ନୂଆଦିଲ୍ଲୀ, ୨୪/୦୭ :  ୪୯ ଯାତ୍ରୀଙ୍କୁ ନେଇ ଯାଉଥିବା ଋଷ ବିମାନ କ୍ରାସ୍। ଟାଇଣ୍ଡା ଏୟାରପୋର୍ଟର କିଛି କିଲୋମିଟର ଦୂର ଅମୁର ଅଞ୍ଚଳରେ ବିମାନଟି କ୍ରାସ୍ ହୋଇଯାଇଛି। ସମସ୍ତ ଯାତ୍ରୀଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି। ଟାଇଣ୍ଡା ବିମାନ ବନ୍ଦର ଠାରୁ ୧୬ କିଲୋମିଟର ଦୂର ଏକ ପାହାଡ଼ିଆ ଅଞ୍ଚଳରୁ ବିମାନର ଧ୍ଵଂସାବଶେଷ ଠାବ ହୋଇଛି। ଉଦ୍ଧାର କାର୍ଯ୍ୟ ଆରମ୍ଭ ହୋଇଛି। ଅବତରଣ ବେଳେ ତ୍ରୁଟି ଯୋଗୁଁ ପ୍ଲେନ୍ କ୍ରାସ୍ ହୋଇଥିବା ଅନୁମାନ କରାଯାଉଛି। 

ମିଡିଆ ରିପୋର୍ଟ ଅନୁଯାୟୀ, ଅଙ୍ଗାରା ଏୟାରଲାଇନ୍ସର An-24 ବିମାନ ଅମୁର ଅଞ୍ଚଳର ଟାଇଣ୍ଡା ଅଭିମୁଖେ ଯାଉଥିଲା। ବିମାନରେ ୪୩ ଜଣ ଯାତ୍ରୀଙ୍କ ସମେତ ୬ ଜଣ କ୍ରୁ ସଦସ୍ୟ ଥିଲେ। ସେମାନଙ୍କ ମଧ୍ୟରେ ୫ ଜଣ ଶିଶୁ ଥିଲେ। ଗନ୍ତବ୍ୟସ୍ଥଳର କିଛି କିଲୋମିଟର ଦୂର ଚୀନ ସୀମାରେ ବିମାନ ସହ ଏୟାର ଟ୍ରାଫିକ୍ କଣ୍ଟ୍ରୋଲର ସମସ୍ତ ଯୋଗାଯୋଗ ବିଛିନ୍ନ ହୋଇଯାଇଥିଲା। ବିମାନଟି ମଝି ଆକାଶରେ କ୍ରାସ୍ ହୋଇଯାଇଛି। ଟାଇଣ୍ଡା ବିମାନ ବନ୍ଦର ଠାରୁ ୧୬ କିଲୋମିଟର ଦୂର ଏକ ପାହାଡ଼ିଆ ଅଞ୍ଚଳରୁ ବିମାନର ଧ୍ଵଂସାବଶେଷ ଠାବ ହୋଇଛି। ସମସ୍ତ ଯାତ୍ରୀଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି। ଉଦ୍ଧାର କାର୍ଯ୍ୟ ଆରମ୍ଭ କରାଯାଇଛି। ଅବତରଣ ବେଳେ ତ୍ରୁଟି ଯୋଗୁଁ ପ୍ଲେନ୍ କ୍ରାସ୍ ହୋଇଥିବା ଅନୁମାନ କରାଯାଉଛି।