ନୂଆଦିଲ୍ଲୀ,୨୧/୧ : ସୋସିଆଲ ମିଡ଼ିଆରେ ଏକ ଭିଡ଼ିଓ ଦ୍ରୁତଗତିରେ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ମହିଳା କଡ଼ା ସୁରକ୍ଷା ଡେଇଁ ଟିମ୍ ଇଣ୍ଡିଆର ପୂର୍ବତନ ଅଧିନାୟକ ରୋହିତ ଶର୍ମାଙ୍କ ନିକଟରେ ପହଞ୍ଚିଛନ୍ତି । ଏହା ଭାରତ ଏବଂ ନ୍ୟୁଜଲାଣ୍ଡ ମଧ୍ୟରେ ଖେଳାଯାଇଥିବା ତୃତୀୟ ଦିନିକିଆ ସମୟରେ ହୋଇଛି । ଭିଡ଼ିଓରେ ଦେଖିବାକୁ ମିଳିଛି କି ଜଣେ ମହିଳା ସୁରକ୍ଷା ପାର୍ କରି ଅଚାନକ ହିଟମ୍ୟାନଙ୍କ ହାତ ଧରୁଛନ୍ତି, କିନ୍ତୁ ଏହା ପଛରେ ଥିବା କାହାଣୀ ବଡ଼ ଦୁଃଖ ଭରା ଥିଲା ।
ଗଣମାଧ୍ୟମ ରିପୋର୍ଟ୍ସରେ କୁହାଯାଇଛି କି ଜଣେ ମହିଳା ରୋହିତ ଶର୍ମାଙ୍କ ପାଖରେ ଫ୍ୟାନ୍ ହୋଇ ସେଲ୍ଫି ନେବାକୁ ପହଞ୍ଚି ନ ଥିଲେ ବରଂ ମହିଳା ସାହାଯ୍ୟର ଗୁହାରୀ ଲଗାଇବା ଲାଗି ରୋହିତ ଶର୍ମାଙ୍କ ନିକଟକୁ ଯାଇଥିଲେ । କୁହଯାଇଛି କି ମହିଳାଙ୍କୁ ନିଜ ଝିଅର ଜୀବନ ବଞ୍ଚାଇବା ଲାଗି ୯କୋଟିର ଇଞ୍ଜେକଶନ ଆବଶ୍ୟକ ଅଟେ । ଆସନ୍ତୁ ଜାଣିବା ସମ୍ପୂର୍ଣ୍ଣ ମାମଲା…
ପ୍ରକାଶ ଯେ, ମହିଳାଙ୍କ ହେଲେ ସରିତା ଶର୍ମା। ସରିତା କହିଛନ୍ତି କି ତାଙ୍କ ଝିଅ, ଯାହାର ନାମ ଅନିକା ଅଟେ । ସେ ଏକ ଗମ୍ଭୀର ରୋଗରେ ଜଡ଼ିତ ହୋଇ ରହିଛନ୍ତି । ଝିଅର ଚିକିତ୍ସା ଲାଗି ୯କୋଟି ଟଙ୍କାର ଏକ ଇଞ୍ଜେକଶନର ଆବଶ୍ୟକ ରହିଛି । ଯାହା ଆମେରିକାରୁ ଆସିଥାଏ । ଏହା ବ୍ୟତୀତ ମହିଳା ଜଣଙ୍କ କହିଛନ୍ତି କି ସେ ଏବେ ପର୍ଯ୍ୟନ୍ତ କେତେକ କ୍ୟାମ୍ପ ଲଗାଇ ୪.୧କୋଟି ଟଙ୍କା ଏକଜୁଟ୍ କରିପାରିଛନ୍ତି । ମହିଳା ଜଣଙ୍କ କହିଛନ୍ତି କି ସେ ଗତ ଦିନରେ କ୍ରିକେଟରଙ୍କୁ ଭେଟି ସାହାଯ୍ୟର ଆଶା କରିଛନ୍ତି। ସରିତାଙ୍କ କହିବା ଅନୁସାରେ କ୍ରିକେଟର ସବୁବେଳେ ପିଲାମାନଙ୍କ ସାହାଯ୍ୟ କରିଥାନ୍ତି । ଯାହା ଫଳରେ ସେ ରୋହିତ ଶର୍ମା ଏବଂ ବିରାଟ କୋହଲୀଙ୍କୁ ଭେଟିବାକୁ ପ୍ରୟାସ କରିଛନ୍ତି ।
