ମୁମ୍ବାଇ,୧/୩ : ଚାମ୍ପିୟନ୍ସ ଟ୍ରଫି ୨୦୨୫ଟୁର୍ଣ୍ଣାମେଣ୍ଟ ଲାଗି ଭାରତୀୟ ଟିମ୍ ଏବେ ଦୁବାଇରେ ଅଛନ୍ତି । ଆଗାମୀ ମ୍ୟାଚ୍ ୧ମାର୍ଚ୍ଚରେ ନ୍ୟୁଜିଲାଣ୍ଡ ସହ ଖେଳିବାକୁ ଅଛି । ଏହା ମଧ୍ୟରେ ଆଇସିସି ଦ୍ବାରା ଚାମ୍ପିୟନ୍ସ ଟ୍ରଫି ଲାଗି ଚୟନ କରାଯାଇଥିବା ଜନୈକ ନେଟ ବୋଲରଙ୍କ ଶ୍ରେୟସ ଅୟର ଦିନଟିକୁ ସୁନ୍ଦର କରିଥିଲେ । ଅୟର ଏବେ ଟିମ୍ ଇଣ୍ଡିଆ ଲାଗି ୪ର୍ଥ କ୍ରମରେ ବହୁତ ବଢିଆ ବ୍ୟାଟିଂ କରୁଛନ୍ତି । ସେ ଆଇସିସି କ୍ରିକେଟ ଏକାଡେମୀରେ ଅଭ୍ୟାସ ସମୟରେ ନେଟ ବୋଲର ଜସକିରନ ସିଂହଙ୍କୁ ଜୋତା ଗିଫ୍ଟ କରିଛନ୍ତି ।
ଜସକିରଣ ସିଂହ ପେଶାରେ ଚାର୍ଟାଡ ଆକାଉଣ୍ଟାଣ୍ଟ ଅଟନ୍ତି ଏବଂ କ୍ରିକେଟ ସହ ବହୁତ ଭଲପାଇବା ଅଛି । ନ୍ୟୁଜ୍ ଏଜେନ୍ସି ପିଟିଆଇ ଅନୁସାରେ ଜସକୀରଣ ଲଗଅନ୍ ପଜିଶନରେ ଫିଲ୍ଡିଂ କରୁଥିଲେ। ସେତେବେଳେ ଶ୍ରେୟସ ଅୟର ତାଙ୍କ ପାଖକୁ ଯାଇଥିଲେ ଏବଂ ପଚାରିଥିଲେ ପାଜୀ କେମିତି ଅଛନ୍ତି ? ସବୁ ଭଲ ।’
ଜସକୀରଣ କହିଛନ୍ତି ଶ୍ରେୟସ ଭାଇ ମୋ ପାଖକୁ ଆସିଥିଲେ ଏବଂ ପଚାରିଥିଲେ କି ମୋ ଜୋତାର ସାଇଜ କେତେ ? ମୁଁ କହିଥିଲି ୧୦ । ଶ୍ରେୟସ କହିଥିଲେ କି ତାଙ୍କ ପାଖରେ ମୋ ପାଇଁ କିଛି ଅଛି , ସେତେବେଳେ ସେ ମୋତେ ଜୋତା ଗିଫ୍ଟ କରିଥିଲେ । ଏହି ମୂହୁର୍ତ୍ତ ମୋ ଲାଗି ବହୁତ ଗୁରୁତ୍ବପୂର୍ଣ୍ଣ ଅଟେ । ପ୍ରକାଶ ଯେ , ଚାମ୍ପିୟନ୍ସ ଟ୍ରଫି ଟୁର୍ଣ୍ଣାମେଣ୍ଟ ସମୟରେ ଜସକୀରଣ ସିଂହ ପାକିସ୍ତାନ ଏବଂ ବାଂଲାଦେଶ ଖେଳାଳୀଙ୍କୁ ବି ନେଟ୍ସରେ ବୋଲିଂ କରି ସାରିଛନ୍ତି । ସେ ଅଫ- ସ୍ପିନ ବୋଲର ଅଟନ୍ତି । ଜସକୀରଣ ସେତେବେଳେ ବହୁତ ନିରାଶ ହୋଇଥିଲେ ଯେତେବେଳେ ତାଙ୍କୁ ଭାରତୀୟ ଟିମକୁ ନେଟ୍ସରେ ବୋଲିଂ କରିବାର ସୁଯୋଗ ମିଳିନଥିଲା ।
