ମେଲବର୍ଣ୍ଣ,୧୩/୦୨: ଆଗାମୀ ଆଇସିସି ଚାମ୍ପିଅନ୍ସ ଟ୍ରଫିରୁ ଅଷ୍ଟ୍ରେଲିଆର ପ୍ରମୁଖ ପେସ୍ ବୋଲର ମିଚେଲ ଷ୍ଟାର୍କ ଓହରି ଯାଇଛନ୍ତି । ସେ ସମ୍ପୂର୍ଣ୍ଣ ଫିଟ୍ ରହିଥିଲେ ହେଁ ଚାମ୍ପିଅନ୍ସ ଟ୍ରଫି ଛାଡ଼ିବା ପଛର କାରଣ ଜଣାଇ ନାହାନ୍ତି । ପୂର୍ବରୁ ପ୍ୟାଟ୍ କମିନ୍ସ, ଜୋସ ହାଜେଲଉଡ୍, ମିଚେଲ ମାର୍ଶ ଓ ମାର୍କସ ଷ୍ଟଇନିସ୍ ଚାମ୍ପିଅନ୍ସ ଟ୍ରଫିରୁ ବାଦ ପଡ଼ିସାରିଛନ୍ତି । କମିନ୍ସ, ହାଜେଲଉଡ୍ ଓ ମାର୍ଶ ଆହତ ଅଛନ୍ତି । ଷ୍ଟଇନିସ ଅପ୍ରତ୍ୟାଶିତ ଭାବେ ଦିନିକିଆରୁ ଅବସର ନେଇଥିଲେ । ବର୍ତ୍ତମାନ ଷ୍ଟାର୍କ ବ୍ୟକ୍ତିଗତ କାରଣ ଦର୍ଶାଇ ଓହରି ଯାଇଛନ୍ତି । ଏମାନଙ୍କ ଅନୁପସ୍ଥିତିରେ ଷ୍ଟିଭେନ ସ୍ମିଥ୍ ଅଷ୍ଟ୍ରେଲିଆ ଦଳର ନେତୃତ୍ୱ ନେବେ । ବାଦ ପଡ଼ିଥିବା ୫ ଖେଳାଳିଙ୍କ ସ୍ଥାନରେ ସିନ ଆବୋଟ୍, ବେନ ଡର୍ସ୍ରିସ, ଜେକ ଫ୍ରେଜର-ମ୍ୟାକଗର୍କ, ସ୍ପେନସର ଜନସନ ଓ ତନବୀର ସାଙ୍ଘାଙ୍କୁ ଡ଼ାକରା ମିଳିଛି । ଏମାନଙ୍କ ବ୍ୟତୀତ କୁପର କନଲି ଟ୍ରାଭେଲ ରିଜର୍ଭ ଭାବେ ସ୍ଥାନ ପାଇଛନ୍ତି । ଅଷ୍ଟ୍ରେଲିଆ ୨୨ତାରିଖରେ ଇଂଲଣ୍ଡ ବିପକ୍ଷରେ ଅଭିଯାନ ଆରମ୍ଭ କରିବ । ଏହାପରେ ୨୫ତାରିଖରେ ଦକ୍ଷିଣ ଆଫ୍ରିକା ଓ ୨୮ତାରିଖରେ ଆଫଗାନିସ୍ତାନକୁ ଭେଟିବ ।
ଦଳ: ଷ୍ଟିଭେନ ସ୍ମିଥ୍(ଅଧିନାୟକ), ସିନ ଆବୋଟ, ଆଲେକ୍ସ କ୍ୟାରୀ, ବେନ ଡାର୍ସିୟସ, ନାଥାନ ଏଲିସ୍, ଜେକ ଫ୍ରେଜର-ମ୍ୟାକଗର୍କ, ଆରନ ହାର୍ଡି, ଟ୍ରେଭିସ ହେଡ୍, ଜୋସ ଇଂଲିଶ, ସ୍ପେନସର ଜନସନ, ମାର୍ନସ ଲାବୁସାନ, ଗ୍ଲେନ ମ୍ୟାକ୍ସୱେଲ୍, ତନବୀର ସାଙ୍ଘା, ମାଥ୍ୟୁ ସର୍ଟ, ଆଡାମ ଜାମ୍ପା ।
