ହିନ୍ଦୁ ଧର୍ମରେ ଶୀତଳା ଅଷ୍ଟମୀ ବ୍ରତକୁ ବିଶେଷ ଭାବେ ବିବେଚନା କରାଯାଏ । ଏହି ବ୍ରତ ମାଆ ଶୀତଳାଙ୍କୁ ସମର୍ପିତ । ଏହି ବ୍ରତ ପ୍ରତିବର୍ଷ ଚୈତ୍ରମାସ କୃଷ୍ଣ ପକ୍ଷର ଅଷ୍ଠମୀ ତିଥିରେ ପାଳନ କରାଯାଏ। ମାଆ ଶୀତଳାଙ୍କୁ ସ୍ବଚ୍ଛତା ଓ ସ୍ବାସ୍ଥ୍ୟର ଦେବୀ କୁହାଯାଏ। ଶୀତଳା ଅଷ୍ଟମୀରେ ମାଆଙ୍କୁ ବାସୀ ଖାଦ୍ୟକୁ ଭୋଗ ଲଗାଯାଏ । କାରଣ ମାଆଙ୍କ ବାସୀଖାଦ୍ୟ ବେଶ୍ ପ୍ରିୟ । ତେବେ ଚଳିତ ବର୍ଷ ଆସନ୍ତାକାଲି ପଡ଼ୁଛି ଶୀତଳା ଅଷ୍ଟମୀ । ତେବେ ଆସନ୍ତୁ ଜାଣିବା ଏହାର ଶୁଭ ମୁହୁର୍ତ୍ତ ଓ ପୂଜା ବିଧି ।
ହିନ୍ଦୁ ପଞ୍ଚାଙ୍ଗ ଅନୁସାରେ , ଚଳିତବର୍ଷ ଚୈତ୍ରମାସର କୃଷ୍ଣପକ୍ଷ ଅଷ୍ଟମୀ ତିଥି ର ଆରମ୍ଭ ୨୨ ମାର୍ଚ୍ଚ ସକାଳ ୪ ଟା ୨୩ ମିନିଟରେ ଆରମ୍ଭ ହୋଇ ୨୩ ମାର୍ଚ୍ଚ ସକାଳ ୫ ଟା ୨୩ ମିନିଟରେ ଶେଷ ହେବ । ହିନ୍ଦୁ ଧର୍ମରେ ଉଦୟା ତିଥିର ମାନ୍ୟତା ରହିଛି। ତେଣୁ ଉଦୟାତିଥି ଅନୁସାରେ, ଶୀତଳା ଅଷ୍ଟମୀ ବ୍ରତ ଆସନ୍ତାକାଲି ପାଳନ କରାଯିବ । ଏହାର ଶୁଭ ମୁହୁର୍ତ୍ତ ଆସନ୍ତା କାଲି ସକାଳ ୬ଟା ୧୬ ରୁ ଆରମ୍ଭ ହୋଇ ସନ୍ଧ୍ୟା ୬ଟା ୨୬ ମିନିଟ ପର୍ଯ୍ୟନ୍ତ ରହିବ ।
ଏହିଦିନ ସକାଳୁ ଶୀଘ୍ର ଉଠି ସ୍ନାନ କରିବା ଉଚିତ୍ । ଏହାପରେ ସଫା କପଡ଼ା ପିନ୍ଧି ମନ୍ଦିର ସ୍ଥଳ କରିବା ଉଚିତ୍ । ଏହାପରେ ମନ୍ଦିରରେ ଶୀତଳା ମାଆଙ୍କ ମୂର୍ତ୍ତି ସ୍ଥାପନ କରନ୍ତୁ । ଏହାପରେ ମାଆଙ୍କୁ ହଳଦୀ , ସିନ୍ଦୁର , ଚନ୍ଦନ ଓ ଫୁଲ ଚଢାନ୍ତୁ । ମାଆଙ୍କୁ ଚାଉଳ,ଦହି ଓ ମିଠାର ବାସୀ ଭୋଗ ଲଗାନ୍ତୁ । ଏହାପରେ ମାଆଙ୍କ ପ୍ରସାଦ ପରିବାରର ସମସ୍ତଙ୍କୁ ବାଣ୍ଟିବା ଆବଶ୍ୟକ । ଏହିଦିନ ଭୋକିଲା ଓ ଗରିବ ଲୋକଙ୍କୁ ଦାନ କରନ୍ତୁ । ପାଣି ଓ ମିଠା ଦାନ କରିବା ଶୁଭ ହୋଇଥାଏ। ଏହି ମନ୍ଦିରରେ ଝାଡ଼ୁ ଦାନ କରନ୍ତୁ ।
