ମୁମ୍ବାଇ,୧୭/୧୦: ସାରା ଅଲି ଖାନ ଖୁବ୍ କମ ଦିନ ଭିତରେ ବଲିଉଡ ର ଜଣେ ଶ୍ରେଷ୍ଠ ଅଭିନେତ୍ରୀ ତାଲିକାରେ ସାମିଲ ହୋଇପାରିଛନ୍ତି। ସାରା ଚଳଚ୍ଚିତ୍ର ଠାରୁ ଆରମ୍ଭ କରି ସୋସିଆଲ ମିଡିଆ ରେ ପର୍ଯ୍ୟନ୍ତ ସବୁଥିରେ ଖୁବ ସକ୍ରିୟ ନଜର ଆସନ୍ତି। ଅଭିନୟ ତଥା ସ୍ମାର୍ଟନେସ୍ ପାଇଁ ଜଣାଶୁଣା ଏହି ଅଭିନେତ୍ରୀ ବର୍ତ୍ତମାନ ମୁମ୍ବାଇରେ ନିଜର ଏକ ପ୍ରପର୍ଟି କିଣିଥିବା କୁହାଯାଉଛି ।।ସାରା ମୁମ୍ବାଇର ଆନ୍ଧେରି ୱେଷ୍ଟରେ ଦୁଇଟି ଅଫିସ୍ ସ୍ପେସ୍ କିଣିଛନ୍ତି। ଯାହାର ମୂଲ୍ୟ ଆପଣଙ୍କୁ ଚକିତ କରି ଦେବ ।
ତେବେ ସୈଫ ଅଲି ଖାନଙ୍କ ଲାଡଲୀ ସାରା ମୁମ୍ବାଇର ଆନ୍ଧେରି ୱେଷ୍ଟରେ ୨୨.୨୬ କୋଟିରେ ଅଫିସ ପାଇଁ ଦୁଇଟି ପ୍ରପର୍ଟି କିଣିଛନ୍ତି। ସେ କିଣିଥିବା ଅଫିସ୍ ସ୍ପେସ୍ ଚୁକ୍ତି ମୂଲ୍ୟ ୧୧.୧୩ କୋଟି ଟଙ୍କା । ସାରା ଏଥିପାଇଁ ପ୍ରାୟ ୬୬.୮ ଲକ୍ଷ ଟଙ୍କା ଷ୍ଟାମ୍ପ ଡ୍ୟୁଟି ଦେଇଛନ୍ତି। ପ୍ରତ୍ୟେକ ୟୁନିଟର କ୍ଷେତ୍ର ପ୍ରାୟ ୨.୦୯୯ ବର୍ଗଫୁଟ ହୋଇଥିବାବେଳେ କାର୍ପେଟର କ୍ଷେତ୍ର ୧୯୦୫ ବର୍ଗଫୁଟ । ଏହି ଅଫିସ୍ ସ୍ପେସ୍ ଗୁଡିକରେ ତିନୋଟି କାର୍ ପାର୍କିଂର ସୁବିଧା ମଧ୍ୟ ଅଛି । ଏହା ୧୦ ଅକ୍ଟୋବର ୨୦୨୪ରେ ପଞ୍ଜୀକୃତ ହୋଇଥିଲା ।
ସୂଚନାଯୋଗ୍ୟ ଯେ, ସାରା ପ୍ରଥମ ଥର ପାଇଁ ଏଭଳି ଅଫିସ୍ ସ୍ପେସ୍ କିଣି ନାହାନ୍ତି। ଗତ ବର୍ଷ ସାରା ଏବଂ ତାଙ୍କ ମା ଅମୃତା ସିଂ ଉକ୍ତ କୋଠାର ଚତୁର୍ଥ ମହଲାରେ ଏକ ଅଫିସ୍ ସ୍ପେସ୍ କିଣିଥିଲେ । ଯାହାର ମୂଲ୍ୟ ୯ କୋଟି ଟଙ୍କା ଥିଲା। ସେହି ସମ୍ପତ୍ତିରେ ତିନୋଟି କାର୍ ପାର୍କିଂ ସ୍ଥାନ ମଧ୍ୟ ଅନ୍ତର୍ଭୁକ୍ତ ହୋଇଥିଲା । ସାରାଙ୍କ ଏହି ଖବର ତାଙ୍କ ପ୍ରଶଂସକଙ୍କୁ ବହୁତ ଉତ୍ସାହିତ କରିଛି | ସେ ତାଙ୍କ ସଫଳତା ପାଇଁ ବହୁତ ଖୁସି ଏବଂ ତାଙ୍କୁ ବହୁତ ପ୍ରଶଂସା ମଧ୍ୟ କରୁଛନ୍ତି । ତେବେ ଏପର୍ଯ୍ୟନ୍ତ ସାରା ଏବଂ ତାଙ୍କ ମା’ଙ୍କଠାରୁ କୌଣସି ଅଫିସିଆଲ ବିବୃତ୍ତି ଆସିନାହିଁ। ବର୍ତ୍ତମାନ ସାରା ଅଲି ଖାନ ତାଙ୍କ କାର୍ଯ୍ୟାଳୟ ମାଧ୍ୟମରେ ତାଙ୍କର ସମସ୍ତ କାର୍ଯ୍ୟ ଉପରେ ନଜର ରଖିବାକୁ ଯାଉଛନ୍ତି ।
