ଭୁବନେଶ୍ୱର ୧୨/୦୩: ଦିଗପହଣ୍ଡିରେ ଭୟଙ୍କର ସଡ଼କ ଦୁର୍ଘଟଣା। ଟ୍ରାକ୍ଟର-ସ୍କୁଲ ବସ୍ ମୁହାଁମୁହିଁ ଧକ୍କା। ଦୁର୍ଘଟଣା ପରେ ମଝି ରାସ୍ତାରେ ଓଲଟିଲା ଟ୍ରାକ୍ଟର। ବସ୍ର ସମ୍ମୁଖ ଭାଗ ଭାଙ୍ଗି ଚୁର୍ମାର୍ ହୋଇଗଲା। ୫ ଜଣ ଛାତ୍ର ସାମନ୍ୟ ଆହତ ହୋଇଥିବା ଜଣାପଡିଛି। ବସ୍ ଭିତରେ ଚାପି ରହିଥିବା ଡ୍ରାଇଭର ଏବଂ ଫଶି ରହିଥିବା ପିଲାଙ୍କୁ ଉଦ୍ଧାର ପାଇଁ ଉଦ୍ୟମ ଚାଲିଛି। ଘଟଣାସ୍ଥଳରେ ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ରେସ୍କ୍ୟୁ ଅପରେସନ୍ ଜାରି ରଖିଛି।
ସୂଚନା ଅନୁଯାଇ,ଆଜି ସକାଳେ ଏକ ଘରୋଇ ସ୍କୁଲ ବସ୍ ନମ୍ବର( ଓଆର୍ ୦୭ କ୍ୟୁ ୪୮ ୦୫) ଛାତ୍ରଛାତ୍ରୀଙ୍କୁ ନେଇ ଯାଉଥିଲା। ସେହି ସମୟରେ ବିପରୀତ ଦିଗରୁ ମାଡି ଆସିଥିଲା ଟ୍ରାକ୍ଟର। ହଠାତ୍ ବସ୍ ସମ୍ମୁଖ ଭାଗକୁ ଜୋରଦାର୍ ଧକ୍କା ଦେଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ବସ୍ ଭିତ ଚାଳକ ଜଣ ଚାପି ହୋଇ ରହିଯାଇଥିଲେ। କିଛି ପିଲା ସାମାନ୍ୟ ଆହତ ହୋଇଛନ୍ତି। ଟ୍ରାକ୍ଟର ଡାଲାଟି ମଝି ରାସ୍ତାରେ ଓଲଟିପଡିଥିଲା । ସ୍ଥାନୀୟଲୋକ ପ୍ରଥମେ ଏକ ଜେସିବି ସାହାର୍ଯ୍ୟ ବସ୍ ଭିତରୁ ଡ୍ରାଇଭରଙ୍କୁ ଉଦ୍ଧାର କରିବାକୁ ପ୍ରୟାସ ଆରମ୍ଭ କରିଥିଲେ। ପରେ ଏନେଇ ସ୍ଥାନୀୟ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା ଘଟଣାସ୍ଥଳରେ ଅଗ୍ନିଶମ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। ତେବେ ବସ୍ରେ କେତେ ଜଣ ଛାତ୍ରଛାତ୍ରୀ ଥିଲେ ସଠିକ୍ ତଥ୍ୟ ମିଳିପାରିନାହିଁ। ଆହୁରି ଆହତଙ୍କ ସଂଖ୍ୟା ବଢ଼ିପାରେ ବୋଲି ସନ୍ଦେହ କରାଯାଉଛି।
