ନୂଆଦିଲ୍ଲୀ,୧୯/୧୦: ଏନସିପି ନେତା ବାବା ସିଦ୍ଦିକିଙ୍କୁ ହତ୍ୟା କରାଯିବା ପରେ ସଲମାନ ଖାନଙ୍କ ସୁରକ୍ଷା କଡ଼ାକଡ଼ି କରାଯାଇଛି। ବାବା ସିଦ୍ଦିକିଙ୍କ ହତ୍ୟା ସଲମାନ ଖାନ ଏବଂ ଲରେନ୍ସ ବିଷ୍ଣୋଇଙ୍କ ମଧ୍ୟରେ ଶତ୍ରୁତା ସହ ଜଡ଼ିତ। ତେବେ ସିଦ୍ଦିକିଙ୍କ ହତ୍ୟା ପରେ ସଲମାନଙ୍କୁ ବାରମ୍ବାର ହତ୍ୟା ଧମକ ଆସିବା ଯୋଗୁ ତାଙ୍କ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ତମାମ ଘଟଣା ଭିତରେ ସଲମାନ ଖାନଙ୍କ ପିତା ତଥା ସ୍କ୍ରିପ୍ଟ ଲେଖକ ସଲିମ ଖାନ ଏହି ଦାବିକୁ ପ୍ରତ୍ୟାଖ୍ୟାନ କରିଛନ୍ତି। ଲରେନ୍ସ ବିଷ୍ଣୋଇଠାରୁ ମିଳିଥିବା ଧମକ ଉପରେ ସଲିମ ଖାନ ମଧ୍ୟ ପ୍ରତିକ୍ରିୟା ଦେଇଛନ୍ତି।
ଜତୀୟ ଗଣମାଧ୍ୟମ ସହିତ ଆଲୋଚନା ବେଳେ ସଲିମ ଖାନ ସଲମାନଙ୍କୁ ମୃତ୍ୟୁ ଧମକ ବିଷୟରେ କହିଥିଲେ। ତେବେ ସେତେବେଳେ ସଲିମ ଖାନଙ୍କ ଆଖିରେ ଲୁହ ଦେଖିବାକୁ ମିଳିଥିଲା। ସେ କହିଥିଲେ- 'ଆଜି ସବୁକିଛି ସମାଧାନ କର, ତୁମେ ପରେ ସୁଯୋଗ ପାଇବ କିମ୍ବା ନ ପାଇବ।' ଲୋକମାନେ ଏଠାରେ ସେଠାରେ କହୁଛନ୍ତି ଯେ' ଆମେ ଛାଡ଼ିବୁ ନାହିଁ।' କେହି ଜଣେ ସଫଳ ହେବେ। ମୁଁ କାହାକୁ ଭୟ କରେ ନାହିଁ, ମୁଁ ବହୁତ ଆଶ୍ବସ୍ତି ଅଛି, କୌଣସି ଅସୁବିଧା ନାହିଁ।
କୌଣସି ପ୍ରକାରର ଟେନସନ ଅଛି କି ନାହିଁ ବୋଲି ପ୍ରଶ୍ନ କରିବାକୁ ସଲିମ ଖାନ କହିଛନ୍ତି- 'ଆଗରୁ ଯେଉଁ ସ୍ବାଧିନତା ଥିଲା, ତାହା ନାହିଁ, ଆମକୁ କୁହାଯାଉଛି ଯେ, ଏଠାକୁ ଯାଅନି, ସେଠାକୁ ଯାଅନି, ଏମିତି କରନି, ସେମିତି କରନି। ତେଣୁ ପୁଲିସ ଯାହା କହୁଛନ୍ତି, ତାହା କରିବାକୁ ପଡ଼ୁଛି। ମୁଁ ସମ୍ପୁର୍ଣ୍ଣ ଠିକ ଅଛି। ତଥାପି ପୁଲିସର କହିବା ଅନୁସାରେ, ଆମେ ବାହାରକୁ ଯାଉନାହୁଁ, କାରଣ ଅଭିଯୁକ୍ତମାନେ ଯେକୌଣସି ସ୍ଥାନରୁ ଗୁଳି କରିପାରନ୍ତି।' ତେବେ ତମାମ ଆଲୋଚନା ଭିତରେ ସଲମାନ ଖାନଙ୍କ ପିତା ସଲିମ ଖାନ ମଧ୍ୟ ସ୍ପଷ୍ଟ କରିଛନ୍ତି ଯେ ବାବା ସିଦ୍ଦିକିଙ୍କ ହତ୍ୟା ସହିତ ସଲମାନ ଖାନଙ୍କର କୌଣସି ସମ୍ପର୍କ ନାହିଁ। ସେ କହିଛନ୍ତି- 'ମୁଁ ଭାବୁନାହିଁ ଯେ ତାଙ୍କର ଏଥି ସହିତ କିଛି ସମ୍ପର୍କ ଅଛି।
