ମୁମ୍ୱାଇ : ବଲିଉଡ୍ର ଅନେକ ଏମିତି ଅଭିନେତା ଅଛନ୍ତି , ଯିଏକି ସକ୍ସେସଫୁଲ ଫିଲ୍ମ ଦେବା ପରେ ମଧ୍ୟ ଫିଲ୍ମ ଦୁନିଆରେ କେଉଁଠି ଲୁଚି ରହି ଯାଇଛନ୍ତି। ସେମାନଙ୍କ ମଧ୍ୟରୁ ଜଣେ ଶାହରୁଖ ଖାନଙ୍କ କୋ-ଷ୍ଟାର ଭାବେ ମଧ୍ୟ ଜଣାଶୁଣା। ଶାହରୁଖ ଖାନଙ୍କ ହିଟ୍ ଫିଲ୍ମର କଥା ଯଦି କହିବା ତ , କାଜୋଲ ଓ ଶିଳ୍ପା ଶେଟ୍ଟୀଙ୍କ ସହ ତାଙ୍କର ଫିଲ୍ମ ବାଜିଗର ମଧ୍ୟ ବକ୍ସ ଅଫିସରେ ଖୁବ୍ ଧମାକାଦାର ଆୟ କରିଥିଲା। ଏହି ଫିଲ୍ମ ପର ଠାରୁ ସବୁ ଷ୍ଟାରଙ୍କୁ ସ୍ୱତନ୍ତ୍ର ପରିଚୟ ମିଳି ଥିଲା, କିନ୍ତୁ ଏଥିରୁ ଜଣେ ଅଭିନେତାଙ୍କୁ ଫିଲ୍ମର ରିଲିଜ ହେବା ପରେ ମଧ୍ୟ ଖୁବ୍ ଅସୁବିଧାର ସାମ୍ନା କରିବାକୁ ପଡ଼ି ଥିଲା।
ଆମେ ଯାହାଙ୍କ କଥା କହୁଛୁ , ସେ ଆଦି ଇରାନୀ , ଯିଏକି ଫିଲ୍ମରେ ଭିକି ମଲହୋତ୍ରାଙ୍କ ଚରିତ୍ର କରି ଥିଲେ। ଆଦି କେବଳ ବାଜିଗରରେ ନୁହେଁ , ବରଂ ୧୯୯୩ରେ ଆସିଥିବା ଫିଲ୍ମ ଅନାଡିର ମଧ୍ୟ ସଦସ୍ୟ ରହିଛନ୍ତି। ଅଭିନେତା ନିକଟରେ ଏକ ଇଣ୍ଟରଭ୍ୟୁରେ କହିଥିଲେ ଯେ ବାଜିଗରର ହିଟ୍ ହେବା ପରେ ମଧ୍ୟ ଅର୍ଥାଭାବ ତାଙ୍କ ପିଛା ଛାଡ଼ି ନଥିଲା। ଅଭିନେତା କହିଛନ୍ତି କି ଫିଲ୍ମ ରିଲିଜ ହେବାର ୨ ବର୍ଷ ପରେ ମୋ ପ୍ରଥମ ଝିଅ ଜନ୍ମ ହୋଇଥିଲା , କିନ୍ତୁ ସେହି ସମୟରେ ତାଙ୍କର ପାଖରେ କ୍ଷୀର କିଣିବା ପାଇଁ ,କେବେ କେବେ ମୋ ପାଖରେ ପଇସା ହୋଇ ପାରୁ ନଥିଲା।
ଆଦି ଏହି ସମୟକୁ ମନେପକାଇ କହିଛନ୍ତି , ସେହି ଜମାନାରେ କ୍ଷୀର ୫ ଟଙ୍କାର ହେଉ ଥିଲା। ଆଦି ବଲିଉଡ୍ର ଫେମସ ଅଭିନେତ୍ରୀ ଅରୁଣା ଇରାନୀଙ୍କ ଭାଇ। ଅଭିନେତା କହିଛନ୍ତି କି, ମୋ ଭଉଣୀକୁ ମୋ ଆର୍ଥିକ ସ୍ଥିତି ବିଷୟରେ ଜଣା ଥିଲା । ସେ ଅନେକ ଥର ମୋତେ ସାହାଯ୍ୟ କରିବାକୁ ମଧ୍ୟ କହିଥିଲେ। କିନ୍ତୁ ଆଦି କହିଛନ୍ତି କି ସେ ଏଥିରେ ପ୍ରତି ଥର ମନା କରିଥିଲେ। ଅଭିନେତା କହିଛନ୍ତି ଏ ସବୁ ମୋର ଷ୍ଟ୍ରଗଲ ଥିଲା, ସେ ମୋର ଭଉଣୀ, ତ ଏହାର ଅର୍ଥ ଏହା ନୁହେଁ ଯେ ସେ ସାରା ଜୀବନ ଦେଖାଶୁଣା କରିବେ,ତାଙ୍କୁ ନିଜ ପରିବାର ଦାୟିତ୍ୱ ଥିଲା।
ଅଭିନେତା ଆଦି ନିଜର ସଂଘର୍ଷର ସେହି ଦିନକୁ ମନେପକାଇ କହିଛନ୍ତି ଯେ,ମୁଁ ନିଜର ଜଣେ ବନ୍ଧୁଙ୍କୁ ସ୍କୁଟର ମାଗିଥିଲି। ମୋତେ ସେଥିରେ ଲୋକଙ୍କ ପାଖକୁ ଚାକିରି ଓ ରୋଲ୍ ପାଇଁ ଯିବାକୁ ପଡ଼ୁ ଥିଲା। କିନ୍ତୁ , ତାର ମଧ୍ୟ ଟାଙ୍କି ଭରିବା ପାଇଁ ମୋ ପାଖରେ କେବେ କେବେ ପଇସା ବି ନଥିଲା। ତାଙ୍କୁ ବସ୍ଷ୍ଟପ୍ ଯାଏ ଚାଲି ଚାଲି ଯିବାକୁ ପଡ଼ୁ ଥିଲା। ହେଲେ ଏହି ସମୟରେ ତାଙ୍କୁ ଏମିତି କିଛି ଲୋକ ମିଳିଥିଲି, ଯିଏକି ତାଙ୍କୁ ପଚାରି ଥିଲେ କି ସେ ବସ୍ ଷ୍ଟପ୍ରେ କଣ କରୁଛନ୍ତି , ସେ କହୁ ଥିଲେ କି ସେ କୌଣସି ବନ୍ଧୁଙ୍କ ଅପେକ୍ଷା କରୁଛନ୍ତି।
