ନୂଆଦିଲ୍ଲୀ,୨୧/୧୨: ବେଶ କିଛି  ଦିନ ହେବ ରାଜସ୍ଥାନର ସୁଶୀଳା ମିନାଙ୍କ ବୋଲିଂ ଶୈଳୀ ସୋସିଆଲ ମିଡିଆରେ ଭାଇରାଲ  ହେଉଛି । କିମ୍ବଦନ୍ତୀ ସଚିନ ତେନ୍ଦୁଲକର ତାଙ୍କ  ବୋଲିଂ ଶୈଳୀ ଦ୍ୱାରା ପ୍ରଭାବିତ ହୋଇଛନ୍ତି ।  ସୁଶୀଳାଙ୍କ ଶୈଳୀକୁ ସେ ପୂର୍ବତନ ଦ୍ରୁତ  ବୋଲର ଜାହିର ଖାନଙ୍କ ସହ ତୁଳନା କରିଛନ୍ତି ।  

ସୁଶୀଳାଙ୍କ ଘର ରାଜସ୍ଥାନର ଏକ  ଗ୍ରାମରେ । ଏତେ ଛୋଟ ବୟସରୁ ସେ ଯେଉଁଭଳି  ବୋଲିଂ କରୁଛନ୍ତି ତାହା ସମସ୍ତଙ୍କୁ ପ୍ରଭାବିତ  କରିଛି । କ୍ରିକେଟର ଭଗବାନ ସଚିନଙ୍କୁ ଭିଡିଓଟି  ଭଲ ଲାଗିଛି । ସେ ଏହାକୁ ନିଜର ସୋସିଆଲ  ମିଡିଆ ହ୍ୟାଣ୍ଡେଲରେ ପୋଷ୍ଟ କରିଛନ୍ତି ।  ସଚିନ ଲେଖିଛନ୍ତି, ‘ଦେଖିବାକୁ ସହଜ,  ସରଳ ଓ ବେଶ ସୁନ୍ଦର ଲାଗୁଛି । ସୁଶୀଳାଙ୍କ  ବୋଲିଂ ଶୈଳୀ ତୁମ (ଜାହିର) ଭଳି ।’