ନୂଆଦିଲ୍ଲୀ,୧୬/୧୧: ଭାରୀତୟ କ୍ରିକେଟ ଦଳର ଅଧିନାୟକ ରୋହିତ ଶର୍ମାଙ୍କ ଘରକୁ ଆସିଲା ଖୁସି ଖବର । ଦ୍ବିତୀୟ ଥର ପାଇଁ ବାପା ହୋଇଛନ୍ତି ରୋହିତ । ତାଙ୍କ ପତ୍ନୀ ରିତିକା ଏକ ପୁତ୍ର ସନ୍ତାନକୁ ଜନ୍ମ ଦେଇଥିବା ଜଣାପଡିଛି । ପୂର୍ବରୁ ରୋହିତଙ୍କର ଗୋଟିଏ ଝିଅ ଥିଲା । ତାଙ୍କ ନାମ ସମାଇରା । ତାଙ୍କୁ ବର୍ତ୍ତମାନ ୬ ବର୍ଷ । ଦ୍ବିତୀୟ ସନ୍ତାନ ନେଇ ରୋହିତ ଅଫିସିଆଲି ସୂଚନା ଦେଇନାହାନ୍ତି ।
ରୋହିତ ଦ୍ବିତୀୟ ଥର ପିତା ହେବା ଖବର ତାଙ୍କ ପରିବାର ସହିତ ତାଙ୍କ ଫ୍ୟାନ୍ସଙ୍କ ପାଇଁ ଖୁସି ଆଣି ଦେଇଛି । ହିନ୍ଦୁସ୍ଥାନ ଟାଇମ୍ସ ରିପୋର୍ଟ ଅନୁସାରେ ଶୁକ୍ରବାର ରୋହିତଙ୍କ ପତ୍ନୀ ରିତିକା ଏକ ପୁତ୍ର ସନ୍ତାକୁ ଜନ୍ମ ଦେଇଛନ୍ତି । ୨୦୧୫ରେ ରେହିତ ଶର୍ମା ଓ ରିତିକା ବିବାହ କରିଥିଲେ ।
ଖବର ପ୍ରକାଶ ପାଇବା ପରେ ରୋହିତଙ୍କ ଶୁଭେଚ୍ଛା ଜଣାଇଛନ୍ତି ଫ୍ୟାନ୍ସ । ଜଣେ ଏକ୍ସ ୟୁଜର୍ସ କହିଛନ୍ତି, ଜୁନିୟର ହିଟମ୍ୟାନଙ୍କ ଆଗମନ ନେଇ ଶୁଭେଚ୍ଛା ରୋହିତ । ଭଗବାନ ସମସ୍ତଙ୍କ ମଙ୍ଗଳ କରନ୍ତୁ । ସେହିପରି ଆଉ ଜଣେ ଫ୍ୟାନ୍ସ ଲେଖିଛନ୍ତି ଭାରତୀୟ କ୍ରିକେଟ ଦଳଙ୍କୁ ସନ୍ତାନ ପ୍ରାପ୍ତି ହେବାର ସୌଭାଗ୍ୟ ମିଳୁଛି । ଅକୟ, ଅଗସ୍ତ ଓ ଅଙ୍ଗଦ । ଅଣ୍ଡର-୧୯ ଟିମ ପ୍ରସ୍ତୁତ ହେଉଛି ।
ଆଗକୁ ବର୍ଡର-ଗାଭାସ୍କର ଟ୍ରଫି ଆରମ୍ଭ ହେବାକୁ ଯାଉଛି । ଏ ନେଇ ଭାରତୀୟ ଦଳ ଅଷ୍ଟ୍ରେଲିଆରେ ପହଞ୍ଚି ଅଭ୍ୟାସ ଜାରି ରଖିଛନ୍ତି । କିନ୍ତୁ ରୋହିତ ଶର୍ମା ଏ ପର୍ଯ୍ୟନ୍ତ ଦଳ ସହ ଯୋଗ ଦେଇ ପାରି ନାହାନ୍ତି । ସେ ମୁମ୍ବାଇରେ ଅଭ୍ୟାସ ଜାରି ରଖିଛନ୍ତି । ତେବେ ଆଗାମୀ ଦିନରେ ସେ ଅଷ୍ଟ୍ରେଲିଆ ଗସ୍ତ କରିବେ ।
