ପେଟ ସମସ୍ୟା ଦୂର କରିଥାଏ ।
ଚିନ୍ତା ଦୂରାଏ :
ତୁଳସୀ ପତ୍ର କେବଳ ଶାରୀରିକ ନୁହେଁ, ବରଂ ମାନସିକ ସ୍ୱାସ୍ଥ୍ୟ ପାଇଁ ମଧ୍ୟ ଫାଇଦା ଦେଇଥାଏ । ନିୟମିତ ତୁଳସୀ ପତ୍ର ଚୋବାଇବା ଦ୍ୱାରା ଚିନ୍ତା ଓ ଆଙ୍ଗ୍ଜାଇଟି ଦୂର ହୋଇଥାଏ । ଏଥିରେ ଏମିତି ତତ୍ତ୍ୱ ରହିଥାଏ, ଯାହା ଷ୍ଟ୍ରେସ୍ ହର୍ମୋନ୍କୁ ନିୟନ୍ତ୍ରିତ କରିଥାଏ ।
ପାଟିର ଗନ୍ଧ ଦୂରାଏ :
ପାଟି ଗନ୍ଧକୁ ନେଇ ସମସ୍ୟା ରହିଥିଲେ । ନିୟମିତ ସକାଳେ ତୁଳସୀ ପତ୍ର ଚୋବାଇବା ଦ୍ୱାରା ପାଟି ସଫା ହେବା ସହ ବ୍ୟାକ୍ଟେରିଆ ଦୂର ହୋଇଥାନ୍ତି । ଫଳରେ ଶ୍ୱାସରେ ସତେଜତା ଆସିଥାଏ ।
ରୋଗ ପ୍ରତିରୋଧକ ଶକ୍ତି ବଢାଏ :
ବାରମ୍ବାର ରୋଗ ହେବା ଦ୍ୱାରା ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇପଡେ । ତୁଳସୀ ପତ୍ର ଖାଇବା ଦ୍ୱାରା ଏଥିରେ ଥିବା ଆଣ୍ଟିବ୍ୟାକ୍ଟେରିଆଲ୍ ଓ ଆଣ୍ଟି ଅକ୍ସିଡାଣ୍ଟସ୍ ଗୁଣ ଯୋଗୁ ଇମ୍ୟୁନିଟି ବଢିଥାଏ । ଫଳରେ ଶରୀର ରୋଗ ସହ ଲଢିବାକୁ ସାମର୍ଥ୍ୟ ହାସଲ କରିଥାଏ ।
