ମୁମ୍ବାଇ,୦୮/୧୧: ଜଣାଶୁଣା ଟେଲି ଅଭିନେତା ନିତିନ ଚୌହାନଙ୍କ ଦେହାନ୍ତ । ମାତ୍ର ୩୫ ବର୍ଷ ବୟସରେ ଦୁନିଆକୁ ବିଦାୟ ଦେଇଛନ୍ତି ନିତିନ। ଅଭିନେତାଙ୍କ ମୃତ୍ୟୁ ହେତୁ ପ୍ରଶଂସକମାନେ ମଧ୍ୟ ନିରାଶ ହୋଇଛନ୍ତି। ଏଥିସହ ଟିଭି ଇଣ୍ଡଷ୍ଟ୍ରିରେ ଶୋକ ପ୍ରକାଶ ପାଇଛି। ତେବେ ନିତିନଙ୍କ ମୃତ୍ୟୁ ଖବର ବିଭୁତି ଠାକୁର ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ସୂଚନା ଦେଇଛନ୍ତି। ଏହି ପୋଷ୍ଟରେ ସେ ନିତିନଙ୍କ ସହ ନିଜର ଏକ ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି। ପୋଷ୍ଟ ସେୟାର କରିବାବେଳେ ସେ କ୍ୟାପସନରେ ଲେଖିଛନ୍ତି ଯେ ରେଷ୍ଟ ଇନ୍ ପିସ୍ ମାଇଁ ଡିଅର … ଏହା ଶୁଣି ବହୁତ ଆଶ୍ଚର୍ଯ୍ୟ ଏବଂ ଦୁଃଖିତ।
ବିଭୂତି ଠାକୁର ତାଙ୍କ ପୋଷ୍ଟରେ ଆହୁରି ଲେଖିଛନ୍ତି ଯେ ଭଗବାନ ତୁମର ଆତ୍ମାକୁ ବିଶ୍ରାମ ଦିଅନ୍ତୁ । ତେବେ ରିଆଲିଟି ସୋ 'ଦାଦାଗିରି ୨' ଜିତି ଲୋକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ ନିତିନ । ନିତିନ ୟୁପିର ଅଲିଗଡ ଜିଲ୍ଲାର ବାସିନ୍ଦା ଥିଲେ। କେବଳ ଏତିକି ନୁହେଁ ସେ MTV ର 'ସ୍ପ୍ଲିଟ୍ସଭିଲା ସିଜନ ୫' ମଧ୍ୟ ଜିତିଥିଲେ । ଏହା ବ୍ୟତୀତ ନିତିନଙ୍କୁ କ୍ରାଇମ ପାଟ୍ରୋଲ ଏବଂ ଫ୍ରେଣ୍ଡସ ଭଳି ସିରିଏଲରେ ମଧ୍ୟ ଦେଖିବାକୁ ମିଳିଥିଲା। କ୍ରାଇମବ୍ରାଞ୍ଚରୁ ନିତିନଙ୍କୁ ଏକ ସ୍ୱତନ୍ତ୍ର ପରିଚୟ ମିଳିଥିଲା। ଏହା ବ୍ୟତୀତ ନିତିନ Zindagi.com ରେ ମଧ୍ୟ ଦେଖାଦେଇଥିଲେ । ନିତିନଙ୍କ ଶେଷ ଟିଭି ସୋ ବିଷୟରେ କହିବାକୁ ଗଲେ, ସେ ୨୦୨୨ ମସିହାରେ ଟିଭି ସୋ 'ତେରା ୟାର ହୁଁ ମେଁ 'ରେ ନଜର ଆସିଥିଲେ। ଏହା ସହିତ ଆମେ ନିତିନଙ୍କ ମୃତ୍ୟୁର କାରଣ ବିଷୟରେ ଆଲୋଚନା କରିବାକୁ ଗଲେ ଅଭିନେତାଙ୍କ ମୃତ୍ୟୁର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। କିନ୍ତୁ ଏହା ମଧ୍ୟ କୁହାଯାଇଛି ଯେ ସେ ଆତ୍ମହତ୍ୟା କରିଛନ୍ତି ।
