କଟକ ସଦର,୦୧/୦୬: ଡ୍ରାଇଭରଙ୍କ ଉପସ୍ଥିତି ବୁଦ୍ଧି ଯୋଗୁଁ ଟଳିଗଲା ଏକ ବଡ଼ ଅଘଟଣ। ଅଳ୍ପକେ ବର୍ତ୍ତିଲେ ବାଇକ୍ ଆରୋହୀ। ସୂଚନା ମୁତାବକ,ଓଏମପି ପଟରୁ ୧୦୦ବସ୍ତା ସିମେଣ୍ଟ ନେଇ ରଘୁନାଥପୁର ଯାଉଥିବା ଏକ ୪୦୭ଟାଟା ଗାଡି ନୂଆବଜ଼ାର ଛକ ଅତିକ୍ରମ କରୁଥିଲା। ସେହି ସମୟରେ ତିନିଘରିଆ ପଟରୁ ଏକ ବାଇକ୍ ୩ଜଣ ବ୍ୟକ୍ତି ଦ୍ରୁତ ଗତିରେ ମୁଖ୍ୟ ରାସ୍ତାକୁ ଅତିକ୍ରମ କରୁଥିବା ବେଳେ ବାଇକ ଆରୋହୀଙ୍କୁ ବଞ୍ଚାଇବାକୁ ୪୦୭ ଟ୍ରକ ବୁଦ୍ଧି ଖର୍ଚ୍ଚ କରି ଉକ୍ତ ନୂଆବଜ଼ାର ଛକରେ ବାମପଟରେ ଥିବା ଟ୍ରାଫିକ ଷ୍ଟାଣ୍ଡକୁ ଧକ୍କା ଦେଇଥିଲା । ଫଳରେ ବାଇକ ଆରୋହୀ ମୃତ୍ୟୁମୁଖରୁ ବଞ୍ଚିଥିବା ବେଳେ ଟ୍ରାଫିକ ଷ୍ଟାଣ୍ଡ ଭାଙ୍ଗିରୁଜି ଯାଇଛି ।
ଚାଉଳିଆଗଞ୍ଜ ପୋଲିସ ଟ୍ରକକୁ ଜବତ କରିଥିବା ବେଳେ ବାଇକ ଆରୋହୀ ପଳାଇ ଯାଇଛନ୍ତି । ଟ୍ରକ ଡ୍ରାଇଭରଙ୍କୁ ସାହାଯ୍ୟ କରିବାକୁ ତାଙ୍କ ଓଡିଶା ଡ୍ରାଇଭର ସଂଘର କିଛି କର୍ମଚାରୀ ନୂଆବଜ଼ାର ଛକକୁ ଆସିଥିଲେ । ଟ୍ରକ ଡ୍ରାଇଭରର ଘର ଜଗତପୁର ଥାନା ଅନ୍ତର୍ଗତ ପଦ୍ମପୁର ହୋଇଥିବା ବେଳେ ଡ୍ରାଇଭରର ନାଁ ଖାଜେ ରିଆଜୁଦିନ ବୋଲି ଜଣାପଡିଛି ।
