ଭୁବନେଶ୍ୱର, ୧୩/୦୨: ସିରିଜ୍ ଦୁର୍ଘଟଣା ଘଟାଇ ଫେରାର୍ ହେଲା କାର୍ । ଦୁର୍ଘଟଣାରେ ଜଣେ ମହିଳାଙ୍କ ଜୀବନ ଚାଲିଯାଇଥିବା ବେଳେ ଆଉ ଜଣେ ମହିଳାଙ୍କ ସହ ଜଣେ ବାଇକ୍ ଆରୋହୀ ଗୁରୁତର ହୋଇଛନ୍ତି । ମୃତକ ଆମ୍ବଗଡିଆ ଗାଁର ସାଧବ ଜେନା ଏବଂ କୁମୁଦିନି ଜେନାଙ୍କ ସହ ବାଇକ୍ ଆରୋହୀ ଦଧିବାମନପୁର ଗାଁର ବ୍ୟାଙ୍କ କର୍ମଚାରୀ ତପନ ଜେନା ଏହି ଦୁର୍ଘଟଣାରେ ଗୁରୁତର ହୋଇଥିବା ଜଣାପଡିଛି । କେନ୍ଦୁଝର ଜିଲ୍ଲା ଆନନ୍ଦପୁର -ଭଦ୍ରକ ରାସ୍ତାର ଆମ୍ବଗଡିଆ ଛକ ଠାରେ ଏଭଳି ଏକ ଦୁର୍ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଆନନ୍ଦପୁର -ଭଦ୍ରକ ରାସ୍ତାର ଆମ୍ବଗଡିଆ ଛକ ଠାରେ ପ୍ରଥମେ ଜଣେ ବାଇକ୍ ଆରୋହୀଙ୍କୁ ଧକ୍କା ଦେଇଥିଲା କାର୍ । ପରେ ରାସ୍ତାରେ ଚାଲି ଚାଲି ଯାଉଥିବା ୨ଜଣ ମହିଳାଙ୍କୁ ଧକ୍କା ଦେଇ ଭଦ୍ରକ ଅଭିମୁଖେ କାର୍ଟି ଦ୍ରୁତ ଗତିରେ ପଳାଇଲା । ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ମହିଳା ଓ ବାଇକ୍ ଆରୋହୀ ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଆନନ୍ଦପୁର ପୋଲିସ ପହଞ୍ଚି ଆହତଙ୍କୁ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଛି । ଏହା ମହିଳାଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦୁର୍ଘଟଣା ଘଟାଇଥିବା କାର୍କୁ ଖୋଜୁଛି ଆନନ୍ଦପୁର ପୋଲିସ।
