ନୂଆଦିଲ୍ଲୀ ୨୭/୦୨: ମହାକୁମ୍ଭରେ ସନାତନୀ ମହାଘଡ଼ି ଚର୍ଚ୍ଚାରେ ରହିଥିଲା । ଏହାକୁ ପ୍ରୟାଗରାଜର କିଡ୍ଗଞ୍ଜ ବାସିନ୍ଦା ପବନ ଶ୍ରୀବାସ୍ତବ ପ୍ରସ୍ତୁତ କରିଛନ୍ତି । ନାମ ଦେଇଛନ୍ତି ପ୍ରମୁଦ ଘଟିକା । ଏଥିରେ ପୌରାଣିକ ସମୟ ମାପିବାର ଏକକ ଯଥା ପ୍ରହର, ମୁହୂର୍ତ୍ତ ସହିତ ଆଧୁନିକ ସମୟ ମାପିବାର ଏକକ ଘଣ୍ଟା, ମିନିଟ୍କୁ ଏକସଙ୍ଗରେ ଦର୍ଶାଯାଇଛି ।
ପବନ ଶ୍ରୀବାସ୍ତବ କହିଛନ୍ତି, ଏହା ହେଉଛି ସନାତନୀ ଘଡି । ଅଦ୍ୟାବଧି ମହାକୁମ୍ଭରେ ମୁଁ ଏକ ଲକ୍ଷ ଟଙ୍କାରୁ ଅଧିକ ମୂଲ୍ୟର ପ୍ରମୁଦ ଘଟିକା ବିକ୍ରି କରିଛି । ନିଜ ଆପଣାର ଲୋକଙ୍କୁ ଉପହାର ଦେବା ଲାଗି ଲୋକେ ମେଳା କ୍ଷେତ୍ରରୁ ଏହାକୁ କିଣୁଥିବା ସେ ପ୍ରକାଶ କରିଛନ୍ତି ।
