ଖନ୍ତାପଡ଼ା,୦୯/୦୮: ଭାରସାମ୍ୟ ହରାଇ ଡ଼ିଭାଇଡ଼ରକୁ ପିଟିଲା ଚିପ୍ସ ବୋଝେଇ ହାଇୱା । ଅଳ୍ପକେ ବର୍ତ୍ତିଲେ ଗାଡ଼ି ଚାଳକ । ତେବେ ଖନ୍ତାପଡ଼ା ଥାନା ଅଧୀନ ପଣପଣା ପଞ୍ଚାୟତ ୧୬ ନଂ ଜାତୀୟ ରାଜପଥ ହୋଟେଲ ମୋନାଲି ନିକଟରେ ଏହି ଘଟଣା ଘଟିଛି ।
ସୂଚନା ମୁତାବକ, ଆଜି ଭୋର ସମୟରେ ସୋର ଆଡୁ ବାଲେଶ୍ୱର ଅଭିମୁଖେ ଏକ ୧୬ ଚକିଆ ହାଇୱା ଗାଡ଼ି ନମ୍ବର ଓଡି୦୪ଟି୨୧୨୨ ଚିପ୍ସ ବୁଝେଇ କରି ଯାଉଥିଲା । ସେହି ସମୟରେ ଚାଳକର ଆଖି ଲାଗିଯିବାରୁ ଭାରସାମ୍ୟ ହରାଇ ଜାତୀୟ ରାଜପଥ ପାର୍ଶ୍ୱରେ ଲାଗିଥିବା ଡିଭାଇଡ଼ରକୁ ଧକ୍କା ଦେଇଥିଲା। ଫଳରେ ଗାଡିଟିର ସମ୍ମୁଖ ଭାଗ ସମ୍ପୂର୍ଣ୍ଣ ନଷ୍ଟ ହୋଇଥିବା ବେଳେ ଗାଡି ଚାଳକଙ୍କ ଜୀବନ ଅଳ୍ପକେ ବର୍ତ୍ତିଯାଇଥିବା ଜଣାପଡିଛି।
ଏହା ମଧ୍ୟ ପଢନ୍ତୁ-ମଦ ପିଇବାକୁ ଯାଇ ଫେରିଲେନି ଯୁବକ, ଜଙ୍ଗଲରୁ ଉଦ୍ଧାର ହେଲା ମୃତଦେହ
ତେବେ ବର୍ତ୍ତମାନ ଯାଏଁ ଚାଳକଙ୍କ ନାମ ଓ ଠିକଣା ଜଣାପଡି ନଥିବା ବେଳେ ଖନ୍ତାପଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି। ଏଥିସହ ଗାଡି ଚାଳକଙ୍କୁ ଘଟଣା ବାବଦରେ ପଚରାଉଚରା କରୁଥିବା ଜଣା ପଡିଛି। ଦୁର୍ଘଟଣା ରେ କାହାରି କୌଣସି କ୍ଷତି ହୋଇନଥିବା ଜଣା ପଡିଛି।
