ବିଶ୍ରା ୧୭/୦୫: ବିଶ୍ରା ଥାନା ଅନ୍ତର୍ଗତ କୋଏଲ ନଦୀରେ ବୁଡି ଜଣେ ଛାତ୍ରଙ୍କ ମୃତ୍ୟୁ। ମୃତକ ଛାତ୍ର ଜଣକଙ୍କ ନାମ ବରୁଣ ମାଝୀ ବୋଲି ଜଣାପଡିଛି। ସେ ଆଇଟିଆଇ ଛାତ୍ର ହୋଇଥିଲା ବେଳେ ଜଳଦା ସି ବ୍ଲକର ରୁହନ୍ତି ବୋଲି ଜଣାପଡିଛି।

ଛାତ୍ର ଜଣଙ୍କ ଗତ କିଛିଦିନ ତଳେ ଲିଡ୍ରା ସ୍ଥିତ ମାମୁଁ ଘରକୁ ବୁଲିବାକୁ ଆସିଥିଲେ। ଏହି ସମୟରେ କିଛି ସାଙ୍ଗମାନଙ୍କ ସହ କୋଏଲ ନଦୀକୁ  ଗାଧୋଇବା ପାଇଁ ଆସିଥିଲେ। ହେଲେ ବିଧିର ବିଧାନ ବଡ ବିଚିତ୍ର, ଛାତ୍ର ଜଣଙ୍କ ସେଠାରେ ଗାଧଉଥିବା ସମୟରେ ପାଣିରେ ବୁଡି ଯାଇଥିଲେl 

ସ୍ଥାନୀୟ ଲୋକ ବହୁ ଖୋଜାଖୋଜି କରି ତାଙ୍କୁ ଉଦ୍ଧାର କରିବା ପରେ ଆମ୍ବୁଲାନ୍ସ ଯୋଗେ ରାଉରକେଲା ସରକାରୀ ହସ୍ପିଟାଲକୁ ଚିକିତ୍ସା ପାଇଁ ନେଇଯାଇଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେl ମୃତ ଛାତ୍ରଙ୍କ ଶରୀରକୁ ହସପିଟାଲସ୍ଥିତ ମର୍ଗ ହାଉସରେ ରଖା ଯାଇଥିବା ଜଣାପଡିଛିl