ନୂଆଦିଲ୍ଲୀ,୧୪।୧୦: ପାକିସ୍ତାନରେ ଗୃହଯୁଦ୍ଧ ଭଳି ସ୍ଥିତିରେ ଏସ୍ସିଓ ସମ୍ମିଳନୀ ଆୟୋଜନ ହେଉଛି। ଶଙ୍ଘାଇ ହୟୋଗ ସଂଗଠନର ଏହି ଶିଖର ସମ୍ମିଳନୀରେ ବହୁ ଦେଶର ପ୍ରତିନିଧି ସାମିଲ ହେବେ। ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କର ମଧ୍ୟ ଏହି ସମ୍ମିଳନୀରେ ଭାଗ ନେବାକୁ ଯାଉଛନ୍ତି। ସେଭଳି ପାକିସ୍ତାନରେ ଏହାର ଆୟୋଜନ କରାଯିବା ବହୁତ ବଡ ଚ୍ୟାଲେଞ୍ଜ। ପାକିସ୍ତାନର ସୁରକ୍ଷାକୁ ନେଇ ଦୀର୍ଘ ସମୟ ହେବ ପ୍ରଶ୍ନ ଉଠୁଛି।
ପାକିସ୍ତାନ ଲଗାତାର ଭାବରେ ଆତଙ୍କବାଦୀଙ୍କୁ ସୁରକ୍ଷା ଦେଉଛି, ଯାହାକି ଏବେ ତା ପାଇଁ ବଡ଼ ବିପଦର କାରଣ ପାଲଟିଛି। ପାକିସ୍ତାନରେ ପ୍ରତିଦିନ ପୋଲିସ ଓ ସେନା ଉପରେ ଆତଙ୍କବାଦୀ ଆକ୍ରମଣ ହେଉଛି। ନିକଟରେ ପାକିସ୍ତାନରେ ହିଂସା ଦୃତ ଗତିରେ ବଢିଛି। ବେଲୁଚିସ୍ତାନରେ ହିଁ ବହୁସଂଖ୍ୟାରେ ଲୋକଙ୍କୁ ହତ୍ୟା କରାଯାଉଛି। ସେଭଳି ପାକିସ୍ତାନର ସବୁଠାରୁ ବଡ଼ ସହର କରାଚୀରେ ଚୀନ୍ ନାଗରିକଙ୍କ ଜୀବନ ନେଉଛନ୍ତି।
ପାକିସ୍ତାନର ଗୋଟିଏ ଭାଗ ସ୍ବାଧିନତା ମାଗୁଛି। ଆଉ ଏହା ଦିନକୁ ଦିନ ଅଧିକ ହେବାରେ ଲାଗିଛି। ବିଶେଷଜ୍ଞଙ୍କ କହିବା ଅନୁସାରେ, ବେଲୁଚିସ୍ତାନର ଲିବରେସନ୍ ଆର୍ମିକୁ ପାକିସ୍ତାନୀ ତାଲିବାନରୁ ସାହାଯ୍ୟ ମିଳୁଛି। ତେବେ ଆକ୍ରମଣ ସେମାନେ ମିଶିକି କରନ୍ତି ନାହିଁ। ଏସ୍ସିଓ ବୈଠକକୁ ଦେଖି ପୁରା ଇସଲାମାବାଦରେ ପୋଲିସ ଛାଉଣୀ ବଢି ଯାଇଛି। କୌଣସି ବାହନ ବିନା ଚେକିଂରେ ଯିବା ଆସିବା ଉପରେ କଟକଣା ଲଗାଯାଇଛି।
