ନୂଆଦିଲ୍ଲୀ: ଭାରତୀୟ ଦଣ୍ଡବିଧି ସଂହିତା (ଆଇପିସି)ର ଧାରା 498A ର ଅପବ୍ୟବହାରକୁ ନେଇ ସୁପ୍ରିମକୋର୍ଟ ମଙ୍ଗଳବାର ଦିନ ଉଦବେଗ ପ୍ରକାଶ କରିଛନ୍ତି। ଯାହାକି ବିବାହିତା ମହିଳାଙ୍କ ବିରୁଦ୍ଧରେ ସ୍ୱାମୀ ଏବଂ ସେମାନଙ୍କ ସମ୍ପର୍କୀୟଙ୍କ ଦ୍ୱାରା ନିର୍ଦ୍ଦୟତାକୁ ଦଣ୍ଡିତ କରିଥାଏ।

ଜଷ୍ଟିସ୍ ବି.ଭି ନାଗରତନା ଏବଂ ଜଷ୍ଟିସ୍ ଏନ କୋଟିଶ୍ୱର ସିଂଙ୍କ ଖଣ୍ଡପୀଠ କହିଛନ୍ତି ଯେ, ବେଳେବେଳେ ଏହି ବ୍ୟବସ୍ଥା, ଯାହାର ମୂଳ ଉଦ୍ଦେଶ୍ୟ ହେଉଛି ମହିଳାଙ୍କୁ ଘରୋଇ ହିଂସା ତଥା ନିର୍ଯ୍ୟାତନା ଠାରୁ ରକ୍ଷା କରିବା ।  କିଛି ମହିଳା ସେମାନଙ୍କ ସ୍ୱାମୀ ଏବଂ ତାଙ୍କ ପରିବାର ପାଇଁ ଅଯୌକ୍ତିକ ଦାବି ପୂରଣ କରିବାକୁ ବାଧ୍ୟ କରି ଶୋଷଣ କରାଯାଉଛି । ଅଦାଲତ କହିଛନ୍ତି ଯେ, ବେଳେବେଳେ ପତ୍ନୀଙ୍କ ଅଯୌକ୍ତିକ ଦାବି ପୂରଣ କରିବା ପାଇଁ ସ୍ୱାମୀ ଏବଂ ତାଙ୍କ ପରିବାର ବିରୋଧରେ ଆଇପିସିର ଧାରା 498Aର ସାହାରା ନିଆଯାଇଥାଏ। 

କୋର୍ଟ କହିଛନ୍ତି ଯେ ସ୍ୱାମୀ ଏବଂ ତାଙ୍କ ପରିବାର ବିରୋଧରେ ବ୍ୟକ୍ତିଗତ ପ୍ରତିଶୋଧକୁ ପ୍ରୋତ୍ସାହନ ଦେବା ପାଇଁ ମହିଳା ମାନଙ୍କୁ ଏହି ବ୍ୟବସ୍ଥାକୁ ବ୍ୟବହାର କରିବା ପାଇଁ ଏକ ପ୍ରବୃତ୍ତି ରହିଛି । ଏହି ନିଷ୍ପତ୍ତିରେ କୁହାଯାଇଛି ଯେ, ନିକଟ ଅତୀତରେ ସାରା ଦେଶରେ ବୈବାହିକ ବିବାଦରେ ଉଲ୍ଲେଖନୀୟ ବୃଦ୍ଧି ଘଟିଛି, ଏଥି ସହିତ ବିବାହ ପ୍ରତିଷ୍ଠାନ ମଧ୍ୟରେ ମତଭେଦ ତଥା ତିକ୍ତତା ବଢିଥିଲା। ବିବାହ ବିବାଦ ସମୟରେ ଅସ୍ପଷ୍ଟ ତଥା ସାଧାରଣ ଅଭିଯୋଗ କରି ଆଇପିସିର ଧାରା 498A ପରି ବ୍ୟବସ୍ଥାର ଅପବ୍ୟବହାର କରିବାର ପ୍ରବୃତ୍ତି ବଢୁଛି, ଯାହା ଯାଞ୍ଚ କରା ନ ଗଲେ ଆଇନଗତ ପ୍ରକ୍ରିୟାର ଅପବ୍ୟବହାର ହେବ। ପତ୍ନୀ ତାଙ୍କ ସ୍ୱାମୀ ଏବଂ ଶ୍ବଶୂର ଘର ଲୋକଙ୍କ ବିରୋଧରେ ଦାଖଲ କରିଥିବା ନିଷ୍ଠୁରତା ଏବଂ ଯୌତୁକ ମାମଲାକୁ ଖାରଜ କରି କୋର୍ଟ ଏହି ନିରୀକ୍ଷଣ କରିଛନ୍ତି। ତେବେ ସ୍ୱାମୀ ଏବଂ ତାଙ୍କ ପରିବାର ସଦସ୍ୟଙ୍କ ଦ୍ୱାରା ଦାଖଲ ହୋଇଥିବା ମାମଲାକୁ ତେଲେଙ୍ଗାନା ହାଇକୋର୍ଟ ଖାରଜ କରିବାକୁ ମନା କରିଦେଇଥିବା ଆବେଦନ ଉପରେ ଏହି ଶୁଣାଣି ସୁପ୍ରିମକୋର୍ଟ କରିଛନ୍ତି । ସ୍ୱାମୀ ଛାଡପତ୍ର ପାଇଁ ଆବେଦନ କରିଥିବା ବେଳେ ପତ୍ନୀ ତାଙ୍କ  ସ୍ୱାମୀ ଏବଂ ଶ୍ବଶୂରଙ୍କ ବିରୋଧରେ ଉପରୋକ୍ତ ମାମଲା ଦାୟର କରିଥିଲେ।

ତେବେ ଆବେଦନ ଉପରେ ବିଚାର କରିବା ପରେ ସୁପ୍ରିମକୋର୍ଟ କହିଥିଲେ ଯେ ପତ୍ନୀଙ୍କ ଦ୍ବାରା ଦାଖଲ ହୋଇଥିବା ମାମଲା ଗୁଡ଼ିକ ବ୍ୟକ୍ତିଗତ ଅସନ୍ତୋଷ ଏବଂ ଅଭିଯୋଗର ସମାଧାନ ଅଟେ ଏବଂ ପତ୍ନୀ ତାଙ୍କୁ ସୁରକ୍ଷା ଦେବା ପାଇଁ ଉଦ୍ଦିଷ୍ଟ ବ୍ୟବସ୍ଥାର ଅପବ୍ୟବହାର କରୁଛନ୍ତି।