ପାଟନା,୩୦/୦୮: ବିହାର ବିଧାନସଭା ନିର୍ବାଚନ ପୂର୍ବରୁ ରାଜନୈତିକ ମାହୋଲ ସରଗରମ ରହିଛି । ବିବାଦୀୟ ବୟାନବାଜି ଜାରି ରହିଛି । ପ୍ରଧାନମନ୍ତ୍ରୀ ମୋଦିଙ୍କ ଉପରେ ଦିଆଯାଇଥିବା ବିବାଦୀୟ ଟିପ୍ପଣୀ ବିବାଦ ଥମି ନଥିବା ବେଳେ ଆଉ ଏକ ବୟାନ ଆସିଛି । ଲାଲୁ ଯାଦବଙ୍କ ଝିଅ ରୋହିଣୀ ଆଚାର୍ଯ୍ୟ ଦେଇଥିବା ବୟାନକୁ ନେଇ ଚର୍ଚ୍ଚା ଜୋର ଧରିଛି । ବିହାର ମୁଖ୍ୟମନ୍ତ୍ରୀ ଚେହେରା କିଏ ପ୍ରଶ୍ନରେ ସେ ଦେଇଥିବା ଉତ୍ତର ଚର୍ଚ୍ଚାକୁ ଆସିଛି ।
ଇଣ୍ଡି ମେଣ୍ଟର ମୁଖ୍ୟମନ୍ତ୍ରୀ ଚେହେରା କିଏ ? ରାହୁଲ ଗାନ୍ଧୀ ମେଣ୍ଟର ସିଏମ୍ ଫେସ୍ କାହିଁକି ଘୋଷଣା କରୁନାହାନ୍ତି ବୋଲି ଏନଡିଏ ନେତା ପ୍ରଶ୍ନ କରିଛନ୍ତି । ଏହାକୁ ନେଇ ଲାଲୁ ଯାଦବଙ୍କ ଝିଅ ରୋହିଣୀ ଆଚାର୍ୟ୍ୟ କହିଛନ୍ତି, '' ଏବେ କଣ ଚାଲିଛି ନା ନା କୁହ ଏବେ କଣ ଚାଲିଛି ? ଏବେ ଭୋଟରଙ୍କ ଅଧିକାରର ଯାତ୍ରା ଚାଲିଛି । ଏବେ ବାହାଘର କଥା ହୋଇନାହିଁ ସେମାନେ ଚତୁର୍ଥୀ କଥା କହିଲେଣି । ବାହାଘର ହୋଇନାହିଁ ଚତୁର୍ଥୀ କାହା ସହ ହେବ ବୋଲି କହୁଛନ୍ତି । ବହୁତ ହୋଇଗଲା । ଯାହା ଜରୁରୀ ସେ କଥା କୁହନ୍ତୁ ନା । ସମୟ ଆସିଲେ ସବୁ ସ୍ପଷ୍ଟ ହୋଇଯିବ । ''
Patna, Bihar: On NDA leaders questioning why Rahul Gandhi has not declared a Mahagathbandhan's CM face, RJD leader Rohini Acharya says, "...Abhi Shaadi ka baat hi ni chal raha, yaha suhaagrat kis ke saath manayi jaayegi uski baat chal rahi hai kya?..." pic.twitter.com/6XXkA6w37w
— IANS (@ians_india) August 29, 2025
ଏସଆଇଆର ବିରୋଧରେ ବିହାରରେ ଏବେ ଭୋଟର ଅଧିକାର ଯାତ୍ରା ଚାଲିଛି । ଲୋକସଭା ସାଂସଦ ତଥା ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ସମେତ ଇଣ୍ଡି ମେଣ୍ଟର ସମସ୍ତ ନେତା ଏହି ଯାତ୍ରାରେ ସାମିଲ ଅଛନ୍ତି । ଏହାକୁ ନେଇ ଏନଡିଏ ପକ୍ଷରୁ ପ୍ରଶ୍ନ ଉଠାଯାଉଥିଲା ଯେ ବିହାରରେ ଇଣ୍ଡି ମେଣ୍ଟର ମୁଖ୍ୟମନ୍ତ୍ରୀ ଚେହେରା କିଏ ହେବ ? ଏହାର ଜବାବରେ ଲାଲୁ ଯାଦବଙ୍କ ଝିଅ ରୋହିଣୀ ଆଚାର୍ଯ୍ୟଙ୍କ ବୟାନ ବିବାଦୀୟ ହୋଇଛି ।
