ପାଣିକୋଇଲି,୧୬/୦୭: ଯାଜପୁର ଜିଲ୍ଲା ପାଣିକୋଇଲି ଥାନା ଅର୍ନ୍ତଗତ ୧୬ନମ୍ବର ଜାତୀୟ ରାଜପଥର ପୁରୁଣା ଟୋଲ୍ ନିକଟରେ ସିରିଜ୍ ଦୁର୍ଘଟଣା। ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି ।
ସୂଚନା ଅନୁଯାୟୀ, ଆଜି ଭୋର ସମୟରେ ଏକ ଟ୍ରକ୍ ପାଣିକୋଇଲି ଥାନା ପୁରୁଣା ଟୋଲ୍ ନିକଟରେ ରାସ୍ତା କଡରେ ଖରାପ ଅବସ୍ଥାରେ ଥିଲା । ଏହି ସମୟରେ ପଛରୁ ଏକ ଆଇରନ ବୋଝେଇ ଟ୍ରକ ଦ୍ରୁତ ଗତିରେ ଆସି ରାସ୍ତା କଡରେ ଠିଆ ହେଇଥିବା ଟ୍ରକକୁ ପଛପଟୁ ଧକ୍କା ଦେଇଥିଲେ । ପରବର୍ତ୍ତୀ ଅବସ୍ଥାରେ ଆଉ ଏକ କାର ଆସି ଧକ୍କା ଦେଇଥିଲା । ଦୁର୍ଘଟଣା ଫଳରେ ଜଣେ ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହେଇଥିବା ସୂଚନା ମିଳିଛି । ସେପଟେ ଦୁର୍ଘଟଣା ଖବରପାଇ ସ୍ଥାନୀୟ ଯୁବକ ଓ ପାଣିକୋଇଲି ପୁଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିବା ସହିତ ଜଣେ ଗୁରୁତରଙ୍କୁ ଚିକିତ୍ସା ପାଇଁ ଯାଜପୁର ଟାଉନ ମେଡିକାଲକୁ ପଠାଇଛନ୍ତି । କାର ଓଲଟି ପଡ଼ିବାରୁ ୩ଜଣ ବ୍ୟକ୍ତି ସାମାନ୍ୟ ଆହତ ହେଇଥିବା ସ୍ଥାନୀୟ ଅଧିବାସୀଙ୍କ ଠାରୁ ସୂଚନା ମିଳିଛି।
