ସମ୍ୱଲପୁର, ୧୩।୪: ସମ୍ବଲପୁର ପୋଲିସର ଏନକାଉଣ୍ଟର । ଦୁର୍ଦ୍ଦାନ୍ତ ଅପରାଧି ସୀତାରାମ ଷଡ଼ଙ୍ଗୀକୁ ଏନକାଉଣ୍ଟର କଲା ସମ୍ବଲପୁର ଗୋବିନ୍ଦପୁର ଥାନା ପୋଲିସ । ଗୋବିନ୍ଦପୁର ଥାନା ରଙ୍ଗଟିକିରା ଗାଁ ନିକଟରେ ଏନକାଉଣ୍ଟର କଲା ପୋଲିସ । ଭୋର ୫ଟା ୧୫ ସମୟରେ ଏନକାଉଣ୍ଟର କରିଛି ପୋଲିସ । ସୀତାରାମ ନାଁରେ ଡକାୟତି, ଚୋରି, ହତ୍ଯା ଉଦ୍ଯମ ପରି ୨୫ରୁ ଉର୍ଦ୍ଧ୍ବ ମାମଲା ରହିଛି ।
ପୋଲିସ ରବିବାର ସକାଳେ ଗିରଫ କରିବାକୁ ଯାଇଥିବାବେଳେ ଗିରଫଦାରୀ ଏଡ଼ାଇବାକୁ ଯାଇ ପୋଲିସ ଉପରକୁ ଗୁଳି ଚାଳନା କରିଥିଲା । ଫଳରେ ପୋଲିସ ଆତ୍ମରକ୍ଷା କରିବା ସହ ଏନକାଉଣ୍ଟର କରିଛି । ସୀତାରାମର ବାମ ଗୋଡରେ ଗୁଳି ବାଜିଥିବାବେଳେ ପ୍ରଥମେ କୁଚିଣ୍ଡା ଓ ପରେ ଭୀମସାରରେ ଭର୍ତ୍ତି କରାଯାଇଛି । ଅଭିଯୁକ୍ତଠାରୁ ଗୋଟିଏ ବନ୍ଧୁକ, ଗୋଟିଏ ଜୀବନ୍ତ ଗୁଳି, ୨ଟି ଖୋକା, ୧ଲକ୍ଷ ଟଙ୍କା, ଗୋଟିଏ ବାଇକ ଜବତ କରିଛି ପୋଲିସ ।
