ଜ୍ୟୋତିଷ ଶାସ୍ତ୍ର ଅନୁସାରେ ସମସ୍ତ ଗ୍ରହ ନିର୍ଦ୍ଦିଷ୍ଟ ସମୟାନୁସାରେ ଗୋଟିଏ ରାଶିରୁ ଅନ୍ୟ ଏକ ରାଶିକୁ ଚଳନ କରିଥାନ୍ତି । ଏହାଦ୍ୱାରା ଅନେକ ଶୁଭ ଓ ଅଶୁଭ ଯୋଗ ସୃଷ୍ଟି ହୋଇଥାଏ । ଅନେକ ଶୁଭ ରାଜଯୋଗ ମଧ୍ୟ ହୋଇଥାଏ । ଏହାର ପ୍ରଭାବରେ ଜୀବନରେ ପଡିବା ସହ ଅନେକ ପରିବର୍ତ୍ତନ ଘଟିଥାଏ । ୨୪ ଜୁନ୍ରେ ଚନ୍ଦ୍ରମା ମିଥୁନ ରାଶିରେ ପ୍ରବେଶ କରି ସାରିଛନ୍ତି । ଏହି ରାଶିରେ ପୂର୍ବରୁ ସୂର୍ଯ୍ୟ ଓ ବୃହସ୍ପତି ମଧ୍ୟ ଉପସ୍ଥିତ ରହିଛନ୍ତି । ଏହି କାରଣରୁ ଆଦିତ୍ୟ ରାଜଯୋଗ ସୃଷ୍ଟି ହୋଇଛି । ଏହାଦ୍ୱାରା ଚାକିରି ଠାରୁ ଆରମ୍ଭ କରି ବ୍ୟବସାୟ ଓ ଜୀବନରେ ବଡ ସଫଳତା ମିଳିଥାଏ ।
ସେହିପରି ସୂର୍ଯ୍ୟ ଦେବ ଉଦୟ ହେବା ଦ୍ୱାରା ସକରାତ୍ମକ ପ୍ରଭାବ ପଡିଥାଏ । ଜାଣନ୍ତୁ ଏଭଳି କିଛି ରାଶି ବ୍ୟକ୍ତି ବିଶେଷଙ୍କ ବିଷୟରେ ଯେଉଁମାନେ ଏହି ରାଜଯୋଗ ଓ ସୂର୍ଯ୍ୟଙ୍କ କୃପାରୁ ଅତ୍ୟନ୍ତ ଶୁଭଫଳ ପାଇବେ ।
ମେଷ- ଏହି ରାଶିଙ୍କ ସ୍ୱାମୀ ମଙ୍ଗଳ ଗ୍ରହ । ମଙ୍ଗଳଙ୍କ ସହ ସୂର୍ଯ୍ୟଙ୍କ ମିତ୍ରତା ଭାବ ରହିଛି ବୋଲି କୁହାଯାଏ । ତେଣୁ ସୂର୍ଯ୍ୟଦେବଙ୍କ କୃପା ସର୍ବଦା ଏହି ରାଶିଙ୍କ ଉପରେ ରହିଥାଏ । ଏହି ରାଶି ହଠାତ୍ ସଫଳତା ଓ ଧନ ପ୍ରାପ୍ତି ହୋଇଥାଏ । ଜୀବନରେ ସର୍ବଦା ସୁଖସମୃଦ୍ଧି ରହିଥାଏ । ସ୍ୱାସ୍ଥ୍ୟ ଉତ୍ତମ ରହିଥାଏ । ସାହସୀ ସହ ଏମାନେ ଆତ୍ମବିଶ୍ୱାସୀ ମଧ୍ୟ । ଯେଉଁ କାମରେ ହାତ ଦିଅନ୍ତି ନିଶ୍ଚୟ ପୂରଣ କରନ୍ତି । ନିଶ୍ଚୟ ଏମାନଙ୍କୁ ସଫଳତା ମିଳିଥାଏ ।
ମିଥୁନ- ଆତ୍ମବିଶ୍ୱାସ ବୃଦ୍ଧି ହେବ । ଆମଦାନୀରେ ବୃଦ୍ଧି ହେବ । ଘର କିମ୍ବା ଗାଡି କିଣିବାର ଯୋଗ ରହିଛି । ଅବିବାହିତ ଯୁବକ ଯୁବତୀଙ୍କ ବିବାହର ଯୋଗ ରହିଛି ।
ସିଂହ- ଏହି ରାଶିଙ୍କ ସ୍ୱାମୀ ସୂର୍ଯ୍ୟ ଦେବତା । ଏମାନଙ୍କ ନିକଟରେ ନେତୃତ୍ୱ ନେବାର କ୍ଷମତା ଥାଏ । କର୍ମକ୍ଷେତ୍ରରେ ଖୁବ୍ ସଫଳତା ମିଳିଥାଏ । ହଠାତ୍ ଏମାନେ ଧନୀ ହୁଅନ୍ତି ।
କନ୍ୟା- ଅନେକ ଦିନର ଇଚ୍ଛା ପୂରଣ ହେବ । ଧନ ଲାଭର ଯୋଗ ରହିଛି । ନୂଆ ଗାଡି କିଣିବାର ଯୋଗ ରହିଛି । ଲାଗି ରହିଥିବା ସମସ୍ୟା ଦୂର ହେବ । ବ୍ୟବସାୟରେ ଲାଭ ମିଳିବ । ପ୍ରେମ ସମ୍ପର୍କ ମଜଭୁତ ହେବ ।
ଧନୁ- ଏମାନେ ଜୀବନରେ ସଫଳତା ସହ ସମ୍ମାନ ପାଇଥାନ୍ତି । ସମସ୍ୟା ଆସିଲେ ମଧ୍ୟ ଦୂର ହୋଇଥାଏ । ଭାବି ଚିନ୍ତି ନିଷ୍ପତ୍ତି ନିଅନ୍ତୁ । ଦୀର୍ଘ ଦିନରୁ ଅଟକି ଥିବା କାମ ପୂରଣ ହେବ । ସମସ୍ୟା ଦୂର ହେବ । ଆୟରେ ବୃଦ୍ଧି ହେବ । ଦାମ୍ପତ୍ୟ ଜୀବନ ସୁଖମୟ ହେବ । ନୂଆ ବ୍ୟବସାୟ ଆରମ୍ଭ କରିବାର ଯୋଗ ରହିଛି । ଯାତ୍ରାର ଯୋଗ ରହିଛି
