ବଲାଙ୍ଗିର, ୦୨/୦୬ : ଶୀତଳ ଷଷ୍ଠୀ ସହର ପାଇଁ ବଲାଙ୍ଗିର ସହର ଉତ୍ସବ ମୁଖର। ଖୁବ୍ ଆଡ଼ମ୍ଵରରେ ସମ୍ପନ୍ନ ହୋଇଛି ଦେବ ଦେବ ମହାଦେବ ଓ ମାତା ପାର୍ବତୀଙ୍କ ବାହାଘର। ଆଜି ମନ୍ଦିର ଫେରୁଛନ୍ତି ଦେବ ଦମ୍ପତି। ଏଥିପାଇଁ ବିରାଟ ଶୋଭାଯାତ୍ରାର ଆୟୋଜନ ହୋଇଛି। ସହରର ରାଧାରାଣୀ ପଡ଼ା, ଏବିଏସଏସ, ବିବିଏସଏସ, ସାଗର ପଡ଼ା, ଗାନ୍ଧୀ ନଗର ପଡ଼ା ପୂଜା କମିଟି ପକ୍ଷରୁ ଶୋଭାଯାତ୍ରା କରାଯାଇଛି।
ଏହି ଶୋଭାଯାତ୍ରାରେ ଆଦିବାସୀ ନୃତ୍ୟ, ସିଙ୍ଘ ନୃତ୍ୟ, ମୟୂର ନାଚ, ବାଘ ଓ ମାଙ୍କଡ ନାଚ ସହ ଅପରେସନ ସିନ୍ଦୁରର ଭଳି ପ୍ରଜ୍ଞାପନ ମେଢ଼ ଦେଖିବାକୁ ମିଳିଛି। ଲୋକଙ୍କ ଭିଡ଼କୁ ନଜରରେ ରଖି ଜଣେ ଏଏସପିଙ୍କ ନେତୃତ୍ଵରେ ଦୁଇ ଡିଏସପି, ୩୦ ଅଧିକାରୀ, ସାଢେ ୫ ପ୍ଲାଟୁନ ଫୋର୍ସ ଏବଂ ୧୦୦ ରୁ ଅଧିକ ହୋମଗାର୍ଡ ମୁତୟନ ହୋଇଛନ୍ତି। ଶୋଭାଯାତ୍ରା ଦେଖିବାକୁ ପ୍ରବଳ ଭିଡ଼ ପରିଲକ୍ଷିତ ହେଉଛି।
