ମୁମ୍ବାଇ,୦୯/୧୦: ଚଣ୍ଡିଗଡ଼ରେ ଏକ ମ୍ୟୁଜିକ୍ ଭିଡିଓର ସୁଟିଂ ସମୟରେ ଆହତ ହୋଇଛନ୍ତି ଗାୟିକା ତୁଲସୀ କୁମାର । ତାଙ୍କ ଉପରେ ଏକ ବଡ଼ କାଠ ପଟା ପଡିଯିବାରୁ ତାଙ୍କ ଅଣ୍ଟାରେ ଆଘାତ ଲାଗିଥିବା ଜଣାଯାଇଛି। ତୁଲସୀ କୁମାର ଚଣ୍ଡିଗଡ଼ରେ ତାଙ୍କର ଆଗାମୀ ମ୍ୟୁଜିକ୍ ଭିଡିଓର ସୁଟିଂ ପାଇଁ ପହଞ୍ଚିଥିବା ବେଳେ ତାଙ୍କ ସହ ଏହି ବଡ଼ ଦୁର୍ଘଟଣା ଘଟିଥିଲା, ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି।
ଇନଷ୍ଟାଗ୍ରାମରେ ସେୟାର ହୋଇଥିବା ଭିଡିଓରେ ତୁଲସୀ ଏକ ଧଳା ରଙ୍ଗର ପୋଷାକ ପିନ୍ଧି ସୁଟ୍ ପାଇଁ ପ୍ରସ୍ତୁତ ହେଉଥିବା ଦେଖାଯାଇଛି। ଏହା ପରେ ତାଙ୍କ ବାମ ପଟେ ଥିବା ପଟା ଖସିବା ସହ ପଛ ପଟେ ଥିବା ବଡ଼ ପଟାଟି ତାଙ୍କ ଉପରକୁ ଖସିପଡ଼ୁଛି। ସୁଟିଂରେ ଥିବା କ୍ରୁ ସଦସ୍ୟଙ୍କ ଚିତ୍କାର ଶୁଣି ତୁଳସୀ ଆଗକୁ ଆସିବାକୁ ଚେଷ୍ଟା କରିଥିଲେ ବି ପଟାଟି ତାଙ୍କ ଅଣ୍ଟାରେ ପଡ଼ିଯାଉଛି। ଏହା ଫଳରେ ତାଙ୍କ ଅଣ୍ଟାରେ ଆଘାତ ଲାଗୁଛି। ଯାହା ପରେ ସେଠାରେ ଉପସ୍ଥିତ ଥିବା ସମସ୍ତ କ୍ରୁ ସଦସ୍ୟ ତାଙ୍କ ପାଖକୁ ଆସି ସାହାଯ୍ୟ କରନ୍ତି।ତାଙ୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ପ୍ରଶଂସକମାନେ ନିଜର ପ୍ରତିକ୍ରିୟା ପ୍ରକାଶ କରୁଛନ୍ତି। ଏହା ବ୍ୟତୀତ ପ୍ରଶଂସକମାନେ ମଧ୍ୟ ଗାୟକଙ୍କ ବିଷୟରେ ଚିନ୍ତା ପ୍ରକଟ କରୁଛନ୍ତି। ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି।
